ഇന്ത്യക്കെതിരെ മൂന്നാം വനിതാ ടി20യിലും ശ്രീലങ്കയ്ക്ക് ബാറ്റിംഗ് തകര്ച്ച; രേണുക സിംഗിന് രണ്ട് വിക്കറ്റ്
Synopsis
ഇന്ത്യക്കെതിരായ മൂന്നാം വനിതാ ടി20യില് ശ്രീലങ്കയ്ക്ക് ബാറ്റിംഗ് തകര്ച്ച. ഏഴ് ഓവറില് 34 റണ്സെടുക്കുന്നതിനിടെ ലങ്കയ്ക്ക് മൂന്ന് വിക്കറ്റുകള് നഷ്ടമായി.
തിരുവനന്തപുരം: ഇന്ത്യക്കെതിരായ മൂന്നാം വനിതാ ടി20യില് ശ്രീലങ്കയ്ക്ക് ബാറ്റിംഗ് തകര്ച്ച. തിരുവനന്തപുരം ഗ്രീന്ഫീല്ഡ് സ്റ്റേഡിയത്തില് ടോസ് നഷ്ടപ്പെട്ട് ബാറ്റിംഗിനെത്തിയ ശ്രീലങ്ക ഒടുവില് വിവരം ലഭിക്കുമ്പോല് ഏഴ് ഓവറില് മൂന്നിന് 34 റണ്സെന്ന നിലയിലാണ്. ഇമേഷ ദുലനി (1), നിലാഷിക സില്വ (1) എന്നിവരാണ് ക്രീസില്. ഇന്ത്യക്ക് വേണ്ടി രേണുക സിംഗ് രണ്ടും ദീപ്തി ശര്മ ഒരു വിക്കറ്റും വീഴ്ത്തി. രണ്ട് മാറ്റങ്ങളുമായിട്ടാണ് ഇന്ത്യ ഇറങ്ങിയത്. സ്നേഹ് റാണ, അരുന്ധതി റെഡ്ഡി എന്നിവര്ക്ക് വിശ്രമം നല്കി. ദീപ്തി ശര്മ, രേണുക സിംഗ് എന്നിവരാണ് പകരക്കാര്.
അഞ്ചാം ഓവറിലാണ് ലങ്കയ്ക്ക് ആദ്യ വിക്കറ്റ് നഷ്ടമാകുന്നത്. ലങ്കന് ക്യാപ്റ്റന് ചമാരി അത്തപ്പത്തുവിനെ ദീപ്തി പുറത്താക്കുകയായിരുന്നു. ഹര്മന്പ്രീത് കൗറിന് ക്യാച്ച്. പവര് പ്ലേയുടെ അവസാന ഓവറില് രേണുക രണ്ട് വിക്കറ്റുകള് നേടി. ഹര്ഷിത സമരവിക്രമ (2), ഹസിനി പെരേര (25) എന്നിവരെയാണ് രേണുക പുറത്താക്കിയത്. അഞ്ച് മത്സരങ്ങളുടെ പരമ്പരയില് ഇന്ത്യ 2-0ത്തിന് മുന്നിലാണ്. ഇന്ന് ജയിച്ചാല് പരമ്പര സ്വന്തമാക്കാം. ഇരു ടീമുകളുടേയും പ്ലേയിംഗ് ഇലവന് അറിയാം.
ഇന്ത്യ: സ്മൃതി മന്ദാന, ഷഫാലി വര്മ, ജമീമ റോഡ്രിഗസ്, ഹര്മന്പ്രീത് കൗര് (ക്യാപ്റ്റന്), റിച്ച ഘോഷ് (വിക്കറ്റ് കീപ്പര്), ദീപ്തി ശര്മ, അമന്ജോത് കൗര്, വൈഷ്ണവി ശര്മ, ക്രാന്തി ഗൗദ്, രേണുക സിംഗ് താക്കൂര്, ശ്രീ ചരണി.
ശ്രീലങ്ക: ചമാരി അത്തപ്പത്തു (ക്യാപ്റ്റന്), ഹസിനി പെരേര, ഹര്ഷിത സമരവിക്രമ, നിമിഷ മധുഷാനി, കവിഷ ദില്ഹാരി, നീലക്ഷിക സില്വ, ഇമേഷ ദുലാനി, കൗശാനി നുത്യംഗന (വിക്കറ്റ് കീപ്പര്), മല്ഷ ഷെഹാനി, ഇനോക രണവീര, മല്കി മദാര.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!