സെഞ്ചുറിയുമായി പടിക്കല്‍, പൃഥ്വി ഷായും വെങ്കടേഷ് അയ്യരും മിന്നി;അര്‍ജ്ജുന്‍ ടെന്‍ഡുല്‍ക്കര്‍ക്ക് നിരാശ

മധ്യപ്രദേശും രാജസ്ഥാനു തമ്മിലുള്ള പോരാട്ടത്തില്‍ 31 പന്തില്‍ 62 റണ്‍സുമായി ഇന്ത്യന്‍ താരം വെങ്കടേഷ് അയ്യര്‍ തിളങ്ങി. ആദ്യം ബാറ്റ് ചെയ്ത മദ്യപ്രദേശ് 20 ഓവറില്‍ അഞ്ച് വിക്കറ്റ് നഷ്ടത്തില്‍ 173 റണ്‍സടിച്ചപ്പോള്‍ രാജസ്ഥാന്‍ 19.2 ഓവറില്‍ 135 റണ്‍സിന് ഓള്‍ ഔട്ടായി.

മുംബൈ: സയ്യിദ് മുഷ്താഖ് അലി ട്രോഫി ടി20 ടൂര്‍ണമെന്‍റില്‍ യുവതാരങ്ങളുടെ ആറാട്ട്. മിസോറാമിനെതിരെ പൃഥ്വി ഷാ 34 പന്തില്‍ 55 റണ്‍സടിച്ചു തിളങ്ങിയപ്പോള്‍ മുംബൈ ഒമ്പത് വിക്കറ്റ് ജയം നേടി. ആദ്യം ബാറ്റ് ചെയ്ത മിസോറാം 20 ഓവറില്‍ എട്ട് വിക്കറ്റ് നഷ്ടത്തില്‍ 98 റണ്‍സടിച്ചപ്പോള്‍ മുംബൈ 10.3 ഓവറില്‍ ഒരു വിക്കറ്റ് നഷ്ടത്തില്‍ ലക്ഷ്യത്തിലെത്തി.

കരുത്തരുടെ പോരാട്ടത്തില്‍ മഹാരാഷ്ട്രയെ 99 റണ്‍സിന് വീഴ്ത്തി കര്‍ണാടകയും വിജയം ആഘോഷിച്ചു ആദ്യം ബാറ്റ് ചെയ്ത കര്‍ണാടക ഓപ്പണര്‍ ദേവ്ദത്ത് പടിക്കലിന്‍റെ മിന്നും സെഞ്ചുറിയുടെ കരുത്തില്‍ 20 ഓവറില്‍ രണ്ട് വിക്കറ്റ് നഷ്ടത്തില്‍ 215 റണ്‍സെടത്തു. 62 പന്തില്‍ 14 ഫോറും ആറ് സിക്സും പറത്തിയ പടിക്കല്‍ 124 റണ്‍സുമായി പുറത്താകാതെ നിന്നപ്പോള്‍ മനീഷ് പാണ്ഡെ 38 പന്തില്‍ 50 റണ്‍സെടുത്തു. മായങ്ക് അഗര്‍വാള്‍ 17 പന്തില്‍ 28 റണ്‍സെടുത്ത് പുറത്തായി. മറുപടി ബാറ്റിംഗില്‍ മഹാരാഷ്ട്രക്ക് 20 ഓവറില്‍ എട്ട് വിക്കറ്റ് നഷ്ടത്തില്‍ 116 റണ്‍സെടുക്കാനെ കഴിഞ്ഞുള്ളു.

മധ്യപ്രദേശും രാജസ്ഥാനു തമ്മിലുള്ള പോരാട്ടത്തില്‍ 31 പന്തില്‍ 62 റണ്‍സുമായി ഇന്ത്യന്‍ താരം വെങ്കടേഷ് അയ്യര്‍ തിളങ്ങി. ആദ്യം ബാറ്റ് ചെയ്ത മദ്യപ്രദേശ് 20 ഓവറില്‍ അഞ്ച് വിക്കറ്റ് നഷ്ടത്തില്‍ 173 റണ്‍സടിച്ചപ്പോള്‍ രാജസ്ഥാന്‍ 19.2 ഓവറില്‍ 135 റണ്‍സിന് ഓള്‍ ഔട്ടായി.

ഈ സീസണില്‍ ഗോവക്കായി കളിക്കാനിറങ്ങിയ ബാറ്റിംഗ് ഇതിഹാസം സച്ചിന്‍ ടെന്‍ഡുല്‍ക്കറുടെ മകന്‍ അര്‍ജ്ജുന്‍ ടെന്‍ഡുല്‍ക്കര്‍ക്ക് ത്രിപുരക്കെതിരെ വിക്കറ്റ് വീഴ്ത്താനാില്ലെങ്കിലും ഗോവ അഞ്ച് വിക്കറ്റിന് മത്സരം ജയിച്ചു. ആദ്യം ബാറ്റ് ചെയ്ത ത്രിപുര 20 ഓവറില്‍ എട്ട് വിക്കറ്റ് നഷ്ടത്തില്‍ 114 റണ്‍സെടുത്തപ്പോള്‍ മൂന്നോവര്‍ എറിഞ്ഞ അര്‍ജ്ജുന്‍ 20 റണ്‍സ് വഴങ്ങിയെങ്കിലും വിക്കറ്റെടുക്കാനായില്ല. 18.1 ഓവറില്‍ അഞ്ച് വിക്കറ്റ് നഷ്ടത്തില്‍ ഗോവ ലക്ഷ്യത്തിലെത്തി.