'ഇത് നിങ്ങളുടെ വീട്ടുമുറ്റമല്ല'; ആന്ഡേഴ്സണിനോട് കയര്ത്ത് കോലി -വീഡിയോ
Synopsis
17-ാം ഓവറില് ആന്ഡേഴ്സണിന്റെ പന്ത് പൂജാര ക്രീസില് മുട്ടിയിട്ടു. തിരിച്ച് വീണ്ടും പന്തെറിയാന് നടക്കുന്നതിനിടെ ആന്ഡേഴ്സണ് കോലിയോട് എന്തോ പറയുന്നുണ്ട്.
ലണ്ടന്: ലോര്ഡ്സ് ടെസ്റ്റിനിടെ വാക്കുതര്ക്കത്തില് ഏര്പ്പെട്ട് ഇന്ത്യന് ക്യാപ്റ്റന് വിരാട് കോലിയും ഇംഗ്ലണ്ടിന്റെ വെറ്ററന് ബൗളര് ജയിംസ് ആന്ഡേഴ്സണും. ഇന്ത്യയുടെ രണ്ടാം ഇന്നിംഗ്സില് ചേതേശ്വര് പൂജാരയും കോലിയും ക്രീസില് നില്ക്കുമ്പോഴായിരുന്നു സംഭവം.
17-ാം ഓവറില് ആന്ഡേഴ്സണിന്റെ പന്ത് പൂജാര ക്രീസില് മുട്ടിയിട്ടു. തിരിച്ച് വീണ്ടും പന്തെറിയാന് നടക്കുന്നതിനിടെ ആന്ഡേഴ്സണ് കോലിയോട് എന്തോ പറയുന്നുണ്ട്. അതിനുള്ള മറുപടിയായി കോലി പറയുന്നതിങ്ങനെ... ''നിങ്ങളെന്നോട് തര്ക്കിക്കാന് മാത്രം, ഇത് നിങ്ങളുടെ നാശംപിടിച്ച വീട്ടുമുറ്റമല്ല.'' കോലി മറുപടിയായി പറഞ്ഞു.
പിന്നീട് അഞ്ചാം പന്തെറിഞ്ഞശേഷവും വീണ്ടും കോലി ആന്ഡേഴ്സണിനോട് വാക്കുതര്ക്കത്തിലേര്പ്പെട്ടു. ''പ്രായമായ ആളുകളെ പോലെ നിങ്ങളിങ്ങനെ കലപില കലപില പറഞ്ഞുകൊണ്ടിരിക്കും.'' കോലി പറഞ്ഞത് സ്റ്റംപ് മൈക്കില് കേള്ക്കാമായിരുന്നു. വീഡിയോ കാണാം...
അധികം വൈകാതെ കോലി സാം കറന്റെ പന്തില് വിക്കറ്റ് കീപ്പര് ജോസ് ബട്ലര്ക്ക് ക്യാച്ച് നല്കി മടങ്ങി. ഓഫ് സ്റ്റംപിന് പുറത്തുപോയ പന്തില് ഇന്ത്യന് ക്യാപ്റ്റന് ബാറ്റ് വെക്കുകയായിരുന്നു. 20 റണ്സായിരുന്നു താരത്തിന്റെ സമ്പാദ്യം.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!