ന്യൂസിലന്ഡിന്റെ പാകിസ്ഥാന് പര്യടനം; ഏകദിന- ടി20 പരമ്പരയ്ക്ക് കാണികളെ പ്രവേശിപ്പിക്കും
Synopsis
മൂന്ന് വീതം ഏകദിനങ്ങളും ടി20 മത്സരങ്ങളുമാണ് ന്യൂസിലന്ഡ് പാകിസ്ഥാനില് കളിക്കുക. റാവല്പിണ്ടിയില് 17, 19, 21 തിയ്യതികളിലാണ് ടി20 മത്സരങ്ങള്.
ഇസ്ലാമാബാദ്: ന്യൂസിലന്ഡിനെതിരെ നാട്ടില് നടക്കുന്ന ടി20- ഏകദിന പരമ്പരയ്ക്ക് കാണികളെ അനുവദിക്കാന് പാകിസ്ഥാന് ക്രിക്കറ്റ് ബോര്ഡിന്റെ തീരുമാനം. സ്റ്റേഡിയം കപ്പാസിറ്റിയുടെ 25 ശതമാനം കാണികളെയാണ് അനുവദുക്കുക.
മൂന്ന് വീതം ഏകദിനങ്ങളും ടി20 മത്സരങ്ങളുമാണ് ന്യൂസിലന്ഡ് പാകിസ്ഥാനില് കളിക്കുക. റാവല്പിണ്ടിയില് 17, 19, 21 തിയ്യതികളിലാണ് ടി20 മത്സരങ്ങള്. സെപ്റ്റംബര് 25 മുതല് ഒക്ടോബര് മൂന്ന് വരെ ലാഹോറിലാണ് ഏകദിന മത്സരങ്ങള്.
ഏകദിന പരമ്പരയ്ക്ക് 4500 കാണികളെയാണ് അനുവദിക്കുക. ടി20 മത്സരങ്ങള്ക്ക് 5,500 പേരേയും പ്രവേശിപ്പിക്കും. വാക്സിനേഷന് എടുത്തവര്ക്ക് മാത്രമാണ് സ്റ്റേഡിയത്തിലേക്ക് പ്രവേശനം.
ബംഗ്ലാദേശ് പര്യടനം പൂര്ത്തിയാക്കിയ ശേഷമാണ് ന്യൂസിലന്ഡ് പാകിസ്ഥാനിലേക്ക് യാത്ര തിരിക്കുക. അഞ്ച് ടി20 മത്സരങ്ങളാണ് ന്യൂസിലന്ഡ് ബംഗ്ലാദേശിനെതിരെ കളിക്കുക.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!