ആരും കൊതിക്കുന്ന ശമ്പളം, യുകെ വിളിക്കുന്നു; ടിക്കറ്റും ഒരു മാസത്തെ താമസസൗകര്യവും സൗജന്യം, അവസരം ഡോക്ടർമാർക്ക്
Synopsis
ആകര്ഷകമായ ശമ്പളത്തിന് പുറമെ മറ്റ് ആനുകൂല്യങ്ങള്, യുകെയിലേക്കുള്ള വിമാന ടിക്കറ്റ്, ഒരു മാസത്തെ താമസസൗകര്യം എന്നിവയും ലഭിക്കും.
തിരുവനന്തപുരം: യുണൈറ്റഡ് കിംങ്ഡമിലെ വെയിൽസ് എന്എച്ച്എസ്സില് ഇന്റര്നാഷണൽ സീനിയർ പോർട്ട്ഫോളിയോ പാത്ത്-വേ ഡോക്ടർ-സൈക്യാട്രിസ്റ്റ് ഒഴിവുകളിലേയ്ക്ക് നോര്ക്ക റൂട്ട്സ് വഴി അപേക്ഷിക്കാം. ഓൾഡർ അഡൾട്ട്, അഡൾട്ട് മെന്റൽ ഹെൽത്ത് എന്നീ സ്പെഷ്യാലിറ്റികളിലാണ് ഡോക്ടര്മാര്ക്ക് അവസരം. തെലങ്കാനയിലെ ഹൈദരാബാദില് ചേരുന്ന ഇന്ത്യൻ സൈക്യാട്രിക് സൊസൈറ്റിയുടെ വാർഷിക ദേശീയ സമ്മേളനത്തോട് (ANCIPS 2025) അനുബന്ധിച്ച് ജനുവരി 24 മുതല് 26 വരെ തീയ്യതികളിലാണ് അഭിമുഖം. സ്ഥലം-താജ് വിവാന്ത, ബെഗംപേട്ട്.
മെഡിക്കല് പഠനത്തിനുശേഷം കുറഞ്ഞത് 12 വര്ഷത്തെയും, ഇതില് കുറഞ്ഞത് ആറു വര്ഷം സൈക്യാട്രി സ്പെഷ്യാലിറ്റിയിലും പ്രവര്ത്തിപരിചയമുളവര്ക്ക് അപേക്ഷിക്കാവുന്നതാണ്. താല്പര്യമുളളവര് www.nifl.norkaroots.org എന്ന വെബ്ബ്സൈറ്റ് സന്ദര്ശിച്ച് 2025 ജനുവരി 20 നകം അപേക്ഷ നല്കേണ്ടതാണ്. വെയില്സിലെ മാനസികാരോഗ്യ വിഭാഗത്തില് മൂന്നു വര്ഷം വരെ നീളുന്ന സ്ഥിരനിയമനത്തിനാണ് ഡോക്ടര്മാര്ക്ക് അവസരം.
Read Also - 176 പേരുമായി എയർ ഇന്ത്യ എക്സ്പ്രസ് കുവൈത്തിൽ നിന്ന് സേഫായി ചെന്നൈയിൽ, പക്ഷെ പണിപാളി, മറന്നത് നിരവധി ലഗേജുകൾ
പ്രവൃത്തിപരിചയമനുസരിച്ച് £96,990 മുതൽ £107,155 വരെ വാര്ഷിക ശമ്പളവും മറ്റു ആനുകൂല്യങ്ങളും ലഭിക്കും. ശമ്പളത്തിനു പുറമേ £650 ഗ്രാറ്റുവിറ്റി പേയ്മെന്റ്, യുകെയിലേക്കുള്ള ഇക്കോണമി ക്ലാസ് വിമാന ടിക്കറ്റ്, ഒരു മാസത്തെ താമസസൗകര്യം (യു.കെ) എന്നീ ആനുകൂല്യങ്ങള്ക്കും തിരഞ്ഞെടുക്കപ്പെടുന്നവര്ക്ക് അര്ഹതയുണ്ടാകും. വിശദവിവരങ്ങള്ക്ക് 0471-2770536, 539, 540, 577 എന്നീ നമ്പറുകളിലോ (ഓഫീസ് സമയത്ത്, പ്രവൃത്തിദിനങ്ങളില്) 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള് സര്വ്വീസ്) ബന്ധപ്പെടാവുന്നതാണ്.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം