വിഘ്നേഷ് പുത്തൂര് രാജസ്ഥാന് റോയല്സില്, ആസിഫിന് ആവശ്യക്കാരില്ല, ഞെട്ടിച്ച് പ്രശാന്ത് വീറും കാര്ത്തിക് ശര്മയും
Summary
ഐപിഎല് താരലേലത്തിന് അബുദാബി ഒരുങ്ങി. ഇന്ന് 2.30 മുതലാണ് മിനി ലേലം ആരംഭിക്കുക. അതിനിടെ അടുത്ത ഐപിഎല് മത്സരങ്ങളുടെ സാധ്യതാ തീയതികളും പുറത്തുവന്നു. റിപ്പോര്ട്ട് പ്രകാരം മാര്ച്ച് 26ന് ആകും പുതിയ ഐപിഎല് സീസണ് ആരംഭിക്കുക. മേയ് 31നാണ് ഫൈനല്. ഫൈനലിന് ബംഗളൂരു ചിന്നസ്വാമി സ്റ്റേഡിയം വേദിയായേക്കും.
09:24 PM (IST) Dec 16
ഒടുവില് പൃഥ്വി ഷാക്കും ഐപിഎല് ടീമായി
അബുദാബി: ഐപിഎല്ലില് ആദ്യ രണ്ട് റൗണ്ടുകളിലും ആവശ്യക്കാരില്ലാതിരുന്ന ഇന്ത്യൻ ഓപ്പണര് പൃഥ്വി ഷായെ മൂന്നാം റൗണ്ട് താരലേലത്തില് ടീമിൽ തിരിച്ചെത്തിച്ച് ഡല്ഹി ക്യാപിറ്റല്സ്. അടിസ്ഥാന വിലയായ 75 ലക്ഷം രൂപക്കാണ് ഡല്ഹി പൃഥ്വി ഷായെ മൂന്നാം റൗണ്ടില് ടീമിലെടുത്തത്.
08:46 PM (IST) Dec 16
മുംബൈ, കൊല്ക്കത്ത, ലക്നൗ ടീം സെറ്റായി
ഐപിഎല് താരലേലത്തില് മുംബൈ ഇന്ത്യൻസും ലക്നൗ സൂപ്പര് ജയന്റ്സും കൊല്ക്കത്ത നൈറ്റ് റൈഡേഴ്സും 25 താരങ്ങളെ വീതം തികച്ചു.
08:06 PM (IST) Dec 16
സര്ഫറാസിനെ ടീമിലെത്തിച്ച് ചെന്നൈ സൂപ്പര് കിംഗ്സ്
ആദ്യ റൗണ്ടില് ആരും ടീമിലെടുക്കാതിരുന്ന ഇന്ത്യൻ താരം സര്ഫറാസ് ഖാനെ ടീമിലെത്തിച്ച് ചെന്നൈ സൂപ്പര് കിംഗ്സ്. അടിസ്ഥാനവിലയായ 75 ലക്ഷം രൂപക്കാണ് ചെന്നൈ സര്ഫറാസിനെ ടീമിലെടുത്തത്.
07:08 PM (IST) Dec 16
ആസിഫിനും സല്മാന് നിസാറിനും ആവശ്യക്കാരില്ല
ഐപിഎല് താരലേലത്തില് മലയാളി പേസര് കെ എം ആസിഫിനും വെടിക്കെട്ട് ബാറ്റര് സല്മാന് നിസാറിനും ആവശ്യക്കാരില്ല. 40 ലക്ഷം രൂപയായിരുന്നു ആസിഫിന്റെ അടിസ്ഥാന വില. മുഷ്താഖ് അലി ട്രോഫിയില് മുംബൈക്കെതിരെ അഞ്ച് വിക്കറ്റ് വീഴ്ത്തി കേരളത്തിനായി തിളങ്ങിയിട്ടും ആസിഫിനെ ആരും വാങ്ങിയില്ല. കെസിഎല്ലില് വെടിക്കെട്ട് ബാറ്റിംഗ് കാഴ്ചവെച്ച സല്മാന് നിസാറിന് 30 ലക്ഷം രൂപയായിരുന്നു അടിസ്ഥാന വില. അതേസമയം വിഘ്നേഷ് പുത്തൂരിനെ രാജസ്ഥാന് റോയല്സ് 30 ലക്ഷം രൂപ അടിസ്ഥാന വിലക്ക് ടീമിലെത്തിച്ചു.
