JEE Main 2022 Admit Card : ജെഇഇ മെയിൻ 2022 സെഷൻ 2 അഡ്മിറ്റ് കാർഡ് പുറത്തിറക്കി; ഡൗൺലോഡ് ചെയ്യേണ്ടതെങ്ങനെ?

ആപ്ലിക്കേഷൻ ഐഡി, ജനനതീയതി, സെക്യൂരിറ്റി പിൻ എന്നിവ ഉപയോ​ഗിച്ച് വിദ്യാർത്ഥികൾക്ക് ​ഹാൾടിക്കറ്റ് ഡൗൺലോഡ് ചെയ്യാം. 

ദില്ലി: ജെഇഇ മെയിൻ 2022 സെഷൻ 2 അഡ്മിറ്റ് കാർഡ് പുറത്തിറക്കി നാഷണൽ ടെസ്റ്റിം​ഗ് ഏജൻസി. ഹാൾടിക്കറ്റ് ഔദ്യോ​ഗിക വെബ്സൈറ്റായ  jeemain.nta.nic.in ൽ ലഭ്യമാകും. ആപ്ലിക്കേഷൻ ഐഡി, ജനനതീയതി, സെക്യൂരിറ്റി പിൻ എന്നിവ ഉപയോ​ഗിച്ച് വിദ്യാർത്ഥികൾക്ക് ​ഹാൾടിക്കറ്റ് ഡൗൺലോഡ് ചെയ്യാം. 

അതേസമയം, പേപ്പർ-2 (ബി.ആർക്ക്, ബി. പ്ലാനിംഗ്) എഴുതുന്നവർക്കും വിദേശത്ത് പരീക്ഷാ കേന്ദ്രങ്ങൾ തിരഞ്ഞെടുത്തവർക്കും ഹാൾ ടിക്കറ്റ് പിന്നീട് ലഭിക്കും. നാഷണൽ ടെസ്റ്റിം​ഗ് ഏജൻസിയുടെ അറിയിപ്പ് പ്രകാരം, ഇന്ത്യയ്ക്ക് പുറത്തുള്ള പരീക്ഷ കേന്ദ്രങ്ങൾ തിരഞ്ഞെടുത്ത ഉദ്യോഗാർത്ഥികളുടെ അഡ്മിറ്റ് കാർഡ് പിന്നീട് പുറത്തിറക്കും. കാരണം അവരുടെ പരീക്ഷകൾ 2022 ജൂലൈ 25 ന് ശേഷം ഷെഡ്യൂൾ ചെയ്തിരിക്കുന്നു. അതുപോലെ തന്നെ പേപ്പർ-2 (ബി.ആർക്ക്, ബി. പ്ലാനിംഗ്) പരീക്ഷയെഴുതുന്ന ഉദ്യോഗാർത്ഥികളുടെ അഡ്മിറ്റ് കാർഡുകളും പിന്നീടായിരിക്കും ലഭിക്കുക. അവരുടെ പരീക്ഷകൾ 2022 ജൂലൈ 30-ന് ഷെഡ്യൂൾ ചെയ്തിരിക്കുന്നു.

ജെഇഇ മെയിൻ 2022 സെഷൻ 2 ഹാൾ ടിക്കറ്റ് ഡൗൺലോഡ് ചെയ്യാൻ, ഉദ്യോഗാർത്ഥികൾ അപേക്ഷ നമ്പർ, ജനനത്തീയതി എന്നിവ ഉപയോഗിക്കേണ്ടതുണ്ട്. ജെഇഇ മെയിൻ 2022 അഡ്മിറ്റ് കാർഡ് സ്ക്രീനിൽ ദൃശ്യമാകും, കൂടുതൽ റഫറൻസുകൾക്കായി ഡൗൺലോഡ് ചെയ്ത് പ്രിന്റ് ഔട്ട് എടുക്കുക. ജൂലൈ 25 മുതൽ നടക്കുന്ന സെഷൻ 2 പരീക്ഷയിൽ 6.29 ലക്ഷത്തിലധികം (6,29,778) വിദ്യാർത്ഥികൾ പങ്കെടുക്കും. ജെഇഇ മെയിൻ അഡ്മിറ്റ് കാർഡ് 2022 ൽ ഉദ്യോഗാർത്ഥിയുടെ പേര്, ജനനത്തീയതി, വിഭാഗം, റോൾ നമ്പർ, അപേക്ഷാ നമ്പർ, പരീക്ഷാ തീയതിയും സമയവും, ഫോട്ടോ, ഒപ്പ്, പരീക്ഷാ കേന്ദ്രത്തിന്റെ വിശദാംശങ്ങൾ തുടങ്ങിയവ ഉണ്ടായിരിക്കും.

അഡ്മിറ്റ് കാർഡ്: ഡൗൺലോഡ് ചെയ്യുന്നതിനുള്ള ഘട്ടങ്ങൾ

ഔദ്യോഗിക വെബ്സൈറ്റ് സന്ദർശിക്കുക- jeemain.nta.nic.in
JEE മെയിൻ 2022 അഡ്മിറ്റ് കാർഡ് ലിങ്കിൽ ക്ലിക്ക് ചെയ്യുക
ആപ്ലിക്കേഷൻ നമ്പർ, ജനനത്തീയതി എന്നിവ നൽകുക
JEE മെയിൻ 2022 ഹാൾ ടിക്കറ്റ് സ്ക്രീനിൽ ദൃശ്യമാകും
ഹാൾ ടിക്കറ്റ് ഡൗൺലോഡ് ചെയ്യുക, കൂടുതൽ റഫറൻസിനായി പ്രിന്റ് ഔട്ട് എടുക്കുക.