സഞ്ജു മൂന്ന് സിക്സടിച്ച് തുടങ്ങി, പിന്നാലെ വിക്കറ്റ് വലിച്ചെറിഞ്ഞു; നമീബിയക്കെതിരെ ഇന്ത്യക്ക് മികച്ച തുടക്കം
Synopsis
ടി20 ലോകകപ്പില് നമീബിയക്കെതിരെ ഓപ്പണറായി ഇറങ്ങിയ സഞ്ജു സാംസണ് വെടിക്കെട്ട് തുടക്കമാണ് ഇന്ത്യക്ക് നല്കിയത്.
ദില്ലി: ടി20 ലോകകപ്പില് നമീബിയക്കെതിരെ എട്ട് പന്തില് 22 റണ്സെടുത്ത് സഞ്ജു സാംസണ് പുറത്ത്. ഇന്നിംഗ്സ് ഓപ്പണ് ചെയ്ത സഞ്ജു മൂന്ന് സിക്സും ഒരു ഫോറും നേടി ആത്മവിശ്വാസത്തിലായിരുന്നു. എന്നാല് അനാവശ്യ ഷോട്ട് സഞ്ജുവിനെ പവലിയനില് തിരിച്ചെത്തിച്ചു. രണ്ടാം ഓവറില് ബെന് ഷികോംഗോയുടെ പന്ത് ചിപ്പ് ചെയ്ത സഞ്ജു ഡീപ്പ് മിഡ് വിക്കറ്റില് ക്യാച്ച് നല്കി. ദില്ലി, അരുണ് ജെയ്റ്റ്ലി സ്റ്റേഡിയത്തില് ടോസ് നഷ്ടപ്പെട്ട് ബാറ്റിംഗിനെത്തിയ ഇന്ത്യ ഒടുവില് വിവരം ലഭിക്കുമ്പോള് 5 ഓവറില് ഒന്നിന് 58 എന്ന നിലയിലാണ്. ഇഷാന് കിഷന് (22), തിലക് വര്മ (13) എന്നിവരാണ് ക്രീസില്.
മത്സരത്തില് ടോസ് നേടിയ നമീബിയ ക്യാപ്റ്റന് ഇന്ത്യയെ ബാറ്റിംഗിന് അയക്കുകയായിരുന്നു. അഭിഷേക് ശര്മയുടെ അഭാവത്തിലാണ് സഞ്ജു ഓപ്പണറുടെ റോളില് തിരിച്ചെത്തിയത്. ജസ്പ്രിത് ബുമ്രയും ടീമില് തിരിച്ചെത്തി. മുഹമ്മദ് സിറാജാണ് പുറത്തായത്. അതേസമയം, പരിക്ക് മാറി ടീമില് തിരിച്ചെത്തിയ വാഷിംഗ്ടണ് സുന്ദര് കാത്തിരിക്കണം.
ഇന്ത്യയും നമീബിയയും ഇതിന് മുന്പ് നേര്ക്കുനേര് വന്നത് ഒരിക്കല് മാത്രം. 2021ലെ ടി20 ലോകകപ്പില് ഇന്ത്യ ഒന്പത് വിക്കറ്റിന് നമീബിയയെ തകര്ത്തു. ഇരൂ ടീമുകളുടേയും പ്ലേയിംഗ് ഇലവന് അറിയാം.
ഇന്ത്യ: സഞ്ജു സാംസണ്, ഇഷാന് കിഷന് (വിക്കറ്റ് കീപ്പര്), തിലക് വര്മ്മ, സൂര്യകുമാര് യാദവ് (ക്യാപ്റ്റന്), ഹാര്ദിക് പാണ്ഡ്യ, ശിവം ദുബെ, റിങ്കു സിംഗ്, അക്സര് പട്ടേല്, അര്ഷ്ദീപ് സിംഗ്, വരുണ് ചക്രവര്ത്തി, ജസ്പ്രീത് ബുമ്ര.
നമീബിയ: ലോറന് സ്റ്റീന്കാംപ്, ജാന് ഫ്രൈലിങ്ക്, ജാന് നിക്കോള് ലോഫ്റ്റി-ഈറ്റണ്, ഗെര്ഹാര്ഡ് ഇറാസ്മസ്(സി), ജെജെ സ്മിറ്റ്, മലാന് ക്രൂഗര്, സെയ്ന് ഗ്രീന്(ഡബ്ല്യു), റൂബന് ട്രമ്പല്മാന്, ബെര്ണാഡ് ഷോള്ട്സ്, ബെന് ഷികോംഗോ, മാക്സ് ഹിംഗോ.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!