ENG vs IND : ഇന്നുമുതല് ഇന്ത്യന് ടീമിന് ഇംഗ്ലീഷ് ടി20 പരീക്ഷ; മത്സരം കാണാന് ഈ വഴികള്
Synopsis
ഹിറ്റർമാർ ഏറെയുള്ള ഇംഗ്ലണ്ടുമായുള്ള പോരാട്ടം ആവേശംനിറയ്ക്കുമെന്നുറപ്പ്. മത്സരം കാണാനുള്ള വഴികള് എന്തൊക്കെയെന്ന് അറിയാം.
സതാംപ്ടണ്: അയർലന്ഡിനെതിരായ ട്വന്റി 20 പരമ്പര തൂത്തുവാരിയ ശേഷം ഇന്ത്യന് ടി20 ടീം ഇന്നുമുതല് ഇംഗ്ലണ്ടിനെതിരെ കളത്തിലെത്തുകയാണ്. മൂന്ന് മത്സരങ്ങളുടെ ടി20 പരമ്പരയിലെ ആദ്യ അങ്കം(ENG vs IND 1st T20I) ഇന്ന് സതാംപ്ടണില്(The Rose Bowl Southampton) ഇന്ത്യന്സമയം രാത്രി 10.30ന് ആരംഭിക്കും. കൊവിഡ് മുക്തനായ രോഹിത് ശർമ്മ(Rohit Sharma) ടീമിലേക്ക് തിരിച്ചെത്തുമ്പോള് മലയാളി താരം സഞ്ജു സാംസണ്(Sanju Samson) കളിക്കുമോ എന്നതാണ് കേരളത്തിലെ ക്രിക്കറ്റ് പ്രേമികളുടെ ആകാംക്ഷ കൂട്ടുന്നത്.
എന്തായാലും ഹിറ്റർമാർ ഏറെയുള്ള ഇംഗ്ലണ്ടുമായുള്ള പോരാട്ടം ആവേശംനിറയ്ക്കുമെന്നുറപ്പ്. മത്സരം കാണാനുള്ള വഴികള് എന്തൊക്കെയെന്ന് അറിയാം. സോണി സ്പോർട്സ് നെറ്റ്വർക്കാണ് ഇംഗ്ലണ്ട്-ഇന്ത്യ ആദ്യ ടി20 സംപ്രേഷണം ചെയ്യുന്നത്. സോണി സിക്സിലും സോണി സിക്സ് എച്ച് ഡിയിലും മത്സരം തല്സമയം കാണാം. സോണി ലൈവില് മത്സരത്തിന്റെ ലൈവ് സ്ട്രീമിങ്ങും കാണാം.
കളിക്കുമോ സഞ്ജു?
ഡെര്ബിഷെയറിനെതിരെ സന്നാഹ മത്സരത്തില് സഞ്ജു 39 റണ്സ് നേടിയിരുന്നു. എന്നാല് നോര്താംപ്റ്റണ്ഷെയറിനെതിരെ ആദ്യ പന്തില് പുറത്താവുകയും ചെയ്തു. അയര്ലന്ഡിനെതിരെ കഴിഞ്ഞ ടി20 പരമ്പരയില് ലഭിച്ച ഒരവസരത്തില് സഞ്ജു തകര്പ്പന് പ്രകടനം പുറത്തെടുത്തിരുന്നു. ടി20 കരിയറിലെ ആദ്യ അര്ധസെഞ്ചുറിയും താരം അന്ന് സ്വന്തം പേരിലാക്കി. അയര്ലന്ഡിനെതിരെ രണ്ടാം ടി20യില് ഓപ്പണറായിറങ്ങി 42 പന്തില് 9 ഫോറും നാല് സിക്സറും സഹിതം സഞ്ജു 77 റണ്സടിക്കുകയായിരുന്നു. എന്നാല് ഇന്ന് രോഹിത് ശർമ്മയ്ക്കൊപ്പം ഇഷാന് കിഷന് ഓപ്പണറാവുമ്പോള് സഞ്ജു സാംസണ് പ്ലേയിംഗ് ഇലവനിലെത്താനുള്ള സാധ്യതകള് വിരളമാണ്.
ഇംഗ്ലണ്ടിനെതിരായ ആദ്യ ടി20യ്ക്കുള്ള സ്ക്വാഡ്: രോഹിത് ശര്മ്മ(ക്യാപ്റ്റന്), ഇഷാന് കിഷന്, റുതുരാജ് ഗെയ്ക്വാദ്, സഞ്ജു സാംസണ്, സൂര്യകുമാര് യാദവ്, ദീപക് ഹൂഡ, രാഹുല് ത്രിപാഠി, ദിനേശ് കാര്ത്തിക്(വിക്കറ്റ് കീപ്പര്), ഹാര്ദിക് പാണ്ഡ്യ, വെങ്കടേഷ് അയ്യര്, യുസ്വേന്ദ്ര ചാഹല്, അക്സര് പട്ടേല്, രവി ബിഷ്ണോയി, ഭുവനേശ്വര് കുമാര്, ഹര്ഷല് പട്ടേല്, ആവേശ് ഖാന്, അര്ഷ്ദീപ് സിംഗ്, ഉമ്രാന് മാലിക്.
ENG vs IND : ആദ്യ ടി20യില് ഇന്ത്യ ഇന്ന് ഇംഗ്ലണ്ടിനെതിരെ; സഞ്ജു കളിച്ചേക്കില്ല- സാധ്യതാ ഇലവന്
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!