ഇന്ത്യ-ഇംഗ്ലണ്ട് സെമി ഫൈനല് പോരാട്ടം കാണാന് കാത്തിരിക്കുന്നവര്ക്ക് നിരാശവാര്ത്ത, ഗയാനയില് മഴ തുടങ്ങി
Synopsis
മത്സരത്തിന് റിസര്വ് ഡേ ഇല്ലെങ്കിലും മഴ കാരണം വൈകിയാലും ഓവറുകള് വെട്ടിക്കുറക്കുന്നതിന് 250 മിനിറ്റ് അധിക സമയം അനുവദിച്ചിട്ടുണ്ട്.
ഗയാന: ടി20 ലോകകപ്പില് ഇന്ത്യ-ഇംഗ്ലണ്ട് സെമി പോരാട്ടം കാണാന് കാത്തിരിക്കുന്ന ആരാധകര്ക്ക് നിരാശ വാര്ത്ത. ഗയാനയില് മഴ പെയ്യാന് തുടങ്ങിയെന്നാണ് ഏറ്റവും പുതിയ റിപ്പോര്ട്ട്. ഗയാനയില് മഴ പെയ്യുന്ന ദൃശ്യങ്ങള് സമൂഹ മാധ്യമങ്ങളില് ആരാധകര് പങ്കുവെച്ചിട്ടുണ്ട്. ഗയാന, പ്രൊവിഡന്സ് സ്റ്റേഡിയത്തില് ഇന്ത്യൻ സമയം രാത്രി എട്ട് മണിക്ക് (പ്രാദേശിക സമയം രാവിലെ 10.30) തുടങ്ങേണ്ട സെമി ഫൈനല് പോരാട്ടത്തിന് 7.30നാണ് ടോസിടേണ്ടത്. ടോസിന് രണ്ട് മണിക്കൂര് മാത്രം ബാക്കിയിരിക്കെയാണ് ഗയാനയില് നേരിയ തോതില് മഴ തുടങ്ങിയത്. ഇതോടെ ടോസ് വൈകാൻ സാധ്യതയുണ്ട്.
മത്സരത്തിന് റിസര്വ് ഡേ ഇല്ലെങ്കിലും മഴ കാരണം വൈകിയാലും ഓവറുകള് വെട്ടിക്കുറക്കുന്നതിന് 250 മിനിറ്റ് അധിക സമയം അനുവദിച്ചിട്ടുണ്ട്. ഇന്ത്യൻ സമയം എട്ട് മണിക്കാണ് മത്സരം തുടങ്ങേണ്ടതെങ്കിലും രാത്രി 12.10ന് ശേഷവും മത്സരം തുടങ്ങാന് കഴിഞ്ഞില്ലെങ്കില് മാത്രമെ ഓവറുകള് വെട്ടി കുറക്കു. ഇന്ത്യന് സമയം രാത്രി 12 മണിക്കാണ് മത്സരം തുടങ്ങുന്നതെങ്കില് പോലും മുഴുവന് ഓവര് മത്സരമായിരിക്കും നടക്കുക. ഇംഗ്ലണ്ടിനെതിരെ കളിക്കാനെത്തുമ്പോള് ഇന്ത്യക്ക് കണക്ക് തീര്ക്കാനുണ്ട്. 2022 ലോകകപ്പില് ഇംഗ്ലണ്ടിനോട് തോറ്റാണ് ഇന്ത്യ പുറത്താവുന്നത്.
ഗയാനയില് 70 ശതമാനം മഴ പെയ്യാന് സാധ്യതുണ്ടെന്ന് നേരത്തെ കാലാവസ്ഥ പ്രവചനമുണ്ടായിരുന്നു. അങ്ങനെ വന്നാല് മത്സരം നടക്കാനും സാധ്യയില്ല. മത്സരം നടന്നില്ലെങ്കില് ഇന്ത്യയാണ് ഫൈനലിലെത്തുക. ഗ്രൂപ്പ് ഘട്ടത്തിലും സൂപ്പര് എട്ടിലും എല്ലാ മത്സരങ്ങളും ജയിച്ചാണ് ഇന്ത്യ സെമിയിലെത്തിയത്. സൂപ്പര് എട്ടില് അഫ്ഗാനിസ്ഥാന്, ബംഗ്ലാദേശ്, ഓസ്ട്രേലിയ എന്നിവരെ തോല്പ്പിച്ച് ഗ്രൂപ്പ് ചാമ്പ്യന്മാരായതോടെയാണ് സെമി മത്സരം മഴ കാരണം ഉപേക്ഷിച്ചാല് പോലും ഇന്ത്യ ഫൈനലില് പ്രവേശിക്കുമെന്ന സാഹചര്യമുണ്ടാക്കിയത്.
ഇംഗ്ലണ്ടിനെതിരെ സെമി ഫൈനല് പോരാട്ടത്തിനുള്ള ഇന്ത്യയുടെ സാധ്യതാ ഇലവന്: രോഹിത് ശര്മ, വിരാട് കോലി, റിഷഭ് പന്ത് , സൂര്യകുമാര് യാദവ്, ശിവം ദുബെ, ഹാര്ദിക് പാണ്ഡ്യ, അക്സര് പട്ടേല്, രവീന്ദ്ര ജഡേജ, അര്ഷ്ദീപ് സിംഗ്, കുല്ദീപ് യാദവ്, ജസ്പ്രീത് ബുമ്ര.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!