06:53 PM (IST) Dec 16
ടീമുകളും ഇതുവരെ സ്വന്തമാക്കിയ താരങ്ങളും
ചെന്നൈ സൂപ്പര് കിംഗ്സ്: പ്രശാന്ത് വീർ, കാർത്തിക് ശർമ്മ, അക്കീൽ ഹൊസൈൻ, അമാന് ഖാൻ,
ഡല്ഹി ക്യാപിറ്റല്സ്: അക്വിബ് നബി, ഡേവിഡ് മില്ലർ, ബെൻ ഡക്കറ്റ്, പാതും നിസങ്ക
ഗുജറാത്ത് ടൈറ്റന്സ്: അശോക് ശർമ്മ, ജേസണ് ഹോള്ഡര്
കൊല്ക്കത്ത നൈറ്റ് റൈഡേഴ്സ്: കാമറൂൺ ഗ്രീൻ, മതീഷ പതിരാന, തേജസ്വി സിംഗ്, ഫിൻ അലൻ, പ്രശാന്ത് സോളങ്കി, കാർത്തിക് ത്യാഗി, ടിം സീഫര്ട്ട്, രാഹുല് ത്രിപാഠി, മുസ്തഫിസുര് റഹ്മാന്
ലക്നൗ സൂപ്പര് ജയന്റ്സ്: മുകുൾ ചൗധരി, ആൻറിച്ച് നോർക്യ, വാനിന്ദു ഹസരംഗ, നമൻ തിവാരി, അക്ഷത് രഘുവംശി
മുംബൈ ഇന്ത്യൻസ്: ക്വിന്റൺ ഡി കോക്ക്, ഡാനിഷ് മലെവാര്, മുഹമ്മസ് ഇസ്ഹര്, അഥര്വ അങ്കലേക്കര്
പഞ്ചാബ് കിംഗ്സ്: കൂപ്പര് കൊണോലി
രാജസ്ഥാന് റോയല്സ്: രവി ബിഷ്ണോയ്, സുശാന്ത് മിശ്ര, വിഘ്നേഷ് പുത്തൂർ, യാഷ് രാജ് പുഞ്ച, രവി സിംഗ്,
റോയല് ചലഞ്ചേഴ്സ് ബെംഗളൂരു: വെങ്കിടേഷ് അയ്യർ, ജേക്കബ് ഡഫി, മങ്കേഷ് യാദവ്, സാത്വിക് ദേശാല്,
സണ്റൈസേഴ്സ് ഹൈദരാബാദ്: ശിവങ് കുമാർ, ഓംകാര് ടര്മാലെ, സാക്കിബ് ഹുസൈന്, സലീല് അറോറ,
06:46 PM (IST) Dec 16
പാതും നിസങ്ക ആദ്യമായി ഐപിഎല്ലിന്
ശ്രീലങ്കന് താരം പാതും നിസങ്ക ആദ്യമായി ഐപിഎല്ലിന്. ഏഷ്യാ കപ്പില് ഇന്ത്യക്കെതിരെ സെഞ്ചുറി നേടിയ നിസങ്കയെ നാലു കോടി രൂപക്ക് ഡല്ഹി ക്യാപിറ്റല്സാണ് ടീമിലെത്തിച്ചത്.
06:45 PM (IST) Dec 16
ജേസണ് ഹോള്ഡര് ഗുജറാത്തില്
വാശിയേറിയ ലേലം വിളിക്കൊടുവില് വെസ്റ്റ് ഇന്ഡീസ് ഓള് റൗണ്ടര് ജേസണ് ഹോള്ഡറെ ഏഴ് കോടി രൂപക്ക് ഗുജറാത്ത് ടൈറ്റന്സ് സ്വന്തമാക്കി.
