കോലിയും രോഹിത്തും ഉള്പ്പെടുന്ന എലൈറ്റ് പട്ടികയില് സഞ്ജു സാംസണ്; ടി20 8000 റണ്സ് പൂര്ത്തിയാക്കുന്ന ആറാം താരം
Synopsis
അന്താരാഷ്ട്ര ടി20യില് 1000 റണ്സ് പൂര്ത്തിയാക്കിയ സഞ്ജു സാംസണ്, ടി20 കരിയറില് 8000 റണ്സെന്ന നാഴികക്കല്ലും പിന്നിട്ടു.
അഹമ്മദാബാദ്: അന്താരാഷ്ട്ര ടി20യില് 1000 റണ്സ് പൂര്ത്തിയാക്കി സഞ്ജു സാംസണ്. ദക്ഷിണാഫ്രിക്കയ്ക്കെതിരെ അഞ്ചാം ടി20യില് അഞ്ച് റണ്സ് നേടിയപ്പോള് തന്നെ സഞ്ജു നാഴികക്കല്ല് പിന്നിട്ടു. 44 ഇന്നിംഗ്സില് നിന്നാണ് സഞ്ജുവിന്റെ നേട്ടം. ടി20യില് 8000 റണ്സ് നേടുന്ന ആറാമത്തെ ഇന്ത്യന് താരമാകാനും സഞ്ജുവിന് സാധിച്ചു. മുന് ക്യാപ്റ്റന്മാരായ വിരാട് കോലി, രോഹിത് ശര്മ, മുന് താരം ശിഖര് ധവാന്, ഇപ്പോഴത്തെ ക്യാപ്റ്റന് സൂര്യകുമാര് യാദവ്, കെ എല് രാഹുല് എന്നിവരാണ് നേട്ടം സ്വന്തമാക്കിയ മറ്റുതാരങ്ങള്.
അതേസമയം, അഹമ്മദാബാദില് ഇന്ത്യക്ക് മികച്ച തുടക്കം ലഭിച്ചു. നരേന്ദ്ര മോദി സ്റ്റേഡിയത്തില് ഒടുവില് വിവരം ലഭിക്കുമ്പോള് ഇന്ത്യ എട്ട് ഓവറില് ഒരു വിക്കറ്റ് നഷ്ടത്തില് 85 റണ്സെടുത്തിട്ടുണ്ട്. സഞ്ജു സാംസണ് (19 പന്തില് 35), തിലക് വര്മ (8 പന്തില് 12) എന്നിവരാണ് ക്രീസില്. അഭിഷേക് ശര്മയുടെ (21 പന്തില് 34) വിക്കറ്റാണ് ഇന്ത്യക്ക് നഷ്ടമായത്. പരിക്കേറ്റ ശുഭ്മാന് ഗില്ലിന് പകരം ടീമിലെത്തിയ സഞ്ജു അവസരം മുതലാക്കുന്ന കാഴ്ച്ചയാണ് അഹമ്മദാബാദില് കണ്ടത്. ഇതുവരെ രണ്ട് സിക്സും നാല് ഫോറും നേടാന് സഞ്ജുവിന് സാധിച്ചു.
അഭിഷേക് ഒരു സിക്സും ആറ് ഫോറുമാണ് നേടിയത്. സഞ്ജുവിനൊപ്പം 63 റണ്സ് ചേര്ത്ത ശേഷമാണ് അഭിഷേക് മടങ്ങിയത്. കോര്ബിന് ബോഷിന്റെ പന്തില് വിക്കറ്റ് കീപ്പര് ക്വിന്റണ് ഡി കോക്കിന് ക്യാച്ച്. നേരത്തെ, ടോസ് നേടിയ ദക്ഷിണാഫ്രിക്കന് ക്യാപ്റ്റന് എയ്ഡന് മാര്ക്രം ഇന്ത്യയെ ബാറ്റിംഗിന് അയക്കുകയായിരുന്നു. ഇരു ടീമുകകളുടേയും പ്ലേയിംഗ് ഇലവന് അറിയാം.
ദക്ഷിണാഫ്രിക്ക: ക്വിന്റണ് ഡി കോക്ക് (വിക്കറ്റ് കീപ്പര്), റീസ ഹെന്ഡ്രിക്സ്, ഐഡന് മാര്ക്രം (ക്യാപ്റ്റന്), ഡിവാള്ഡ് ്രേബവിസ്, ഡേവിഡ് മില്ലര്, ഡൊനോവന് ഫെരേര, ജോര്ജ് ലിന്ഡെ, മാര്ക്കോ ജാന്സെന്, കോര്ബിന് ബോഷ്, ലുങ്കി എന്ഗിഡി, ഒട്ട്നീല് ബാര്ട്ട്മാന്.
ഇന്ത്യ: അഭിഷേക് ശര്മ, സഞ്ജു സാംസണ്, തിലക് വര്മ, സൂര്യകുമാര് യാദവ് (ക്യാപ്റ്റന്), ഹാര്ദിക് പാണ്ഡ്യ, ശിവം ദുബെ, ജിതേഷ് ശര്മ (വിക്കറ്റ് കീപ്പര്), വാഷിംഗ്ടണ് സുന്ദര്, വരുണ് ചക്രവര്ത്തി, ജസ്പ്രീത് ബുമ്ര, അര്ഷ്ദീപ് സിംഗ്.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!