വിന്ഡീസിനെതിരായ ടി20 പരമ്പര: സഞ്ജു വീണ്ടും പുറത്ത്, കോലിയെ പരിഗണിച്ചില്ല; അശ്വിന് തിരിച്ചെത്തി- ടീം അറിയാം
Synopsis
മോശം ഫോമില് കളിക്കുന്ന ശ്രേയസ് അയ്യര് ടീമിലുണ്ട്. വെറ്ററന് സ്പിന്നര് ആര് അശ്വിനെ ടീമിലേക്ക് തിരിച്ചുവിളിച്ചു. യൂസ്വേന്ദ്ര ചാഹലിന് വിശ്രമം നല്കിയപ്പോഴാണ് അശ്വിന് ടീമിലെത്തിയത്. കെ എല് രാഹുല്, കുല്ദീപ് യാദവ് എന്നിവരെ ടീമില് ഉള്പ്പെടുത്തിയിട്ടുണ്ടെങ്കിലും ഫിറ്റ്നെസ് വീണ്ടെടുത്താല് മാത്രമേ കളിപ്പിക്കൂ.
മുംബൈ: വെസ്റ്റ് ഇന്ഡീസിനെതിരായ (WI vs IND) ടി20 പരമ്പരയ്ക്കുള്ള ഇന്ത്യന് ടീമില് നിന്ന് മുന് ക്യാപ്റ്റന് വിരാട് കോലിയെ (Virat Kohli) ഒഴിവാക്കി. ജസ്പ്രിത് ബുമ്രയും ടീമിലില്ല. ഇരുവര്ക്കും വിശ്രമം അനുവദിക്കുമെന്ന് നേരത്തെ വാര്ത്തകളുണ്ടായിരുന്നു. അതേസമയം, ഏകദിന ടീമില് ഇടം കണ്ടെത്തിയ സഞ്ജു സാംസണെ (Sanju Samson) ടി20 ടീമിലേക്ക് വിളിച്ചില്ല.
മോശം ഫോമില് കളിക്കുന്ന ശ്രേയസ് അയ്യര് ടീമിലുണ്ട്. വെറ്ററന് സ്പിന്നര് ആര് അശ്വിനെ ടീമിലേക്ക് തിരിച്ചുവിളിച്ചു. യൂസ്വേന്ദ്ര ചാഹലിന് വിശ്രമം നല്കിയപ്പോഴാണ് അശ്വിന് ടീമിലെത്തിയത്. കെ എല് രാഹുല്, കുല്ദീപ് യാദവ് എന്നിവരെ ടീമില് ഉള്പ്പെടുത്തിയിട്ടുണ്ടെങ്കിലും ഫിറ്റ്നെസ് വീണ്ടെടുത്താല് മാത്രമേ കളിപ്പിക്കൂ. ഇംഗ്ലണ്ട്, അയര്ലന്ഡ് എന്നിവര്ക്കെതിരെ ടി20 കളിച്ച ഉമ്രാന് മാലിക്കിനെ ടീമിലേക്ക് പരിഗണിച്ചില്ല. രോഹിത് ശര്മയാണ് 18 അംഗ ടീമിനെ നയിക്കുന്നത്.
ഇന്ത്യന് ടീം: രോഹിത് ശര്മ, ഇഷാന് കിഷന്, കെ എല് രാഹുല്, സൂര്യകുമാര് യാദവ്, ദീപക് ഹൂഡ, ശ്രേയസ് അയ്യര്, ദിനേശ് കാര്ത്തിക്, റിഷഭ് പന്ത്, ഹാര്ദിക് പാണ്ഡ്യ, രവീന്ദ്ര ജഡേജ, അക്സര് പട്ടേല്, ആര് അശ്വിന്, രവി ബിഷ്ണോയ്, കുല്ദീപ് യാദവ്, ഭുവനേശ്വര് കുമാര്, ആവേഷ് ഖാന്, ഹര്ഷല് പട്ടേല്, അര്ഷ്ദീപ് സിംഗ്.
വിന്ഡീസിനെതിരെ അഞ്ച് ടി20 മത്സരങ്ങളാണ് ഇന്ത്യ കളിക്കുക. അതിന് മുമ്പ് മൂന്ന് ഏകദിനങ്ങളിലും ടീം കളിക്കും. ഏകദിന ടീമിനെ നേരത്തെ പ്രഖ്യാപിച്ചിരുന്നു.
ഇന്ത്യന് ടീം: ശിഖര് ധവാന്, രവീന്ദ്ര ജഡേജ, റിതുരാജ് ഗെയ്കവാദ്, ശുഭ്ാന് ഗില്, ദീപക് ഹൂഡ, സൂര്യകുമാര് യാദവ്, ശ്രേയസ് അയ്യര്, ഇഷാന് കിഷന്, സഞ്ജു സാംസണ്, ഷാര്ദുല് ഠാകൂര്, യൂസ്വേന്ദ്ര ചാഹല്, അക്സര് പട്ടേല്, ആവേഷ് ഖാന്, പ്രസിദ്ധ് കൃഷ്ണ, മുഹമ്മദ് സിറാജ്, അര്ഷ്ദീപ് സിംഗ്.
ജൂലൈ 22ന് പോര്ട്ട് ഓഫ് സ്പെയ്നിലാണ് ആദ്യ ഏകദിനം. രണ്ടും മൂന്നും (24, 27) ഏകദിനങ്ങള് ഇതേ വേദിയില് തന്നെ നടക്കും. ശേഷം അഞ്ച് ടി20 മത്സരങ്ങളിലും ഇരുവരും നേര്ക്കുനേര് വരും.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!