ബംഗ്ലാദേശിനെതിരായ രണ്ടാം ടെസ്റ്റിനുള്ള ഓസ്ട്രേലിയന് ടീമില് ഒരു മാറ്റം; നേഥന് ലിയോണ് ടീമില് സ്ഥാനം നിലനിര്ത്തി
Synopsis
ബംഗ്ലാദേശിനെതിരായ രണ്ടാം ടെസ്റ്റിനുള്ള ഓസ്ട്രേലിയന് ടീമില് ഒരു മാറ്റം വരുത്തി. ഓപ്പണിംഗ് ബാറ്റര് മാറ്റ് റെന്ഷാ ടീമില് തിരിച്ചെത്തിയപ്പോള്, സ്പിന്നര് നേഥന് ലിയോണ് ടീമില് സ്ഥാനം നിലനിര്ത്തി. പരമ്പര സമനിലയിലാക്കാന് ലക്ഷ്യമിട്ടാണ് ഓസ്ട്രേലിയ ഇറങ്ങുന്നത്.
മെല്ബണ്: ബംഗ്ലാദേശിനെതിരെ രണ്ടാം ടെസ്റ്റിനുള്ള ഓസ്ട്രേലിയന് ടീമില് മാറ്റം. ഡാര്വിനിലെ അപ്രതീക്ഷിത തോല്വിക്ക് ശേഷം പരമ്പര സമനിലയിലാക്കാന് ലക്ഷ്യമിട്ടാണ് ഓസ്ട്രേലിയ ഇറങ്ങുന്നത്. ആദ്യ ടെസ്റ്റില് ബംഗ്ലാദേശ് തോല്വി ഏറ്റുവാങ്ങിയിരുന്നു. ജെയ്ക്ക് വെതര്റാണ്ടിന് പകരം ഓപ്പണിംഗ് ബാറ്റര് മാറ്റ് റെന്ഷാ ടീമില് തിരിച്ചെത്തി. 2023-ല് ഇന്ത്യക്കെതിരായ പര്യടനം നടത്തിയപ്പോഴാണ് അദ്ദേഹം അവസാനമായി ഓസ്ട്രേലിയക്കായി ടെസ്റ്റ് കളിച്ചത്.
നേഥന് ലിയോണിന് പകരം മുഴുവന് പേസര്മാരെയും ഉള്പ്പെടുത്തുന്ന കാര്യം ഓസ്ട്രേലിയ പരിഗണിച്ചിരുന്നുവെങ്കിലും ഒടുവില് ആ സാഹസത്തിന് മുതിര്ന്നില്ല. പരിചയസമ്പന്നനായ സ്പിന്നര് ലിയോണ് തന്നെ പ്ലെയിംഗ് ഇലവനില് തുടരും. മോശം ഫോമിലാണെങ്കിലും ലബുഷെയ്ന് മൂന്നാം നമ്പറില് തന്നെ തുടരും. കൂട്ടമായ മാറ്റങ്ങള്ക്ക് മുതിരാതെ ബാറ്റിംഗ് നിരയില് റെന്ഷായുടെ വരവിലൂടെ സ്ഥിരത ഉറപ്പാക്കാനാണ് ഓസീസ് ശ്രമം. ക്വീന്സ്ലാന്ഡിലെ ഗ്രേറ്റ് ബാരിയര് റീഫ് അരീനയിലാണ് രണ്ടാം ടെസ്റ്റ് നടക്കുന്നത്. ചരിത്രത്തിലാദ്യമായിട്ടാണ് മക്കായ് ഒരു പുരുഷ ടെസ്റ്റ് മത്സരത്തിന് വേദിയാകുന്നത്.
രണ്ടാം ടെസ്റ്റിനുള്ള ഓസ്ട്രേലിയന് പ്ലെയിംഗ് ഇലവന്: മാത്യു റെന്ഷാ, ട്രാവിസ് ഹെഡ്, മാര്നസ് ലബുഷെയ്ന്, സ്റ്റീവ് സ്മിത്ത്, കാമറൂണ് ഗ്രീന്, അലക്സ് കാരി (വിക്കറ്റ് കീപ്പര്), ബ്യൂ വെബ്സ്റ്റര്, പാറ്റ് കമ്മിന്സ് (ക്യാപ്റ്റന്), മിച്ചല് സ്റ്റാര്ക്ക്, നേഥന് ലിയോണ്, ജോഷ് ഹേസല്വുഡ്.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!