
വെല്ലിംഗ്ടൺ: ലോക ടെസ്റ്റ് ചാമ്പ്യൻഷിപ്പ് കിരീടം സ്വന്തമാക്കി ന്യൂസിലൻഡ് ക്രിക്കറ്റ് ടീം രാജ്യത്ത് തിരിച്ചെത്തിയപ്പോഴുള്ള അനുഭവം പങ്കുവെച്ച് കിവീസ് പേസർ നീൽ വാഗ്നർ. വിമാനത്താവളത്തിൽ ഇറങ്ങിയതിന് പിന്നാലെ പാസ്പോർട്ട് പിടിച്ചുവെച്ച കസ്റ്റംസ് ഉദ്യോഗസ്ഥർ ആദ്യം ചോദിച്ചത് ടെസ്റ്റ് മേസ്(ഗദ) എവിടെയാണെന്നായിരുന്നുവെന്ന് വാഗ്നർ പറഞ്ഞു. കസ്റ്റംസുകാരിൽ നിന്നും ഇത്രയും മികച്ച സ്വീകരണം ജീവിതത്തിൽ ഇതുവരെ ലഭിച്ചിട്ടില്ലെന്നും വാഗ്നർ ക്രിക്ക് ഇൻഫോയോട് പറഞ്ഞു.
വിമാനത്താവളത്തിൽ ഇറങ്ങിയപാടെ കസ്റ്റംസുകാർ ഞങ്ങളെയെല്ലാം അഭിനന്ദിച്ചു. പിന്നീട് പാസ്പോർട്ടുകൾ വാങ്ങിയശേഷം എല്ലാവർക്കും അറിയേണ്ടത് ടെസ്റ്റ് മേസ് എവിടെയാണെന്നായിരുന്നു. ഒടുവിലത് കണ്ടപ്പോൾ അവരുടെ മുഖത്ത് ചിരി വിടർന്നു. ലോക ടെസ്റ്റ് ചാമ്പ്യൻഷിപ്പ് കിരീടം ഞങ്ങളുടെ രാജ്യത്തുള്ളരെ സംബന്ധിച്ച് എത്രമാത്രം പ്രധാനനമാണെന്നതിന്റെ തെളിവായിരുന്നു അത്.
എല്ലാവരുടെയും മുഖത്ത് ചിരിവിടർത്താനായതിൽ ഞങ്ങൾക്കെല്ലാം അഭിമാനമുണ്ട്. എന്തുമാത്രം ആവേശത്തോടെയാണെന്നോ ആളുകൾ ഞങ്ങളെ സ്വീകരിച്ച് ടീം ബസിലേക്ക് കയറ്റിവിട്ടത്. ചുറ്റും ക്യാമറകളും ആരാധകരും എല്ലാമുണ്ടായിരുന്നു. തീർച്ചയായും ഇത് ഞങ്ങളെ സംബന്ധിച്ചിടത്തോളം വിലമതിക്കാനാവാത്ത കിരീടമാണ്-വാഗ്നർ പറഞ്ഞു.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!