രണ്ടക്കം കണ്ടില്ല, തുടര്ച്ചയായ രണ്ടാം മത്സരത്തിലും നിരാശപ്പെടുത്തി സഞ്ജു; പഞ്ചാബിനെതിരെ ചെന്നൈക്ക് ആദ്യ വിക്കറ്റ് നഷ്ടം
Synopsis
ഐപിഎല്ലില് പഞ്ചാബ് കിംഗ്സിനെതിരായ മത്സരത്തില് ചെന്നൈ സൂപ്പര് കിംഗ്സിനായി കളിക്കുന്ന സഞ്ജു സാംസൺ തുടര്ച്ചയായ രണ്ടാം മത്സരത്തിലും പരാജയപ്പെട്ടു.
ചെന്നൈ: ഐപിഎല്ലില് ചെന്നൈ സൂപ്പര് കിംഗ്സിനായുള്ള തുടര്ച്ചയായ രണ്ടാം മത്സരത്തിലും നിരാശപ്പെടുത്തി സഞ്ജു സഞ്ജു. ചെപ്പോക്കില് പഞ്ചാബ് കിംഗ്സിനെതിരായ മത്സരത്തില് ഏഴ് പന്തില് ഏഴ് റണ്സെടുത്താണ് സഞ്ജു മടങ്ങിയത്. സേവ്യര് ബാര്ട്ട്ലെറ്റിന്റെ പന്തില് വിക്കറ്റ് കീപ്പര് പ്രഭ്സിമ്രാന് സിംഗിന് ക്യാച്ച് നല്കിയാണ് സഞ്ജു പുറത്തായത്. ആദ്യ മത്സരത്തില് രാജസ്ഥാന് റോയല്സിനെതിരെ ആറ് റണ്സ് മാത്രമായിരുന്നു ചെന്നൈ വിക്കറ്റ് കീപ്പറുടെ സമ്പാദ്യം.
രണ്ടാം മത്സരത്തിലും ടോസ് നഷ്ടപ്പെട്ട് ബാറ്റിംഗിനെത്തിയ ചെന്നൈ ഒടുവില് വിവരം ലഭിക്കുമ്പോല് നാല് ഓവറില് ഒരു വിക്കറ്റ് നഷ്ടത്തില് 39 റണ്സെന്ന നിലയിലാണ്. ക്യാപ്റ്റന് റുതുരാജ് ഗെയ്കവാദ് (12), ആയുഷ് മാത്രെ (12) എന്നിവരാണ് ക്രീസില്. കളിച്ച ആദ്യ മത്സരം തോറ്റാണ് ചെന്നൈ ഇറങ്ങുന്നത്. രാജസ്ഥാന് റോയല്സിനോടാണ് പരാജയപ്പെട്ടത്. പഞ്ചാബ്, ആദ്യ മത്സരത്തില് ഗുജറാത്ത് ടൈറ്റന്സിനെ പരാജയപ്പെടുത്തിയിരുന്നു. ചെന്നൈയില് സിഎസ്കെയുടെ ആദ്യ മത്സരമാണിത്. ഇരു ടീമുകളുടേയും പ്ലേയിംഗ് ഇലവന് അറിയാം.
പഞ്ചാബ് കിംഗ്സ്: പ്രഭ്സിമ്രാന് സിംഗ് (വിക്കറ്റ് കീപ്പര്), കൂപ്പര് കൊനോലി, ശ്രേയസ് അയ്യര് (ക്യാപ്റ്റന്), ശശാങ്ക് സിംഗ്, നെഹാല് വധേര, മാര്ക്കസ് സ്റ്റോയിനിസ്, മാര്ക്കോ ജാന്സെന്, സേവ്യര് ബാര്ട്ട്ലെറ്റ്, വിജയ്കുമാര് വൈശാഖ്, അര്ഷ്ദീപ് സിംഗ്, യുസ്വേന്ദ്ര ചാഹല്.
ചെന്നൈ സൂപ്പര് കിംഗ്സ്: സഞ്ജു സാംസണ് (വിക്കറ്റ് കീപ്പര്), റുതുരാജ് ഗെയ്ക്വാദ് (ക്യാപ്റ്റന്), ആയുഷ് മാത്രെ, സര്ഫറാസ് ഖാന്, ശിവം ദുബെ, കാര്ത്തിക് ശര്മ, പ്രശാന്ത് വീര്, നൂര് അഹമ്മദ്, അന്ഷുല് കാംബോജ്, മാറ്റ് ഹെന്റി, ഖലീല് അഹമ്മദ്.
ചരിത്രം പരിശോധിച്ചാല് ചെന്നൈയാണ് മുന്നിലെങ്കിലും, സമീപകാലത്തെ പ്രകടനങ്ങള് പഞ്ചാബ് കിംഗ്സിന് മുന്തൂക്കം നല്കുന്നു.പരസ്പരമുള്ള പോരില് ഇരു ടീമുകളും 16 ജയം വീതം നേടി തുല്യത പാലിക്കുന്നുണ്ടെങ്കിലും, അവസാന ഏഴ് മത്സരങ്ങളില് ആറിലും വിജയം പഞ്ചാബിനൊപ്പമായിരുന്നു.ചേപ്പോക്കിലെ ചെന്നൈയുടെ 'കോട്ട'യില് തുടര്ച്ചയായ നാലാം വിജയം ലക്ഷ്യമിട്ടാണ് പഞ്ചാബ് ഇറങ്ങുന്നത്. 2023, 2024, 2025 സീസണുകളില് ചെന്നൈയില് വെച്ച് ചെന്നൈയെ തോല്പ്പിച്ച ഏക ടീമെന്ന റെക്കോര്ഡും പഞ്ചാബിനുണ്ട്.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!