Railway Recruitment : നോർത്ത് ഈസ്റ്റേൺ റെയിൽവേ റിക്രൂട്ട്മെന്റ്; 20 ജൂനിയർ ടെക്നിക്കൽ അസോസിയേറ്റ് ഒഴിവുകൾ
Synopsis
ജൂനിയർ ടെക്നിക്കൽ അസോസിയേറ്റ് തസ്തികയിൽ ജോയിൻ ചെയ്യുന്ന തീയതി മുതൽ 2022 നവംബർ 19 വരെ കരാർ അടിസ്ഥാനത്തിലുള്ളതാണ്.
ദില്ലി: നോർത്ത് ഈസ്റ്റേൺ റെയിൽവേ, (north eastern railway) ജൂനിയർ ടെക്നിക്കൽ അസോസിയേറ്റ് (junior technical associate) തസ്തികയിലേക്ക് അപേക്ഷ ക്ഷണിച്ചു. 20 ഒഴിവുകളിലേക്കാണ് ഈ റിക്രൂട്ട്മെന്റ് ഡ്രൈവ്. അപേക്ഷാ ഫോം സമർപ്പിക്കാനുള്ള അവസാന തീയതി 2022 ജൂലൈ 5, രാത്രി 9:00 മണി വരെയാണ്. ഈ തസ്തികകളിലേക്ക് അപേക്ഷിക്കുന്ന ഉദ്യോഗാർത്ഥികൾ ഇന്ത്യൻ പൗരന്മാരായിരിക്കണം എന്നത് ശ്രദ്ധിക്കേണ്ടതാണ്. ജൂനിയർ ടെക്നിക്കൽ അസോസിയേറ്റ് തസ്തികയിൽ ജോയിൻ ചെയ്യുന്ന തീയതി മുതൽ 2022 നവംബർ 19 വരെ കരാർ അടിസ്ഥാനത്തിലുള്ളതാണ്.
നോർത്ത് ഈസ്റ്റേൺ റെയിൽവേ റിക്രൂട്ട്മെന്റ് 2022: ഒഴിവുകളുടെ വിശദാംശങ്ങൾ
ജൂനിയർ ടെക്നിക്കൽ അസോസിയേറ്റ് (വർക്സ്) - 15 ഒഴിവുകൾ
ജൂനിയർ ടെക്നിക്കൽ അസോസിയേറ്റ് (ഇലക്റ്റ്/ടിആർഡി) - 2 ഒഴിവുകൾ
ജൂനിയർ ടെക്നിക്കൽ അസോസിയേറ്റ് (സിഗ്നൽ) - 3 ഒഴിവുകൾ
ഉദ്യോഗാർത്ഥികൾക്ക് യോഗ്യതയെ അടിസ്ഥാനമാക്കി മുകളിൽ സൂചിപ്പിച്ച തസ്തികകളിലേക്ക് അപേക്ഷിക്കാം. കൂടുതൽ അപ്ഡേറ്റുകൾക്കും വിശദാംശങ്ങൾക്കും ഉദ്യോഗാർത്ഥികൾ ഔദ്യോഗിക വെബ്സൈറ്റ് - www.ner.indianrailways.gov.in സന്ദർശിക്കണം. ഉദ്യോഗാർത്ഥികൾ അപേക്ഷ ഫോമിൽ നൽകിയിരിക്കുന്ന അവരുടെ മൊബൈൽ നമ്പറും ഇമെയിൽ ഐഡിയും ആക്റ്റീവായി സൂക്ഷിക്കേണം.
നോർത്ത് ഈസ്റ്റേൺ റെയിൽവേ റിക്രൂട്ട്മെന്റ് 2022: അപേക്ഷിക്കാനുള്ള നടപടികൾ
ഔദ്യോഗിക വെബ്സൈറ്റ് സന്ദർശിക്കുക - www.ner.indianrailways.gov.in
ഹോംപേജിലെ വെബ്സൈറ്റിൽ ലോഗിൻ ചെയ്യുക.
ആവശ്യമായ വിശദാംശങ്ങൾ പൂരിപ്പിക്കുക
അപേക്ഷാ ഫീസ് (ആവശ്യമനുസരിച്ച്) അടച്ച് 'സബ്മിറ്റ്' ക്ലിക്ക് ചെയ്യുക.
ഡൗൺലോഡ് ചെയ്ത് പ്രിന്റ്ഔട്ട് എടുക്കുക.