Kerala Knowledge Economy Mission Job Fair : കേരള നോളജ് ഇക്കോണമി മിഷന് തൊഴില്മേള ജനുവരി 12 ന് മാനന്തവാടിയില്
Synopsis
നൈപുണ്യവും വൈദഗ്ധ്യവുമുള്ള തൊഴിലാളികളെയും അവരുടെ സേവനം ആവശ്യമുള്ള തൊഴില് ദാതാക്കളെയും ഒരു കുടക്കീഴില് കൊണ്ടു വരികയാണ് മേളയിലൂടെ സര്ക്കാര് ലക്ഷ്യമിടുന്നത്.
വയനാട്: സംസ്ഥാന സര്ക്കാരിന്റെ അഭിമാന പദ്ധതിയായ (Kerala Knowledge Economy Mission Job Fair) കേരള നോളജ് ഇക്കോണമി മിഷന്റെ വയനാട് ജില്ലയിലെ പ്രവര്ത്തനങ്ങള്ക്ക് ജനുവരി 12 നു മാനന്തവാടി ഗവ. കോളേജില് നടക്കുന്ന തൊഴില് മേളയോടെ (Job Fair) തുടക്കം കുറിക്കും. കഴിഞ്ഞ ഫെബ്രുവരിയില് ഉദ്ഘാടനം ചെയ്ത ഡിജിറ്റല് വര്ക്ക് ഫോഴ്സ് മാനേജ്മെന്റ് സിസ്റ്റം (DWMS) എന്ന പ്ലാറ്റ്ഫോം വഴിയാണ് അഭ്യസ്തവിദ്യരായ തൊഴിലന്വേഷകര്ക്ക് അവരവരുടെ അഭിരുചിക്കും നൈപുണ്യത്തിനും അനുയോജ്യമായ തൊഴില് തിരഞ്ഞെടുക്കുന്നതിന് കേരള നോളജ് ഇക്കോണമി മിഷന് അവസരമൊരുക്കുന്നത്. നൈപുണ്യവും വൈദഗ്ധ്യവുമുള്ള തൊഴിലാളികളെയും അവരുടെ സേവനം ആവശ്യമുള്ള തൊഴില് ദാതാക്കളെയും ഒരു കുടക്കീഴില് കൊണ്ടു വരികയാണ് മേളയിലൂടെ സര്ക്കാര് ലക്ഷ്യമിടുന്നത്.
തൊഴില് മേളയില് പങ്കെടുക്കാന് രജിസ്റ്റര് ചെയ്ത ഉദ്യോഗാര്ത്ഥികള്ക്ക് ജോബ് റെഡിനെസ്, ഇന്റര്വ്യൂ സ്കില് എന്നിവയില് മൂന്ന് മണിക്കൂര് സൗജന്യ പരിശീലനവും കേരള നോളജ് ഇക്കോണമി മിഷന്നും കുടുബശ്രീയുടെ സ്കില് വിഭാഗവും ചേര്ന്ന് ഒരുക്കിയിട്ടുണ്ട്. കരിയര് മെച്ചപ്പെടുത്താനും അനുയോജ്യമായ ജോലിയില് പ്രവേശിക്കാനും തൊഴില് മേള അവസരമൊരുക്കും. ഐ.ടി, എഞ്ചിനീയറിംഗ്, ടെക്നിക്കല് ജോബ്സ്, സിവില് ആന്ഡ് കണ്സ്ട്രക്ഷന്, ഓട്ടോ മൊബൈല്, മെഡിക്കല്, ലോജിസ്റ്റിക്സ്, മാനേജ്മെന്റ്, റീടൈല്സ്, ഫിനാന്സ്, വിദ്യാഭാസ സ്ഥാപനങ്ങള്, ബാങ്കിങ്ങ്, മാര്ക്കറ്റിംഗ്, സെയില്സ്, മീഡിയ, സ്കില് എഡ്യൂക്കേഷന്, ഹോസ്പിറ്റാലിറ്റി, ഇന്ഷുറന്സ, ഷിപ്പിംഗ്, അഡ്മിനിസ്ട്രേഷന്, ഹോട്ടല് മാനേജ്മെന്റ്, ടാക്സ് തുടങ്ങിയ മേഖലകളിലെ 100 ലധികം കമ്പനികളിലായി 15000 ലധികം ഒഴിവുകള് റിപ്പോര്ട്ട് ചെയ്യപ്പെട്ടിട്ടുണ്ട്. തൊഴില് അന്വേഷകര്ക്ക് knowledgemission.kerala.gov.in എന്ന വെബ്സൈറ്റില് രജിസ്റ്റര് ചെയ്യാം.
വിവരങ്ങള്ക്ക് വിളിക്കാം - 0471 2737881