പേസ് പടയെ നയിക്കാൻ ഭുവി; കുൽദീപും വൈഭവും പുറത്ത്; ന്യൂസിലന്‍ഡിനെതിരെ ആദ്യ ടി20ക്കുള്ള ഇന്ത്യയുടെ സാധ്യതാ ഇലവൻ
Synopsis
ഇന്ത്യൻ ബാറ്റിങ് നിരയിൽ സഞ്ജു സാംസണും അഭിഷേക് ശർമയും തന്നെ ഓപ്പണർമാരായി തുടരും. ഏഷ്യൻ ഗെയിംസിൽ തിളങ്ങിയെങ്കിലും യുവതാരം വൈഭവ് സൂര്യവംശി ആദ്യ മത്സരത്തിൽ റിസർവ് ബെഞ്ചിലായിരിക്കും.
ക്രൈസ്റ്റ്‌ചര്‍ച്ച്: ന്യൂസിലൻഡിനെതിരായ അഞ്ച് മത്സരങ്ങളുടെ ടി20 പരമ്പരയിലെ ആദ്യ പോരാട്ടത്തിന് ഇന്ത്യ നാളെ ക്രൈസസ്റ്റ്ചർച്ചിലെ ഹാഗ്ലി ഓവളിൽ ഇറങ്ങും. വിശ്രമം അനുവദിച്ച ജസ്പ്രീത് ബുംറയുടെ അഭാവത്തിൽ സീനിയര്‍ താരം ഭുവനേശ്വർ കുമാറായിരിക്കും ഇന്ത്യൻ പേസ് പടയെ നയിക്കുക. ടി20 ഇന്ത്യയുടെ ഏറ്റവും വലിയ വിക്കറ്റ് വേട്ടക്കാരനായ അർഷദീപ് സിങ് ആകും ഭുവിക്കൊപ്പം ന്യൂബോള്‍ പങ്കിടുക. മൂന്നാം പേസറുടെ സ്ഥാനത്തിനായി പ്രിൻസ് യാദവും മയങ്ക് യാദവും തമ്മിലാണ് പ്രധാന മത്സരം.
ഓപ്പണിങ്ങിൽ സഞ്ജുവും അഭിഷേകും; വൈഭവ് പുറത്തിരിക്കും
ഇന്ത്യൻ ബാറ്റിങ് നിരയിൽ സഞ്ജു സാംസണും അഭിഷേക് ശർമയും തന്നെ ഓപ്പണർമാരായി തുടരും. ഏഷ്യൻ ഗെയിംസിൽ തിളങ്ങിയെങ്കിലും യുവതാരം വൈഭവ് സൂര്യവംശി ആദ്യ മത്സരത്തിൽ റിസർവ് ബെഞ്ചിലായിരിക്കും. മൂന്ന്, നാല്, അഞ്ച് നമ്പറുകളിൽ യഥാക്രമം ഇഷാൻ കിഷൻ, നായകൻ ശ്രേയസ് അയ്യർ, തിലക് വർമ എന്നിവർ അണിനിരക്കും.
കുല്‍ദീപിന് ഇടമില്ല, വരുൺ ചക്രവർത്തി കളിക്കും
പരിക്കിന് ശേഷം തിരിച്ചെത്തിയ വരുൺ ചക്രവർത്തിയാകും പ്രധാന സ്പിന്നറായി പ്ലേയിംഗ് ഇലവനിൽ ഇടം പിടിക്കുക. വരുണ്‍ പ്ലേയിംഗ് ഇലവനിലെത്തിയാൽ കുൽദീപ് യാദവിന് ആദ്യ മത്സരത്തിൽ പുറത്തിരിക്കേണ്ടി വരും. ഓൾറൗണ്ടർമാരായി അക്ഷർ പട്ടേലും നമൻ ധിറും പ്ലേയിംഗ് ഇലവനില്‍ തുടരാനാണ് സാധ്യത. പേസിനെ തുണയ്ക്കുന്നതാണ് ന്യൂസിലൻഡിലെ സാഹചര്യങ്ങളാണെങ്കിലും ബാറ്റിങ് കരുത്ത് കൂടി പരിഗണിച്ച് ഇരുവരെയും നിലനിർത്തിയേക്കും.
ഇന്ത്യയുടെ സാധ്യതാ പ്ലേയിംഗ് ഇലവൻ: സഞ്ജു സാംസൺ (വിക്കറ്റ് കീപ്പർ), അഭിഷേക് ശർമ, ഇഷാൻ കിഷൻ, ശ്രേയസ് അയ്യർ (ക്യാപ്റ്റൻ), തിലക് വർമ, നമൻ ധീർ, അക്ഷർ പട്ടേൽ, ഭുവനേശ്വർ കുമാർ, അർഷദീപ് സിങ്, പ്രിൻസ് യാദവ്, വരുൺ ചക്രവർത്തി.
ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!