05:43 PM (IST) Dec 16
വിഘ്നേഷ് പുത്തൂര് രാജസ്ഥാനില്
ചൈനാമാന് സ്പിന്നറായ മലയാളി താരം വിഘ്നേഷ് പുത്തൂരിനെ സ്വന്തമാക്കി രാജസ്ഥാന് റോയല്സ്. അടിസ്ഥാന വിലയായ 30 ലക്ഷം രൂപക്കാണ് വിഘ്നേഷിനെ രാജസ്ഥാന് സ്വന്തമാക്കിയത്. വിഘ്നേഷിനായി മുന് ടീമായ മുംബൈ ഇന്ത്യൻസ് അടക്കം ആരും രംഗത്തുവന്നില്ല.
05:00 PM (IST) Dec 16
ലേലത്തില് ഞെട്ടിച്ച് പ്രശാന്ത് വീര്
ഐപിഎൽ താരലേലത്തില് ഞെട്ടിച്ച് യുവതാരം പ്രശാന്ത് വീര്. അൺക്യാപ്ഡ് താരങ്ങളുടെ ലേലത്തില് 30 ലക്ഷം രൂപ അടിസ്ഥാന വിലയുണ്ടായിരുന്ന പ്രശാന്ത് വീറിനെ വാശിയേറിയ ലേലം വിളിക്കൊടുവില് ചെന്നൈ സൂപ്പര് കിംഗ്സ് 14.20 കോടി മുടക്കി സ്വന്തമാക്കി. സണ്റൈസേഴ്സ് ഹൈദരാബാദും പ്രശാന്തിനായി വാശിയോടെ രംഗത്തെത്തിയിരുന്നു.
04:50 PM (IST) Dec 16
ജമ്മു കശ്മീര് പേസര്ക്ക് റെക്കോര്ഡ് തുക
ജമ്മു കശ്മീര് പേസര് അക്വിബ് ദറിന് ഐപിഎൽ മിനി താരലേലത്തില് റെക്കോര്ഡ് തുക. വാശിയേറിയ ലേലം വിളിക്കൊടുവില് 8.40 കോടി രൂപക്ക് ഡല്ഹി ക്യാഹി ക്യാപിറ്റല്സാണ് അക്വിബ് ദറിനെ സ്വന്തമാക്കിയത്. സണ്റൈസേഴ്സ് ഹൈദരാബാദും അക്വിബിനായി രംഗത്തുണ്ടായിരുന്നു.
04:13 PM (IST) Dec 16
രവി ബിഷ്ണോയിയെ സ്വന്തമാക്കി രാജസ്ഥാന്
ഐപിഎല് മിനി താരലേലത്തില് സ്പിന്നര് രവി ബിഷ്ണോയിയെ 7.20 കോടിക്ക് സ്വന്തമാക്കി രാജസ്ഥാന് റോയല്സ്.
04:01 PM (IST) Dec 16
പതിരാനക്കും റെക്കോര്ഡ് തുക
ചെന്നൈ സൂപ്പര് കിംഗ്സ് കൈവിട്ട മതീഷ പതിരാനക്കും ഐപിഎൽ മിനി താരലേലത്തില് റെക്കോര്ഡ് തുക. ഡല്ഹിയും ലക്നൗവും തമ്മിലുള്ള വാശിയേറിയ ലേലത്തിനൊടുവില് അവസാന നിമിഷം രംഗത്തെത്തിയ കൊല്ക്കത്ത 18 കോടിക്ക് ലങ്കന് പേസറെ ടീമിലെത്തിച്ചു.
03:51 PM (IST) Dec 16
മാറ്റ് ഹെന്റിക്കും ആകാശ്ദീപിനും ആവശ്യക്കാരില്ല
ന്യൂസിലന്ഡ് പേസര്മാരായ മാറ്റ് ഹെന്റിക്കും ഇന്ത്യൻ പേസര് ആകാശ് ദീപിനും ലേലത്തില് ആവശ്യക്കാരില്ല.
