തിരുവനന്തപുരം നോർത്ത് പോസ്റ്റൽ ഡിവിഷനിൽ പോസ്റ്റൽ ലൈഫ് ഇൻഷുറൻസ് ഏജന്റ് നിയമനം

ഡയറക്ട് ഏജന്റ് തസ്തികയിലേയ്ക്ക് അപേക്ഷിക്കുന്നവര്‍ക്ക് 18 വയസ് തികഞ്ഞിരിക്കണം.

തിരുവനന്തപുരം : തിരുവനന്തപുരം നോർത്ത് പോസ്റ്റൽ ഡിവിഷനിൽ തപാൽ ലൈഫ് ഇൻഷുറൻസ്, ഗ്രാമീണ തപാൽ ലൈഫ് ഇൻഷുറൻസ് എന്നീ പോളിസികൾ ചേർക്കുന്നതിനായി ഡയറക്ട് ഏജന്റുമാരെയും ഫീൽഡ് ഓഫീസർമാരെയും നിയമിക്കുന്നു. ഡയറക്ട് ഏജന്റ് അപേക്ഷകർക്ക് 18 വയസ് തികഞ്ഞിരിക്കണം. ഉയർന്ന പ്രായപരിധി ഇല്ല. യോഗ്യത: പത്താം ക്ലാസോ തത്തുല്യമോ നിർബന്ധമായി പാസ്സ് ആയിരിക്കണം. തൊഴിൽ രഹിതർ/സ്വയം തൊഴിൽ, മുൻ ഇൻഷുറൻസ് ഏജന്റുമാർ, കുടുംബശ്രീ പ്രവർത്തകർ, അങ്കണവാടി ജീവനക്കാർ മുതലായവർക്ക് അപേക്ഷിക്കാം.

ഫീൽഡ് ഓഫീസർ നിയമനത്തിന് കേന്ദ്ര/സംസ്ഥാന സർവീസിൽ നിന്നും വിരമിച്ചവർക്കും ഡിസ്ചാർജ് ചെയ്യപ്പെട്ട ഗ്രാമീൺ ഡാക് സേവകർക്കും അപേക്ഷിക്കാം. ലൈഫ് ഇൻഷുറൻസുമായി ബന്ധപ്പെട്ട രം​ഗത്ത് പരിചയമുള്ളവർക്ക് മുൻഗണന നൽകും. ജൂൺ 19ന് രാവിലെ പത്ത് മണി മുതൽ തിരുവനന്തപുരം ജനറൽ പോസ്റ്റോഫീസ് ബിൽഡിം​ഗിലും 23ന് ആറ്റിങ്ങൽ ഹെഡ് പോസറ്റോഫീസിലും വാക്-ഇൻ-ഇന്റർവ്യൂ നടക്കും. അപേക്ഷകർ യോഗ്യത സർട്ടിഫിക്കറ്റും, ആധാർ, പാൻ എന്നീ രേഖകളുടെ ഒറിജിനലും പകർപ്പും രണ്ട് പാസ്പോർട്ട് സൈസ് ഫോട്ടോയും സഹിതം ഹാജരാകണം. കൂടുതൽ വിവരങ്ങൾക്ക് 7012689828/9895466643 എന്ന നമ്പറിൽ ബന്ധപ്പെടുക.