മീഡിയ അക്കാദമി പി.ജി ഡിപ്ലോമ പ്രവേശനം; ജൂലൈ 15 വരെ ഓൺലൈൻ അപേക്ഷ; വിശദവിവരങ്ങൾ വെബ്സൈറ്റിൽ
Synopsis
ജേര്ണലിസം & കമ്യൂണിക്കേഷന്, ടെലിവിഷന് ജേര്ണലിസം, പബ്ലിക് റിലേഷന്സ് & അഡ്വര്ടൈസിങ്ങ്, എന്നീ പോസ്റ്റ് ഗ്രാജ്വേറ്റ് ഡിപ്ലോമ കോഴ്സുകള്ക്ക് ജൂലൈ 15 വരെ ഓണ്ലൈനായി അപേക്ഷ സമര്പ്പിക്കാം.
കൊച്ചി: സംസ്ഥാന സര്ക്കാര് സ്ഥാപനമായ (kerala media academy) കേരള മീഡിയ അക്കാദമിയുടെ ഇന്സ്റ്റിറ്റ്യൂട്ട് ഓഫ് കമ്യൂണിക്കേഷന് നടത്തുന്ന (PG Diploma Course) പിജി ഡിപ്ലോമ കോഴ്സ് പ്രവേശനത്തിന് അപേക്ഷ ക്ഷണിച്ചു. ജേര്ണലിസം & കമ്യൂണിക്കേഷന്, ടെലിവിഷന് ജേര്ണലിസം, പബ്ലിക് റിലേഷന്സ് & അഡ്വര്ടൈസിങ്ങ്, എന്നീ പോസ്റ്റ് ഗ്രാജ്വേറ്റ് ഡിപ്ലോമ കോഴ്സുകള്ക്ക് ജൂലൈ 15 വരെ ഓണ്ലൈനായി അപേക്ഷ സമര്പ്പിക്കാം.
ഏതെങ്കിലും വിഷയത്തില് ബിരുദമാണ് അടിസ്ഥാന യോഗ്യത. അവസാനവര്ഷ ബിരുദ പരീക്ഷയെഴുതി ഫലം കാത്തിരിക്കുന്നവര്ക്കും അപേക്ഷിക്കാം. 31.5.2022 ല് 28 വയസ്സ് കവിയരുത്. പട്ടികജാതി, പട്ടികവര്ഗ, ഒ.ഇ.സി. വിഭാഗക്കാര്ക്ക് നിയമാനുസൃത വയസ്സ് ഇളവുണ്ടായിരിക്കും. ഈ വിഭാഗക്കാര്ക്ക് ഫീസിളവും ഉണ്ടാകും. അഭിരുചി പരീക്ഷയുടേയും ഇന്റര്വ്യൂവിന്റേയും അടിസ്ഥാനത്തിലായിരിക്കും പ്രവേശനം. പ്രവേശന പരീക്ഷ ഓണ്ലൈനായാണ് നടത്തുക.
പ്രിന്റ് ജേര്ണലിസം, റേഡിയോ, ഓണ്ലൈന്, സോഷ്യല് മീഡിയ, ബ്രാഡ്കാസ്റ്റ് ജേര്ണലിസം, മൊബൈല് ജേര്ണലിസം തുടങ്ങിയ മാധ്യമപ്രവര്ത്തനത്തിന്റെ വിവിധ മേഖലകളില് പരിശീലനം നല്കുന്ന സമഗ്രമായ പാഠ്യപദ്ധതിയാണ് ജേര്ണലിസം & കമ്യൂണിക്കേഷന് കോഴ്സ്. ടെലിവിഷന് ജേര്ണലിസം, ന്യൂസ് ആങ്കറിംഗ്, വീഡിയോ കാമറ, വീഡിയോ എഡിറ്റിങ്ങ്,ഡോകുമെന്ററി പ്രൊഡക്ഷന്, മീഡിയ കണ്വെര്ജന്സ്, മൊബൈല് ജേര്ണലിസം, തുടങ്ങി ദൃശ്യമാധ്യമ മേഖലയില് സമഗ്രമായ പ്രായോഗിക പരിശീലനം നല്കുന്ന കോഴ്സാണ് ടെലിവിഷന് ജേര്ണലിസം.
പബ്ലിക് റിലേഷന്സ്, അഡ്വര്ടൈസിങ്ങ് മേഖലയിലെ നൂതനപ്രവണതകളില് പ്രായോഗിക പരിശീലനത്തിന് ഊന്നല് നല്കുന്നതാണ് പബ്ലിക് റിലേഷന്സ് & അഡ്വര്ടൈസിങ്ങ് കോഴ്സ്. ഒപ്പം, ജേര്ണലിസം, ക്രീയേറ്റീവ് റൈറ്റിങ്, പോഡ്കാസ്റ്റിംഗ്, ഡിജിറ്റല് മാര്ക്കറ്റിങ്, ആഡ് ഫിലിം മേക്കിങ് എന്നിവയിലും സവിശേഷപരിശീലനം നല്കുന്നു. ഇന്റേണ്ഷിപ്പും, പ്രാക്ടിക്കലും ഉള്പ്പെടെ കോഴ്സിന്റെ ദൈര്ഘ്യം ഒരുവര്ഷമാണ്.
അപേക്ഷകള് ഓണ്ലൈനായി വെബ്സൈറ്റിലൂടെ സമര്പ്പിക്കാം. അപേക്ഷാഫീസ് 300 രൂപ (പട്ടികജാതി, പട്ടികവര്ഗ, ഒ.ഇ.സി. വിഭാഗക്കാര്ക്ക് 150 രൂപ) ഇ-ട്രാന്സ്ഫര് / ജി-പെ/ ബാങ്ക് മുഖേന അടച്ച രേഖ അപേക്ഷയോടൊപ്പം അപ്ലോഡ് ചെയ്യണം. ഓണ്ലൈന് അപേക്ഷ 2022 ജൂലൈ 15 നകം സമര്പ്പിക്കണം. കൂടുതല് വിവരങ്ങള് അക്കാദമി ഓഫീസില് നിന്ന് ലഭിക്കും. ഫോണ്: 0484 2422275 ഇ-മെയില്: kmaadmission2022@gmail.com