ഇനി തര്ക്കിക്കേണ്ട ആവശ്യമില്ല, ഈ തലമുറയുടെ താരം അവന് തന്നെ, തുറന്നു പറഞ്ഞ് റിക്കി പോണ്ടിംഗ്
Synopsis
ശ്രീലങ്കക്കെതിരായ ടെസ്റ്റില് സെഞ്ചുറിയുമായി 10000 റണ്സ് തികച്ച സ്റ്റീവ് സ്മിത്തിനെ റിക്കി പോണ്ടിംഗ് പ്രശംസിച്ചു. ഈ തലമുറയിലെ ഏറ്റവും മികച്ച താരമെന്ന് വിശേഷിപ്പിച്ച പോണ്ടിംഗ്, സ്മിത്തിന്റെ കണക്കുകള് മാതരം നോക്കിയാല് മികച്ച താരമെന്ന് വ്യക്തമാകുമെന്നും പറഞ്ഞു.
ഗോള്: ശ്രീലങ്കക്കെതിരായ ഗോള് ക്രിക്കറ്റ് ടെസ്റ്റില് സെഞ്ചുറിയുമായി ടെസ്റ്റ് കരിയറില് 10000 റണ്സ് തികച്ച ഓസ്ട്രേലിയന് താരം സ്റ്റീവ് സ്മിത്തിനെ വാഴ്ത്തി മുന് നായകന് റിക്കി പോണ്ടിംഗ്. 35-ാം ടെസ്റ്റ് സെഞ്ചുറി നേടിയ സ്മിത്തിനെ ഈ തലമുറയിലെ ഏറ്റവും മികച്ച താരമെന്ന് വിശേഷിപ്പിക്കുന്നതിനെ ആരും എതിര്ക്കുമെന്ന് കരുതുന്നില്ലെന്ന് സിഡ്നി മോര്ണിംഗ് ഹെറാള്ഡിനോട് പോണ്ടിംഗ് പറഞ്ഞു.
സ്മിത്തിനെ ഇനി ഈ തലമുറയിലെ മികച്ച താരമെന്ന് പറഞ്ഞാല് ആരെങ്കിലും തര്ക്കിക്കുമെന്ന് തോന്നുന്നില്ല. ജോ റൂട്ടാണ് മറ്റൊരു താരം. കെയ്ന് വില്യംസണിന്റെ റെക്കോര്ഡും മികച്ചതാണ്. കഴിഞ്ഞ ഏതാനും വര്ഷങ്ങളല് ജോ റൂട്ട് അവിശ്വസനീയമായാണ് കളിക്കുന്നത്. അഞ്ചോ ആറോ വര്ഷം മുമ്പ് വരെ വിരാട് കോലിയും ഇവര്ക്കൊപ്പമുണ്ടായിരുന്നു. ആ സമയത്ത് ജോ റൂട്ട് ഇവരുടെ കൂട്ടത്തില് ഏറ്റവും താഴെയായിരുന്നു. കാരണം, മറ്റ് മൂന്ന് താരങ്ങളുടെയത്രയും സെഞ്ചുറികളില്ലായിരുന്നു. എന്നാല് കഴിഞ്ഞ നാലു വര്ഷത്തിനിടെ 19 സെഞ്ചുറികളാണ് റൂട്ട് അടിച്ചുകൂട്ടിയത്.
അതുകൊണ്ട് തന്നെ മികച്ച താരമാരാണെന്ന് ഇംഗ്ലീഷുകാരോട് ചോദിച്ചാല് റൂട്ട് എന്നും ന്യസിലന്ഡുകാരോട് ചോദിച്ചാല് വില്യംസണെന്നും ഓസ്ട്രേലിയക്കാരോട് ചോദിച്ചാല് സ്മിത്തെന്നുമാകും ഉത്തരം. എന്നാല് സ്റ്റീവ് സ്മിത്തിന്റെ കണക്കുകള് മാത്രം നോക്കിയാല് അവന് തന്നെയാണ് മികച്ച താരമെന്ന് വ്യക്തമാവുമെന്നും പോണ്ടിംഗ് പറഞ്ഞു.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!