Scholarship| പോസ്റ്റ് മെട്രിക് സ്കോളർഷിപ്പ് ഫോർ സ്റ്റുഡൻസ് വിത്ത് ഡിസൈബിലിറ്റീസ്
Synopsis
2021-22 ലെ പോസ്റ്റ് മെട്രിക് സ്കോളർഷിപ്പ് ഫോർ സ്റ്റുഡൻസ് വിത്ത് ഡിസൈബിലിറ്റീസിനായി അപേക്ഷിക്കാം. പ്ലസ് വൺ മുതലുള്ള ഭിന്നശേഷിക്കാരായ വിദ്യാർഥികൾക്ക് നവംബർ 30 വരെ ഓൺലൈനായി അപേക്ഷകൾ സമർപ്പിക്കാം
തിരുവനന്തപുരം: 2021-22 ലെ പോസ്റ്റ് മെട്രിക് സ്കോളർഷിപ്പ് ഫോർ സ്റ്റുഡൻസ് വിത്ത് ഡിസൈബിലിറ്റീസിനായി അപേക്ഷിക്കാം. പ്ലസ് വൺ മുതലുള്ള ഭിന്നശേഷിക്കാരായ വിദ്യാർഥികൾക്ക് www.scholarships.gov.in ൽ നവംബർ 30 വരെ ഓൺലൈനായി അപേക്ഷകൾ സമർപ്പിക്കാം. പ്രസ്തുത അപേക്ഷകളുടെ ഇൻസ്റ്റിറ്റ്യൂട്ട് തലത്തിലുള്ള ഓൺലൈൻ വെരിഫിക്കേഷൻ ഡിസംബർ 15ന് മുൻപായി പൂർത്തിയാക്കണം.
സ്കോളർഷിപ്പിനായി മാനുവൽ/ ഓഫ്ലൈൻ അപേക്ഷകൾ പരിഗണിക്കുന്നതല്ല. അപേക്ഷകർ 40 ശതമാനത്തിൽ കുറയാതെ ഡിസെബിലിറ്റിയുണ്ടെന്ന് തെളിയിക്കുന്ന മെഡിക്കൽ ബോർഡ് / അതോറിറ്റിയുടെ സർട്ടിഫിക്കറ്റ് ഉണ്ടായിരിക്കണം. കുടുംബ വാർഷിക വരുമാനം പരമാവധി 2,50,000 രൂപയിൽ (ആകെ രണ്ടരലക്ഷം രൂപ) കവിയരുത്. കൂടുതൽ വിവരങ്ങൾ dcescholarships.kerala.gov.in എന്ന വെബ്സൈറ്റിലും postmatricscholarship@gmail.com ഇ-മെയിൽ ഐഡിയിലും ലഭ്യമാണ്. ഫോൺ: 9446096580, 0471-2306580.
ഗുണമേന്മയുള്ള വിദ്യാഭ്യാസത്തിന്റെ പഠനച്ചെലവുകള്ക്ക് കൈത്താങ്ങായി നല്കുന്ന സാമ്പത്തിക സഹായമാണ് സ്കോളര്ഷിപ്പുകള്. സാമൂഹികമായും സാമ്പത്തികമായും പിന്നോക്കം നില്ക്കുന്ന വിദ്യാര്ത്ഥികള് ഉള്പ്പെടെ പഠനത്തില് മിടുക്കരായവര്ക്ക് സര്ക്കാര് സ്വകാര്യ മേഖലകളില് നിരവധി സ്കോളര്ഷിപ്പുകള് ഏര്പ്പെടുത്തിയിട്ടുണ്ട്. ഒന്നാം ക്ലാസ് മുതല് ഉന്നത പ്രൊഫഷണല് വിദ്യാഭ്യാസത്തിനും ഗവേഷണപഠനത്തിനും വരെ സ്കോളര്ഷിപ്പുകള് ലഭ്യമാണ്. പണമില്ലാത്തതിന്റെ പേരില് അര്ഹാരായവര്ക്ക് പഠിക്കാനുള്ള അവസരം നിഷേധിക്കപ്പെടുന്നില്ല സ്കോളര്ഷിപ്പുകളേതെല്ലാമെന്ന് അറിയുകയും കൃത്യസമയത്ത് അപേക്ഷിക്കാന് മറക്കാതിരിക്കുകയും ചെയ്താല് മതി. പഠനം സുഗമമാക്കുന്നതിന് സാമ്പത്തിക സഹായം ആവശ്യമായതിനാല് സമര്ത്ഥരായ വിദ്യാര്ത്ഥികള് അര്ഹമായ സ്കോളര്ഷിപ്പുകളുടെ അവസരങ്ങള് പ്രയോജനപ്പെടുത്തേണ്ടതാണ്.
കേരളത്തിലും ഇന്ത്യയിലും മാത്രമല്ല വിദേശത്ത് പോയി പഠിക്കാനും സ്കോളര്ഷിപ്പുകള് ലഭ്യമാണ്. മിക്ക സ്കോളര്ഷിപ്പുകള്ക്കും ഓണ്ലൈന് വഴിയാണ് അപേക്ഷ സമര്പ്പിക്കേണ്ടത്. ആവശ്യമായ അനുബന്ധ രേഖകള് അപേക്ഷയോടൊപ്പം സമര്പ്പിക്കാന് ശ്രദ്ധിക്കണം. വിവിധയിനം സ്കോളര്ഷിപ്പുകളുടെ തുടര്ലഭ്യത ഉറപ്പാക്കുന്നതിന് കാലാകാലങ്ങളില് പുതുക്കല് പ്രക്രിയയും അനിവാര്യമാണ്.