വിവാഹം കഴിക്കണമെങ്കില്‍ സഹോദരിയുടെ നഗ്ന ചിത്രങ്ങള്‍ വേണമെന്ന് ഇയാള്‍ ആവശ്യപ്പെട്ടു. സഹോദരി കുളിക്കുന്ന ചിത്രങ്ങള്‍ ക്യാമറയില്‍ പകര്‍ത്തി യുവതി കാമുകന് അയച്ചുകൊടുത്തു.
മുംബൈ: സഹോദരിയുടെ നഗ്ന ചിത്രങ്ങള്‍ കാമുകന് അയച്ചുകൊടുത്തതായി യുവതിക്കെതിരെ പരാതി. സഹോദരി കുളിക്കുന്ന ചിത്രങ്ങള്‍ പകര്‍ത്തിയാണ് യുവതി കാമുകന് അയച്ചുകൊടുത്തത്. ചിത്രങ്ങള്‍ ലഭിച്ച കാമുകന് അത് പെണ്‍കുട്ടിയുടെ ബന്ധുക്കള്‍ക്ക് അയച്ചുകൊടുത്തു. സംഭവത്തില്‍ യുവതിയെ പൊലീസ് അറസ്റ്റ് ചെയ്തു. കാമുകന് ഒളിവിലാണ്. മുംബൈ അഗ്രിപദ പൊലീസ് സ്റ്റേഷന്‍ പരിധിയിലാണ് സംഭവം.
യുവതിയുടെ കാമുകന് വിവാഹിതനാണ്. നവരാത്രി ആഘോഷങ്ങള്‍ക്കിടയില്‍ യുവതിയുടെ കാമുകനും സഹോദരിയും തമ്മില്‍ കശപിശയുണ്ടായി. യുവതിയുടെ സഹോദരിയുടെ കൈവശമുണ്ടായിരുന്ന വടി അറിയാതെ ഇയാളുടെ ശരീരത്ത് തട്ടി. ഇതിനെ ചോദ്യം ചെയ്ത് യുവാവും യുവാവിന്‍റെ ഭാര്യയും രംഗത്തെത്തി. കശപിശ മൂര്‍ച്ഛിച്ചതോടെ യുവതിയുടെ സഹോദരി ഇയാളെ പൊതുജനമധ്യത്തില്‍ തല്ലി. ഈ സംഭവത്തോടുള്ള വൈരാഗ്യമാണ് യുവാവ് നഗ്ന ഫോട്ടോ പ്രചരിപ്പിക്കാന്‍ കാരണം.
വിവാഹം കഴിക്കണമെങ്കില്‍ സഹോദരിയുടെ നഗ്ന ചിത്രങ്ങള്‍ വേണമെന്ന് ഇയാള്‍ ആവശ്യപ്പെട്ടു. സഹോദരി കുളിക്കുന്ന ചിത്രങ്ങള്‍ ക്യാമറയില്‍ പകര്‍ത്തി യുവതി കാമുകന് അയച്ചുകൊടുത്തു. ചിത്രങ്ങള്‍ ലഭിച്ച യുവാവ് യുവതിയുടെ ഭര്‍തൃപിതാവിനടക്കം ചിത്രങ്ങള്‍ അയച്ചുകൊടുത്തു. തുടര്‍ന്ന് യുവതി പൊലീസിനെ സമീപിക്കുകയായിരുന്നു.