ഹസ്തദാനമില്ല, ഇന്ത്യക്കെതിരെ നിര്ണായക ടോസ് ജയിച്ച് പാകിസ്ഥാൻ, സഞ്ജു പുറത്ത്, അഭിഷേക് തിരിച്ചെത്തി, ടീമില് 2 മാറ്റം
Synopsis
ടോസ് സമയത്ത് പാകിസ്ഥാന് നായകന് സല്മാന് ആഗയുമായി ഇന്ത്യൻ ക്യാപ്റ്റൻ സൂര്യകുമാര് യാദവ് ഹസ്തദാനം ചെയ്തില്ല. ഏഷ്യാ കപ്പിലും ഇന്ത്യ-പാക് നായകന്മാരും കളിക്കാരും തമ്മില് പരസ്പരം ഹസ്തദാനം ചെയ്തിരുന്നില്ല.
കൊളംബോ: ടി20 ലോകകപ്പിലെ നിര്ണായക പോരാട്ടത്തില് ഇന്ത്യക്കെതിരെ ടോസ് നേടിയ പാകിസ്ഥാൻ ഫീല്ഡിംഗ് തെരഞ്ഞെടുത്തു. നമീബിയക്കെതിരെ കഴിഞ്ഞ മത്സരം കളിച്ച ടീമില് രണ്ട് മാറ്റങ്ങളുമായാണ് ഇന്ത്യ ഇന്നിറങ്ങുന്നത്. അസുഖം മൂലം കഴിഞ്ഞ മത്സരത്തില് കളിക്കാതിരുന്ന അഭിഷേക് ശര്മ ഓപ്പണറായി പ്ലേയിംഗ് ഇലവനില് തിരിച്ചെത്തിയപ്പോള് മലയാളി താരം സഞ്ജു സാംസണ് പുറത്തായി.
പേസര് അര്ഷ്ദീപ് സിംഗിന് പകരം സ്പിന്നര് കുല്ദീപ് യാദവും ഇന്ത്യയുടെ പ്ലേയിംഗ് ഇലവനിലെത്തി. അമേരിക്കക്കെതിരെ കഴിഞ്ഞ മത്സരം കളിച്ച ടീമില് പാകിസ്ഥാൻ മാറ്റങ്ങളൊന്നും വരുത്തിയില്ല. ടോസ് സമയത്ത് പാകിസ്ഥാന് നായകന് സല്മാന് ആഗയുമായി ഇന്ത്യൻ ക്യാപ്റ്റൻ സൂര്യകുമാര് യാദവ് ഹസ്തദാനം ചെയ്തില്ല. ഏഷ്യാ കപ്പിലും ഇന്ത്യ-പാക് നായകന്മാരും കളിക്കാരും തമ്മില് പരസ്പരം ഹസ്തദാനം ചെയ്തിരുന്നില്ല.
പാകിസ്ഥാൻ പ്ലേയിംഗ് ഇലവൻ: സൽമാൻ ആഗ (ക്യാപ്റ്റൻ), ബാബർ അസം, മുഹമ്മദ് നവാസ്, ഉസ്മാൻ ഖാൻ, ഷദാബ് ഖാൻ, ഫഹീം അഷ്റഫ്, ഷഹീൻ അഫ്രീദി, അബ്രാർ അഹമ്മദ്, ഉസ്മാൻ താരിഖ്.
ഇന്ത്യ പ്ലേയിംഗ് ഇലവൻ: അഭിഷേക് ശർമ്മ, ഇഷാൻ കിഷൻ, തിലക് വർമ്മ, സൂര്യകുമാർ യാദവ് (ക്യാപ്റ്റൻ), ഹാർദിക് പാണ്ഡ്യ, ശിവം ദുബെ, റിങ്കു സിംഗ്, അക്സർ പട്ടേൽ, വരുൺ ചക്രവർത്തി, ജസ്പ്രീത് ബുമ്ര, കുല്ദീപ് യാദവ്.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!