ശ്രദ്ധയ്ക്ക്, ഇന്ന് നടക്കേണ്ട ഐ എസ് സി 12-ാം ക്ലാസ് കെമിസ്ട്രി പരീക്ഷ മാറ്റി

കെമിസ്ട്രി പരീക്ഷാ ചോദ്യപേപ്പർ ചോർന്നെന്ന് റിപ്പോർട്ടുകൾ പുറത്തു വന്നിരുന്നു. 

ദില്ലി :  ഇന്ന് നടക്കേണ്ടിയിരുന്ന ഐഎസ് സി 12 ാം ക്ലാസ് കെമിസ്ട്രി പരീക്ഷ മാറ്റി. മാർച്ച് 21ലേക്കാണ് മാറ്റിയത്. ചില അവിചാരിതമായ കാരണങ്ങൾ കൊണ്ട് പരീക്ഷ മാറ്റിയെന്നാണ് ബോർഡ് അറിയിപ്പ്. കെമിസ്ട്രി പരീക്ഷാ ചോദ്യപേപ്പർ ചോർന്നെന്ന് റിപ്പോർട്ടുകൾ പുറത്തു വന്നിരുന്നു. പരീക്ഷ ആരംഭിക്കുന്നതിന് മണിക്കൂറുകൾ മുമ്പാണ് മാറ്റാനുളള തീരുമാനം അറിയിച്ചത്.