കലിപ്പ് തീര്ത്ത് സഞ്ജു! 110 മീറ്ററിന്റെ കൂറ്റന് സിക്സര്; പന്ത് വീണത് ഡ്രസിംഗ് റൂമിന്റെ മേല്ക്കൂരയില്
Synopsis
സിക്സുകളായിരുന്നു സഞ്ജുവിന്റെ ഇന്നിംഗ്സില് കൂടൂതല്. നാല് സിക്സും ഒരു ഫോറും ഉള്പ്പെടുന്നതായിരുന്നു സഞ്ജുവിന്റെ ഇന്നിംഗ്സ്.
ഹരാരെ: സിംബാബ്വെക്കെതിരെ അവസാന ടി20യില് സഞ്ജു സാംസണിന്റെ (45 പന്തില് 58) ഇന്നിംഗ്സാണ് ഇന്ത്യയെ ഭേദപ്പെട്ട സ്കോറിലേക്ക് നയിച്ചത്. ബാറ്റിംഗ് ദുഷ്കരമായ പിച്ചില് ടോസ് നഷ്ടപ്പെട്ട് ബാറ്റിംഗിനെത്തിയ ഇന്ത്യ നിശ്ചിത ഓവറില് ആറ് വിക്കറ്റ് നഷ്ടത്തില് 167 റണ്സാണ് നേടിയത്. സഞ്ജുവിന് പുറമെ ശിവം ദുബെയുടെ (26) ഇന്നിംഗ്സ് കൂടിയാണ് ഇന്ത്യയെ 150 കടത്താന് സഹായിച്ചത്. റിയാന് പരാഗിനൊപ്പം 65 റണ്സിന്റെ കൂട്ടുകെട്ടുണ്ടാക്കാനും സഞ്ജുവിന് സാധിച്ചിരുന്നു.
സിക്സുകളായിരുന്നു സഞ്ജുവിന്റെ ഇന്നിംഗ്സില് കൂടൂതല്. നാല് സിക്സും ഒരു ഫോറും ഉള്പ്പെടുന്നതായിരുന്നു സഞ്ജുവിന്റെ ഇന്നിംഗ്സ്. ഇതില് 110 ദൂരം പാഞ്ഞ കൂറ്റന് സിക്സറും ഉള്പ്പെടും. സിംബാബ്വെ സ്പിന്നര് ബ്രന്ഡന് മവുതക്കെതിരെയാണ് സഞ്ജുവിന്റെ കൂറ്റന് സിക്സര്. ഡ്രസിംഗ് റൂമിന്റെ മേല്ക്കൂരയിലാണ് പന്ത് വന്ന് വീണത്. സിക്സ് വന്നതാവട്ടെ സഞ്ജു ബാറ്റ് ചെയ്യാന് കുറച്ച് ബുദ്ധിമുട്ടുമ്പോഴായിരുന്നു. സഞ്ജു സിക്സര് നേടുന്ന വീഡിയോയാണ് സോഷ്യല് മീഡിയയില് ഇപ്പോള് വൈറലായിരിക്കുന്നത്. പടുകൂറ്റന് സിക്സിന്റെ വീഡിയോ കാണാം...
ഹരാരെ, സ്പോര്ട്സ് ക്ലബില് ടോസ് നഷ്ടപ്പെട്ട് ബാറ്റിംഗിനെത്തിയ ഇന്ത്യക്ക് 40 റണ്സിന് മൂന്ന് മുന്നിര താരങ്ങളെ ഇന്ത്യക്ക് നഷ്ടമായി. യശസ്വി ജയ്സ്വാള് (12), അഭിഷേക് ശര്മ (14), ശുഭ്മാന് ഗില് (13) എന്നിവരാണ് മടങ്ങിയത്. തുടര്ന്ന് ക്രീസില് ഒന്നിച്ച റിയാന് പരാഗ് (24 പന്തില് 22) - സഞ്ജു സഖ്യം 65 റണ്സ് കൂട്ടിചേര്ത്തു. 15-ാം ഓവറില് കൂട്ടുകെട്ട് പൊളിഞ്ഞു. 18-ാം ഓവറിലാണ് സഞ്ജു പുറത്താവുന്നത്. ടി20 കരിയറിലെ രണ്ടാം അര്ധ സെഞ്ചുറിയാണ് സഞ്ജു നേടുന്നത്. ആദ്യത്തേത് അയര്ലന്ഡിനെതിരെയായിരുന്നു.
പരമ്പര ഇതിനോടകം ഇന്ത്യ നേടി കഴിഞ്ഞിരുന്നു. 3-1ന് മുന്നിലാണ് ഇന്ത്യ. പരമ്പര നേടിയതിനാല് വ്യാപകമായ മാറ്റം പ്രതീക്ഷിച്ചിരുന്നുവെങ്കിലും രണ്ട് മാറ്റങ്ങള് മാത്രമാണ് വരുത്തിയത്.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!