വീഴ്ത്താനായത് രണ്ട് വിക്കറ്റ് മാത്രം, നൈറ്റിനും ജോണ്സിനും അര്ധ സെഞ്ചുറി; ഇന്ത്യക്കെതിരെ ഇംഗ്ലണ്ട് ശക്തമായ നിലയില്
Synopsis
ദീപ്തി ശർമ്മയാണ് ഇന്ത്യക്കായി രണ്ട് വിക്കറ്റുകളും നേടിയത്. സെമി ഫൈനൽ പ്രതീക്ഷകൾ നിലനിർത്താൻ ഇന്ത്യക്ക് ഈ മത്സരം ജയിക്കേണ്ടത് അനിവാര്യമാണ്.
ഇന്ഡോര്: വനിതാ ഏകദിന ലോകകപ്പില് ഇന്ത്യക്കെതിരെ ഇംഗ്ലണ്ട് ശക്തമായ നിലയില്. ഇന്ഡോര്, ഹോള്ക്കര് സ്റ്റേഡിയത്തില് പുരോഗമിക്കുന്ന മത്സരത്തില് ഇംഗ്ലണ്ട് ഒടുവില് വിവരം ലഭിക്കുമ്പോള് 37 ഓവറില് രണ്ട് വിക്കറ്റ് മാത്രം നഷ്ടത്തില് 194 റണ്സെടുത്തിട്ടുണ്ട്. ഹീതര് നൈറ്റ് (76), നതാലി സ്കിവന് ബ്രന്ഡ് (30) എന്നിവര് ക്രീസിലുണ്ട്. താമി ബ്യൂമോണ്ട് (22), എമി ജോണ്സ് (56) എന്നിവരുടെ വിക്കറ്റുകളാണ് ഇംഗ്ലണ്ടിന് നഷ്ടമായത്. ദീപ്തി ശര്മ രണ്ട് വിക്കറ്റ് വീഴ്ത്തി.
മികച്ച തുടക്കമായിരുന്നു ഇംഗ്ലണ്ടിന്. ഒന്നാം വിക്കറ്റില് ബ്യൂമോണ്ട് - എമി സഖ്യം 73 റണ്സ് ചേര്ത്തു. 16-ാം ഓവറിലാണ് ഇന്ത്യക്ക് കൂട്ടുകെട്ട് പൊളിക്കാന് സാധിച്ചത്. ബ്യൂമോണ്ടിനെ ദീപ്തി ശര്മ ബൗള്ഡാക്കി. അധികം വൈകാതെ എമിയേയും ദീപ്തി മടക്കി. സ്മൃതി മന്ദാനയ്ക്ക് ക്യാച്ച്. എട്ട് ബൗണ്ടറികള് ഉള്പ്പെടുന്നതായിരുന്നു ഇന്നിംഗ്സ്. ഇംഗ്ലണ്ടിനെതിരെ ഒരു മാറ്റവുമായിട്ടാണ് ഇന്ത്യ ഇറങ്ങിയത്. ജമീമ റോഡ്രിഗസിന് പകരം രേണുക സിംഗ് ടീമിലെത്തി. ഇംഗ്ലണ്ട് രണ്ട് മാറ്റം വരുത്തി. സോഫി എക്ലെസ്റ്റോണ്, ലോറന് ബെല് എന്നിവര് ടീമില് തിരിച്ചെത്തി.
ഇന്ത്യയെ സംബന്ധിച്ചിടത്തോളം ഇന്ന് ജയിക്കേണ്ടത് അനിവാര്യമാണ്. നാല് മത്സരങ്ങളില് രണ്ട് ജയം മാത്രമാണ് ഇന്ത്യക്കുള്ളത്. ഇന്ന് ജയിച്ചാല് മാത്രമെ സെമി ഫൈനല് പ്രതീക്ഷകള് നിലനിര്ത്താന് സാധിക്കൂ. തോല്വി അറിയാതെ മുന്നേറുന്ന ഇംഗ്ലണ്ട് മൂന്നാം സ്ഥാനത്താണ്. നാല് മത്സരങ്ങളില് ഏഴ് പോയിന്റ്. ഇന്ന് ജയിച്ചാല് ഇംഗ്ലണ്ടിന് സെമി ഉറപ്പിക്കാം. ഇരു ടീമുകളുടേയും പ്ലേയിംഗ് ഇലവന് അറിയാം.
ഇന്ത്യന്: പ്രതീക റാവല്, സ്മൃതി മന്ദാന, ഹര്ലീന് ഡിയോള്, ഹര്മന്പ്രീത് കൗര് (ക്യാപ്റ്റന്), ദീപ്തി ശര്മ്മ, റിച്ച ഘോഷ് (ക്യാപ്റ്റന്), അമന്ജോത് കൗര്, സ്നേഹ് റാണ, ക്രാന്തി ഗൗഡ്, ശ്രീ ചരണി, രേണുക സിംഗ് താക്കൂര്.
ഇംഗ്ലണ്ട് : ആമി ജോണ്സ് (ക്യാപ്റ്റന്), ടാമി ബ്യൂമോണ്ട്, ഹീതര് നൈറ്റ്, നാറ്റ് സ്കൈവര്-ബ്രണ്ട് (ക്യാപ്റ്റന്), സോഫിയ ഡങ്ക്ലി, എമ്മ ലാംബ്, ആലീസ് കാപ്സി, ഷാര്ലറ്റ് ഡീന്, സോഫി എക്ലെസ്റ്റോണ്, ലിന്സി സ്മിത്ത്, ലോറന് ബെല്.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!