ലുലു ഗ്രൂപ്പ് വിളിക്കുന്നു, ജോലി കേരളത്തിൽ; ഇന്ന് കൂടി അപേക്ഷിക്കാം, വിശദവിവരങ്ങൾ

ഇന്നാണ് (ജൂൺ 26) അപേക്ഷ സമർപ്പിക്കേണ്ട അവസാന തീയതി.

കൊച്ചി: ലുലു ഗ്രൂപ്പിൽ ജോലി നേടാൻ അവസരം. കൊച്ചിയിലേയ്ക്ക് ലുലു ഗ്രൂപ്പ് അർഹരായ ഉദ്യോഗാർത്ഥികളിൽ നിന്നും അപേക്ഷ ക്ഷണിച്ചിരിക്കുകയാണ്. റീട്ടെയിൽ പ്ലാനർ, സെൻട്രൽ ബയർ, ഫാഷൻ ഡിസൈനർ ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്. ജൂൺ 26 ആണ് അപേക്ഷ സമർപ്പിക്കേണ്ട അവസാന തീയതി. ഒഴിവുകളും ആവശ്യമായ യോ​ഗ്യതകളും ചുവടെ ചേർക്കുന്നു.

റീട്ടെയിൽ പ്ലാനർ (ജോബ് കോഡ്: MP01)

• അപാരൽ വ്യവസായ രംഗത്ത് 3 മുതൽ 5 വർഷം വരെ പ്രവൃത്തി പരിചയം
• ഒ ടി ബി പ്ലാനിംഗ്, സെയിൽസ് ഫോർകാസ്റ്റിംഗ്, ഇൻവെന്ററി മാനേജ്മെന്റ്
• സ്റ്റോക്ക് അലോക്കേഷൻ, അസോർട്ട്മെന്റ്, കാറ്റഗറി പ്ലാനിംഗ്
• പ്രൊഡക്ട് പെർഫോർമൻസ് ഇവാല്യുവേഷൻ, ടീമുമായുള്ള സഹകരണം.
• ഫാഷൻ മാനേജ്മെന്റിൽ ബിരുദം.

സെൻട്രൽ ബയർ (ജോബ് കോഡ്: CB02)

• ഫാഷൻ ബയിംഗ് രംഗത്തെ പരിചയം
• കിഡ്സ് ബയിംഗ്, വെണ്ടർ മാനേജ്മെന്റ്, നെഗോഷിയേഷൻ.
• ഫാഷൻ / ബന്ധപ്പെട്ട മേഖലയിൽ ബിരുദം (NIFT പ്രധാനം).

ഫാഷൻ ഡിസൈനർ (ജോബ് കോഡ്: FD03)

• ഫാഷൻ രം​ഗത്ത് 4 വർഷത്തെ പരിചയം
• വിമൻസ് വെസ്റ്റേൺ വെയർ ഡിസൈനിംഗ്
• ഫാഷൻ ടെക്നോളജിയിൽ ബിരുദം / മാസ്റ്റേഴ്സ് (NIFT പ്രധാനം).

മേൽപ്പറഞ്ഞ ഒഴിവുകളിലേക്ക് careers@lulujndia.com എന്ന ഇമെയിൽ വിലാസത്തിൽ അപേക്ഷ സമർപ്പിക്കേണ്ടതാണ്. അപേക്ഷയിൽ സബ്ജക്ട് ഫീൽഡിൽ ജോബ് കോഡ് ഉൾപ്പെടുത്താൻ പ്രത്യേകം ശ്രദ്ധിക്കണം.