03:23 PM (IST) Dec 16
വെങ്കടേഷ് അയ്യര് ആര്സിബിയില്
കഴിഞ്ഞ സീസണില് കൊല്ക്കത്ത നൈറ്റ് റൈഡേഴ്സിന് വേണ്ടി കളിച്ച വെങ്കടേഷ് അയ്യര് റോയല് ചലഞ്ചേഴ്സ് ബാംഗളൂരിന് വേണ്ടി കളിക്കും. ഗുജറാത്ത് ടൈറ്റന്സിന് താല്പര്യമുണ്ടായിരുന്നെങ്കിലും പിന്മാറേണ്ടി വന്നു. രണ്ട് കോടി അടിസ്ഥാന വിലയുണ്ടായിരുന്ന താരത്തെ 7.00 കോടിക്കാണ് അര്സിബി സ്വന്തമാക്കിയത്. കൊല്ക്കത്ത നൈറ്റ് റൈഡേഴ്സ് രംഗത്ത് വന്നെങ്കിലും ആര്സിബിക്ക് മുന്നില് മുട്ടുമടക്കേണ്ട വന്നു.
02:58 PM (IST) Dec 16
കാമറൂണ് ഗ്രീനിന് 25.20 കോടി
ഓസ്ട്രേലിയന് ഓള്റൗണ്ടര് വരും സീസണില് കൊല്ക്കത്ത നൈറ്റ് റൈഡേഴ്സില് കളിക്കും. രണ്ട് കോടി അടിസ്ഥാന വിലയുണ്ടായിരുന്ന താരത്തെ 25.20 കോടിക്കാണ് കൊല്ക്കത്ത ടീമിലെത്തിച്ചത്. രാജസ്ഥാന് റോയല്സും ചെന്നൈ സൂപ്പര് കിംഗ്സും താരത്തില് താല്പര്യം പ്രകടിപ്പിച്ചെങ്കിലും പിന്മാറേണ്ടി വന്നു. 13.60 കോടിയിലാണ് രാജസ്ഥാന് പിന്മാറിയത്. പിന്നീട് ചെന്നൈ സൂപ്പര് കിംഗ്സ് താല്പര്യം കാണിച്ചു. എന്നാല് തുക ഉയര്ന്നപ്പോള് ചെന്നൈ പിന്മാറി.
02:44 PM (IST) Dec 16
പൃഥ്വി ഷാ അണ്സോള്ഡ്
ഇന്ത്യന് താരം പൃഥ്വി ഷായെ ആദ്യ ഘട്ടത്തില് സ്വന്തമാകകാന് ആരും തയ്യാരായില്ല. 75 ലക്ഷമായിരുന്നു അദ്ദേഹത്തിന്റെ അടിസ്ഥാന വില. ന്യൂസിലന്ഡ് താരം ഡെവോണ് കോണ്വെയും അണ്സോള്ഡായി.
02:42 PM (IST) Dec 16
ഡേവിഡ് മില്ലര് ഡല്ഹിയില്
ദക്ഷിണാഫ്രിക്കന് വെറ്ററന് താരം ഡേവിഡ് മില്ലര് ഡല്ഹി ക്യാപിറ്റല്സില്. അടിസ്ഥാന തുകയായ രണ്ട് കോടിക്കാണ് മില്ലറെ ടീമിലെത്തിച്ചത്.
02:22 PM (IST) Dec 16
ആസിഫിന് ഉയര്ന്ന അടിസ്ഥാന വില
കെ എം ആസിഫാണ് ഉയര്ന്ന അടിസ്ഥാന വിലയുള്ള മലയാളിതാരം. 40 ലക്ഷം രൂപയാണ് ആസിഫിന്റെ അടിസ്ഥാന വില. കേരളത്തിന്റെ സീനിയര് ടീമില് കളിച്ചിട്ടില്ലാത്ത ജിക്കു കഴിഞ്ഞ സീസണില് മുംബൈ ഇന്ത്യന്സിന്റെ നെറ്റ്സ് ബൗളറായിരുന്നു. വിഘ്നേഷ് പുത്തൂര് കഴിഞ്ഞ സീസണില് മുംബൈ ഇന്ത്യന്സ് താരമായിരുന്നു.
