'ചെക്കന് എന്ത് സര് ജഡേജ', രാജസ്ഥാന് പരിശീലന ക്യാംപില് രവീന്ദ്ര ജഡേജയെ തൂക്കിയടിച്ച് വൈഭവ്-വീഡിയോ
Synopsis
പരിശീലനത്തിനിടെ ജഡേജയുടെ പന്തുകളെ യാതൊരു ഭയവുമില്ലാതെയാണ് വൈഭവ് നേരിടുന്നത്. ജഡേജയുടെ പരിചയസമ്പത്തിനെപോലും വെല്ലുവിളിച്ച് മൈതാനത്തിന്റെ എല്ലാ ഭാഗങ്ങളിലേക്കും വൈഭവ് പന്ത് പായിച്ചു.
ജയ്പൂർ: ഐപിഎല്ലിന് മുന്നോടിയായി രാജസ്ഥാന് റോയല്സ് പരിശീലന ക്യാമ്പിൽ വൈഭവിന്റെ താണ്ഡവം. രാജസ്ഥാൻ റോയൽസിന്റെ നെറ്റ്സ് പരിശീലനത്തിനിടെ പതിനാലുകാരന് വൈഭവ് സൂര്യവംശി, ഇന്ത്യയുടെ ഓൾറൗണ്ട് ഇതിഹാസമായ രവീന്ദ്ര ജഡേജയെ തൂക്കിയടിക്കുന്ന വീഡിയോയാണ് ആരാധകർക്കിടയില് വൈറലായത്.
പരിശീലനത്തിനിടെ ജഡേജയുടെ പന്തുകളെ യാതൊരു ഭയവുമില്ലാതെയാണ് വൈഭവ് നേരിടുന്നത്. ജഡേജയുടെ പരിചയസമ്പത്തിനെപോലും വെല്ലുവിളിച്ച് മൈതാനത്തിന്റെ എല്ലാ ഭാഗങ്ങളിലേക്കും വൈഭവ് പന്ത് പായിച്ചു. യുവതാരത്തിന്റെ കടന്നാക്രമണത്തിൽ അമ്പരന്നു നില്ക്കുന്ന ജഡേജയെയും വീഡിയോയിൽ കാണാം.അവിശ്വസനീയതയോടെ വൈഭവിനെ നോക്കുന്ന ജഡേജയുടെ റിയാക്ഷൻ ഇതിനോടകം ട്രോളുകളിലും ഇടംപിടിച്ചു കഴിഞ്ഞു.
ഐപിഎൽ ചരിത്രത്തിലെ ഏറ്റവും പ്രായം കുറഞ്ഞ താരമായ വൈഭവ്, പരിശീലനത്തിൽ ജഡേജയെപ്പോലൊരു ഇതിഹാസത്തെ നേരിട്ട രീതി രാജസ്ഥാൻ റോയൽസ് ആരാധകർക്ക് വലിയ പ്രതീക്ഷ നൽകുന്നുണ്ട്. ഐപിഎൽ ചരിത്രത്തിലെ തന്നെ ഏറ്റവും വലിയ ട്രേഡുകളിലൊന്നിൽ സഞ്ജു സാംസണെ ചെന്നൈ സൂപ്പര് കിഗ്സിന് വിട്ടുകൊടുത്താണ് രാജസ്ഥാന് റോയല്സ് ചെന്നൈയുടെ എക്കാലത്തെയും വിശ്വസ്തനായ രവീന്ദ്ര ജഡേജയെയും സാം കറനെയും ടീമിലെത്തിച്ചത്.
ജഡേജക്ക് ക്യാപ്റ്റൻ സ്ഥാനം നല്കുമെന്ന് റിപ്പോര്ട്ടുണ്ടായിരുന്നെങ്കിലും റിയാന് പരാഗിനെയാണ് സഞ്ജുവിന്റെ പിന്ഗാമിയാി രാജസ്ഥാന് തെരഞ്ഞെടുത്തത്. മാർച്ച് 28-ന് ആരംഭിക്കുന്ന ഐപിഎല്ലില് 30ന് ഗുവാഹത്തിയില് സഞ്ജുവിന്റെ പഴയ ടീമായ രാജസ്ഥാൻ റോയൽസിനെതിരെ തന്നെയാണ് ചെന്നൈയുടെ ആദ്യ പോരാട്ടം.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!