IND vs SL : ഇന്ത്യക്കെതിരെ മൂന്നാം ടി20യില് ശ്രീലങ്കയ്ക്ക് ടോസ്; സഞ്ജു കീപ്പര്, ടീമില് നാല് മാറ്റം
Synopsis
രവി ബിഷ്ണോയ്, കുല്ദീപ് യാദവ്, ആവേശ് ഖാന്, മുഹമ്മദ് സിറാജ് എന്നിവര് ടീമിലെത്തി. കിഷന് പുറമെ ജസ്പ്രിത് ബുമ്ര, യൂസ്വേന്ദ്ര ചാഹല്, ഭുവനേശ്വര് കുമാര് എന്നിവര്ക്കും വിശ്രമം അനുവദിച്ചു.
ധര്മശാല : ശ്രീലങ്കയ്ക്കെതിരായ (INS vs SL) മൂന്നാം ടി20യില് ഇന്ത്യ ആദ്യം പന്തെറിയും. ടോസ് നേടിയ ലങ്കന് ക്യാപ്റ്റന് ദസുന് ഷനക (Dasun Shanaka) ബാറ്റിംഗ് തിരഞ്ഞെടുക്കുകയായിരുന്നു. നാല് മാറ്റങ്ങളുമായിട്ടുണ് ഇന്ത്യ ഇറങ്ങിയത്. രണ്ടാം ടി20യ്ക്കിടെ പരിക്കേറ്റ ഇഷാന് ഇന്ന് കളിക്കുന്നില്ല. സഞ്ജു സാംസണ് ഓപ്പണ് ചെയ്തേക്കും. വിക്കറ്റ് കീപ്പറും സഞ്ജു തന്നെയാണ്.
രവി ബിഷ്ണോയ്, കുല്ദീപ് യാദവ്, ആവേശ് ഖാന്, മുഹമ്മദ് സിറാജ് എന്നിവര് ടീമിലെത്തി. കിഷന് പുറമെ ജസ്പ്രിത് ബുമ്ര, യൂസ്വേന്ദ്ര ചാഹല്, ഭുവനേശ്വര് കുമാര് എന്നിവര്ക്കും വിശ്രമം അനുവദിച്ചു. ആദ്യ രണ്ട് മത്സരങ്ങളും ജയിച്ച ഇന്ത്യ പരമ്പര നേരത്തെ സ്വന്തമാക്കിയിരുന്നു. ഇന്ന് ജയിച്ചാല് ഇന്ത്യക്ക് പരമ്പര തൂത്തുവാരാം. നേരത്തെ രോഹിത്തിന് കീഴില് ന്യൂസിലന്ഡിനെതിരേയും വെസ്റ്റ് ഇന്ഡീസിനെതിരേയും ഇന്ത്യ സമ്പൂര്ണ ജയം നേടിയിരുന്നു.
ടീം ഇന്ത്യ : രോഹിത് ശര്മ, സഞ്ജു സാംസണ്, ശ്രേയസ് അയ്യര്, വീന്ദ്ര ജഡേജ, വെങ്കടേഷ് അയ്യര്, ദീപക് ഹൂഡ, ഹര്ഷല് പട്ടേല്, രവി ബിഷ്ണോയ്, മുഹമ്മദ് സിറാജ്, കുല്ദീപ് യാദവ്, ആവേശ് ഖാന്.
ശ്രീലങ്ക: പതും നിസങ്ക, ധനുഷ്ക ഗുണതിലക, ചരിത് അസലങ്ക, ദിനേശ് ചാന്ദിമല്, ജനിത് ലിയനങ്ക, ദസുന് ഷനക, ചാമിക കരുണാരത്ന, ദുശ്മന്ത ചമീര, ജെഫ്രി വാന്ഡര്സെ, ബിനുര ഫെര്ണാണ്ടോ, ലാഹിരു കുമാര.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!