02:21 PM (IST) Dec 16
പ്രതീക്ഷയോടെ കേരള താരങ്ങള്
ഐപിഎല് താരലേലത്തില് പ്രതീക്ഷയോടെ പതിനൊന്ന് കേരള താരങ്ങള്. കെ എം ആസിഫ്, രോഹന് കുന്നുമ്മല്, സല്മാന് നിസാര്, അഹമ്മദ് ഇമ്രാന്, ഏദന് ആപ്പിള് ടോം, വിഘ്നേഷ് പുത്തൂര്, ശ്രീഹരി നായര്, അബ്ദുല് ബാസിത്, അഖില് സ്കറിയ, മുഹമ്മദ് ഷറഫുദ്ദീന്, ജിക്കു ബ്രൈറ്റ് എന്നിവരാണ് ലേലപ്പട്ടികയിലുളള താരങ്ങള്.
02:20 PM (IST) Dec 16
രാജസ്ഥാന് റോയല്സ്
രാജസ്ഥാന് റോയല്സിന് താരലേലത്തില് ബാക്കിയുള്ളത് 16.05 കോടി രൂപ. ഒരുവിദേശ താരം ഉള്പ്പടെ ഒന്പത് താരങ്ങളെ സ്വന്തമാക്കാം. ബിഷ്ണോയ്, ചാഹര്, വിഘ്നേഷ്, സല്മാന് നിസാര് തുടങ്ങിയരെ കൊണ്ടുവരാന് ശ്രമിക്കും.
02:20 PM (IST) Dec 16
പഞ്ചാബ് കിംഗ്സ്
പഞ്ചാബ് കിംഗ്സിന് ലേലത്തില് ബാക്കിയുള്ളത് 11.50 കോടി രൂപ. രണ്ട് വിദേശ താരങ്ങള് ഉള്പ്പടെ നാല് താരങ്ങളെ സ്വന്തമാക്കാം. ഷായ് ഹോപ്പ്, ബെയര്സ്റ്റോ, മാറ്റ് ഹെന്റി, രാഹുല് ചാഹര്, വിഘ്നേഷ് പുത്തൂര് എന്നിവരെ കൊണ്ടുവരാന് ശ്രമിക്കും.
02:20 PM (IST) Dec 16
ഗുജറാത്ത് ടൈറ്റന്സ്
ഗുജറാത്ത് ടൈറ്റന്സിന് താരലേലത്തില് ബാക്കിയുള്ളത് 12.90 കോടി രൂപ. നാല് വിദേശികള് ഉള്പ്പെട അഞ്ച് താരങ്ങളെ സ്വന്തമാക്കാം. ഡേവിഡ് മില്ലര്, ലിയാം ലിവിംഗ്സ്റ്റണ്, മെന്ഡിസ്, ബെയര്സ്റ്റോ, ആഡം മില്നെ, ജേക്കബ് ഡഫി എന്നിവരെ ടീമിലെത്തിക്കാന് ശ്രമിക്കും.
02:20 PM (IST) Dec 16
സണ്റൈസേഴ്സ് ഹൈദരാബാദ്
സണ്റൈസേഴ്സ് ഹൈദരാബാദിന് താരലേലത്തില് ബാക്കിയുള്ളത് 25.50 കോടി രൂപ. രണ്ട് വിദേശികള് ഉള്പ്പടെ പത്ത് താരങ്ങളെ സ്വന്തമാക്കാം. രണ്ട് വിദേശികള് ഉള്പ്പടെ പത്ത് താരങ്ങളെ സ്വന്തമാക്കാം. അക്വിബ് നബി, ആകാശ് ദീപ്, അശോക് ശര്മ, മഹിപാല് ലോംറോര്, കാര്ത്തിക് ശര്മ എന്നിവരാണ് ഹൈദരബാദിന്റെ ലക്ഷ്യം.
02:19 PM (IST) Dec 16
ഡല്ഹി ക്യാപിറ്റല്സ്
ഡല്ഹി ക്യാപിറ്റല്സിന് താരലേലത്തില് ബാക്കിയുള്ളത് 21.80 കോടി രൂപ. അഞ്ച് വിദേശികള് ഉള്പ്പെട എട്ട് താരങ്ങളെ സ്വന്തമാക്കാം. ക്വിന്റണ് ഡി കോക്ക്, പതും നിസ്സങ്ക, പതിരാന, ബെയര്സ്റ്റോ, മുസതഫിസുര് എന്നിവരെ ലക്ഷ്യമിടും.
