സഞ്ജു പുറത്ത് തന്നെ! കോലി തിരിച്ചെത്തി, വേറെയും മാറ്റങ്ങള്; അഫ്ഗാനെതിരെ രണ്ടാം ടി20യില് ഇന്ത്യക്ക് ടോസ്
Synopsis
വിരാട് കോലി ടീമില് തിരിച്ചെത്തി. തിലക് വര്മയ്ക്കാണ് സ്ഥാനം നഷ്ടമായത്. ശുഭ്മാന് ഗില്ലിന് പകരം യഷസ്വി ജെയ്സ്വാളും കളിക്കും.
ഇന്ഡോര്: അഫ്ഗാനിസ്ഥാനെതിരായ രണ്ടാം ടി20യില് ഇന്ത്യ ആദ്യം പന്തെറിയും. ഇന്ഡോര്, ഹോള്ക്കര് ക്രിക്കറ്റ് സ്റ്റേഡിയത്തില് ടോസ് നേടിയ ഇന്ത്യന് നായകന് രോഹിത് ശര്മ ബൗളിംഗ് തിരഞ്ഞെടുക്കുകയായിരുന്നു. മലയാളി താരം സഞ്ജു സാംസണ് ഇന്നും കളിക്കാന് അവസരം ലഭിച്ചില്ല. അതേസമയം, വിരാട് കോലി ടീമില് തിരിച്ചെത്തി. തിലക് വര്മയ്ക്കാണ് സ്ഥാനം നഷ്ടമായത്. ശുഭ്മാന് ഗില്ലിന് പകരം യഷസ്വി ജെയ്സ്വാളും കളിക്കും. ഈ രണ്ട് മാറ്റങ്ങളാണ് ഇന്ത്യ വരുത്തിയത്. രോഹിത്തിനൊപ്പം ജെയ്സ്വാള് ഇന്നിംഗ്സ് ഓപ്പണ് ചെയ്യും. അഫ്ഗാനിസ്ഥാന് ഒരു മാറ്റം വരുത്തിയിട്ടുണ്ട്. റഹ്മത്ത് ഷായ്ക്ക് പകരം നൂര് അഹമ്മദ് ടീമിലെത്തി.
ഇന്ത്യ: രോഹിത് ശര്മ, യഷസ്വി ജെയ്സ്വാള്, വിരാട് കോലി, ശിവം ദുബെ, ജിതേഷ് ശര്മ, റിങ്കു സിംഗ്, അക്സര് പട്ടേല്, വാഷിംഗ്ടണ് സുന്ദര്, രവി ബിഷ്ണോയ്, അര്ഷ്ദീപ് സിംഗ്, മുകേഷ് കുമാര്.
അഫ്ഗാനിസ്ഥാന്: റഹ്മാനുള്ള ഗുര്ബാസ്, ഇബ്രാഹിം സദ്രാന്, അസ്മതുള്ള ഒമര്സായ്, മുഹമ്മദ് നബി, നജീബുള്ള സദ്രാന്, കരിം ജനത്, ഗുല്ബാദിന് നെയ്ബ്, നൂര് അഹമ്മദ്, ഫസല്ഹഖ് ഫാറൂഖി, നവീന് ഉല് ഹഖ്, മുജീബ് ഉര് റഹ്മാന്.
അതേസമയം, ഇന്ത്യന് നായകന് രോഹിത് ശര്മയെ തേടിയെത്തിരിക്കുന്നത് ചരിത്ര നേട്ടമാണ്. ടി20യില് 150 മത്സരം കളിക്കുന്ന ആദ്യ താരമെന്ന നേട്ടമാണ് രോഹിത്തിന് സ്വന്തമായത്. പതിനാല് മാസം ട്വന്റി 20യില് നിന്ന് വിട്ടുനിന്ന രോഹിത് 149 മത്സരങ്ങളില് കളിച്ചിട്ടുണ്ട്. 134 മത്സരം കളിച്ച അയര്ലന്ഡിന്റെ പോള് സ്റ്റിര്ലിങ്ങും 28 മത്സരങ്ങള് ജോര്ജ് ഡോക്രെല്ലുമാണ് രണ്ടും മൂന്നും സ്ഥാനങ്ങളില്. അന്താരാഷ്ട്ര ട്വന്റി 20യില് 100 വിജയം നേടിയ ആദ്യ പുരുഷതാരവും രോഹിത്താണ്.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!