വിർജിൻ ഓസ്ട്രേലിയയെ ഇൻഡിഗോയുടെ ഉടമ വാങ്ങുമോ?, താൽപര്യം പ്രകടിപ്പിച്ച് 20 ബിസിനസ് ഗ്രൂപ്പുകൾ
Synopsis
ഇത്തിഹാദ് എയർവേയ്സ്, സിംഗപ്പൂർ എയർലൈൻസ്, ചൈനീസ് ഭീമനായ എച്ച്എൻഎ ഗ്രൂപ്പ്, ബ്രിട്ടീഷ് വ്യവസായി റിച്ചാർഡ് ബ്രാൻസന്റെ വിർജിൻ ഗ്രൂപ്പ് എന്നിവയാണ് പാപ്പരായ കാരിയറിൽ പങ്കാളിത്തമുള്ള സ്ഥാപനങ്ങൾ.
മുംബൈ: രാജ്യത്തെ ഏറ്റവും വലിയ വിമാനക്കമ്പനിയായ ഇൻഡിഗോയുടെ ഉടമസ്ഥരായ ഇന്റർഗ്ലോബ് എന്റർപ്രൈസസ് ഓസ്ട്രേലിയയിലെ രണ്ടാമത്തെ വലിയ വ്യോമയാന കമ്പനിയായ വിർജിൻ ഓസ്ട്രേലിയയിൽ താൽപര്യം പ്രകടിപ്പിച്ചു. കൊവിഡ് -19 പകർച്ചവ്യാധിയുടെ സമയത്ത് നിയമനിർമ്മാതാക്കൾ ധനസഹായം നിരസിച്ചതിനെത്തുടർന്ന് വിർജിൻ ഓസ്ട്രേലിയ രണ്ടാഴ്ച മുമ്പ് പാപ്പരത്ത ഭരണ സംവിധാനത്തിന്റെ കീഴിലായി.
ഇത്തിഹാദ് എയർവേയ്സ്, സിംഗപ്പൂർ എയർലൈൻസ്, ചൈനീസ് ഭീമനായ എച്ച്എൻഎ ഗ്രൂപ്പ്, ബ്രിട്ടീഷ് വ്യവസായി റിച്ചാർഡ് ബ്രാൻസന്റെ വിർജിൻ ഗ്രൂപ്പ് എന്നിവയാണ് പാപ്പരായ കാരിയറിൽ പങ്കാളിത്തമുള്ള സ്ഥാപനങ്ങൾ.
ബിഡ് പ്രക്രിയയുടെ മുഴുവൻ മേൽനോട്ടവും ഒരു ഇന്റർഗ്ലോബ് ടീമാണ് കൈകാര്യം ചെയ്യുന്നത്. ഇൻഡിഗോയുടെ വക്താവ് സ്റ്റോക്ക് എക്സ്ചേഞ്ച് വിജ്ഞാപനത്തിലാണ് ഓസ്ട്രേലിയൻ കമ്പനിയിലുളള താൽപര്യം സ്ഥിരീകരിച്ചത്, ഈ പ്രക്രിയയിൽ എയർലൈൻ പങ്കാളിയല്ല.
രാഹുൽ ഭാട്ടിയയുടെ ഉടമസ്ഥതയിലുള്ള എന്റർപ്രൈസ് ഈ പ്രക്രിയയ്ക്കായി ഒരു ഓസ്ട്രേലിയൻ കൺസൾട്ടന്റിനെ നിയമിച്ചു. ഔപചാരിക താൽപ്പര്യമൊന്നും ഇതുവരെ സമർപ്പിച്ചിട്ടില്ല, വിപണി ഊഹക്കച്ചവടത്തെക്കുറിച്ച് കമ്പനി പ്രതികരിക്കാനില്ല ഇന്റർ ഗ്ലോബിന്റെ വക്താവ് പറഞ്ഞു.
വിർജിൻ ഓസ്ട്രേലിയയ്ക്കായി ആദ്യ ഓഫറുകൾ നൽകേണ്ട അവസാന തീയതിയാണ് മെയ് 15. ഇന്നുവരെ, 20 ലേലക്കാർ താൽപര്യം പ്രകടിപ്പിച്ചതായി ബിഡ് പ്രോസസ്സ് നടത്തുന്ന ഡെലോയിറ്റ് പറഞ്ഞു. വിർജിന്റെ പുസ്തകങ്ങളിലേക്കുള്ള പൂർണ്ണ ആക്സസ്, എയർലൈൻ നിയമിച്ച അഡ്മിനിസ്ട്രേറ്റർ (ഡെലോയിറ്റ്) തയ്യാറാക്കിയ വിശദമായ വിൽപന മെമ്മോറാണ്ടം എന്നിവ അടിസ്ഥാനമാക്കിയുളള “നോൺ-ബൈൻഡിംഗ് സൂചക ഓഫറുകൾ” ആണ് ഇവ.