02:19 PM (IST) Dec 16
ലക്നൗ സൂപ്പര് ജയന്റ്സ്
ലക്നൗ സൂപ്പര് ജയന്റ്സിന് താരലേലത്തില് ബാക്കിയുള്ളത് 22.95 കോടി രൂപ. നാല് വിദേശികള് ഉള്പ്പടെ ആറ് താരങ്ങളെ ലേലത്തില് സ്വന്തമാക്കാം. ഹോള്ഡര്, സല്മാന് നിസാര്, അല്സാരി ജോസഫ്, വിയാല് മള്ഡര് തുടങ്ങിയ താരങ്ങളിലാണ് ലക്നൗവിന്റെ കണ്ണ്.
02:19 PM (IST) Dec 16
മുംബൈ ഇന്ത്യന്സ്
ഏറ്റവും പണം കുറവുള്ളത് മുംബൈ ഇന്ത്യന്സിനാണ്. ബാക്കിയുള്ളത് 2.75 കോടി രൂപ. ഒരു വിദേശി ഉള്പ്പടെ അഞ്ച് താരങ്ങളെ സ്വന്താമാക്കാം. ജോണി ബെയര്സ്റ്റോ, കുശാല് മെന്ഡിസ്, ജാമി സ്മിത്ത്, ടീം സീഫെര്ട്ട് തുടങ്ങിയവരെ മുംബൈ ലക്ഷ്യമിടും.
02:19 PM (IST) Dec 16
റോയല് ചലഞ്ചേഴ്സ് ബംഗളൂര്
ആര്സിബിക്ക് താരലേലത്തില് ബാക്കിയുള്ളത് 16.40 കോടി. രണ്ട് വിദേശികള് ഉള്പ്പടെ എട്ട് താരങ്ങളെ ടീമിലെത്തിക്കാം. ലുംഗി എന്ഗിഡി, അല്സാരി ജോസഫ്, ടസ്കിന് അഹമ്മദ്, സ്പെന്സര് ജോണ്സണ്, സര്ഫറാസ്, ദീപക് ഹൂഡ എന്നിവരെ ആര്സിബി ലക്ഷ്യമിടും.
02:18 PM (IST) Dec 16
ചെന്നൈ സൂപ്പര് കിംഗ്സ്
ചെന്നൈ സൂപ്പര് കിംഗ്സിന്റെ അക്കൗണ്ടില് 43.40കോടി രൂപ. നാല് വിദേശ താരങ്ങള് ഉള്പ്പടെ ഒന്പതുപേരെ ലേലത്തില് സ്വന്തമാക്കാം. ലേലത്തില് ഗ്രീന്, വെങ്കടേഷ്, ലിയാം ലിയാം ലിവിംഗ്സ്റ്റണ്, ജേസണ് ഹോള്ഡര്, മൈക്കല് ബ്രേസ്വെല്, മുസ്തഫിസുര് റഹ്മാന് എന്നിവരെ ചെന്നൈ ലക്ഷ്യമിടും.
02:18 PM (IST) Dec 16
കൊല്ക്കത്ത നൈറ്റ് റൈഡേഴ്സ്
മിനി ലേലത്തില് ഏറ്റവും സമ്പന്നര് കൊല്ക്കത്ത നൈറ്റ് റൈഡേഴ്സാണ്. കാല്ക്കത്തയ്ക്ക് താരലേലത്തില് ബാക്കിയുള്ളത് 64.30 കോടി രൂപ. ആറ് വിദേശികള് ഉള്പ്പടെ 13 താരങ്ങളെ സ്വന്തമാക്കാം. താരലേലത്തില് കാമറൂണ് ഗ്രീന്, പൃഥ്വി ഷാ, സര്ഫറാസ് ഖാന്, ജാമി സ്മിത്ത്, ജോണി ബെയര്സ്റ്റോ, കാര്ത്തിക് ശര്മ, മതീഷ പതിരാന, മാറ്റ് ഹെന്റി തുടങ്ങിയവരെ സ്വന്തമാക്കാന് കൊല്ക്കത്ത ശ്രമിച്ചേക്കും.