ഗസ്റ്റ് ഫാക്കൽറ്റീസ് പാനലിലേക്ക് അപേക്ഷിക്കാം

ഗണിതം, ഫിസിക്‌സ്, കെമിസ്ട്രി, ബയോളജി എന്നീ വിഷയങ്ങളിൽ ബിരുദാനന്തര ബിരുദമാണ് യോഗ്യത. SET/ NET അഭികാമ്യം. ഒരു വർഷത്തെ പ്രവൃത്തി പരിചയം ഉള്ളവരായിരിക്കണം.

ആലുവ: ആലുവ സബ് ജയിൽ റോഡിൽ സ്ഥിതി ചെയ്യുന്ന ഗവ. പ്രീ എക്‌സാമിനേഷൻ ട്രെയിനിങ് സെന്ററിൽ 2026-ലെ മെഡിക്കൽ/ എൻജിനിയറിങ് എൻട്രൻസ് - ക്രാഷ് കോഴ്‌സ് ക്ലാസുകൾ കൈകാര്യം ചെയ്യുന്നതിന് യോഗ്യതയുള്ള അധ്യാപകരിൽ നിന്നും അപേക്ഷ ക്ഷണിച്ചു. ഗണിതം, ഫിസിക്‌സ്, കെമിസ്ട്രി, ബയോളജി എന്നീ വിഷയങ്ങളിൽ ബിരുദാനന്തര ബിരുദമാണ് യോഗ്യത. SET/ NET അഭികാമ്യം. ഒരു വർഷത്തെ പ്രവൃത്തി പരിചയം ഉള്ളവരായിരിക്കണം.

ഓരോ മണിക്കൂറിനും 500 രൂപ നിരക്കിൽ പ്രതിമാസം പരമാവധി 15,000 രൂപയാണ് ഹോണറേറിയം. അപേക്ഷകർ ബയോഡേറ്റ സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതം മാർച്ച് 7 വൈകിട്ട് 5ന് മുമ്പ് ആലുവ ഗവ. പ്രീ എക്‌സാമിനേഷൻ ട്രെയിനിങ് സെന്ററിൽ അപേക്ഷ സമർപ്പിക്കണം. വിശദ വിവരങ്ങൾക്ക്: 0484 2623304, 9188581148, 8921708401.