നാലുകിലോ കഞ്ചാവുമായി അഞ്ച് യുവാക്കള് പിടിയില്
Synopsis
രണ്ട് കാറുകളിലായി കടത്തുകയായിരുന്ന നാലുകിലോ കഞ്ചാവാണ് പൊലീസ് പിടിച്ചെടുത്തത്. വയനാട്ടില് വിതരണം ചെയ്യാനാണ് കഞ്ചാവ് എത്തിച്ചതെന്ന് പൊലീസ് പറഞ്ഞു.
കോഴിക്കോട്: നാലുകിലോ കഞ്ചാവുമായി യുവാക്കള് വൈത്തിരി പൊലീസ് പിടിയില്. പുതുപ്പാടി മൈലള്ളാംപാറ സ്വദേശികളായ ഉളുവാന്തൊടി സിറാജ്(30), കോട്ടയില് റുഖ്സാന്(22), സുല്ത്താന് മന്സിലില് എസ്. സുല്ത്താന്(20), വെളുത്തേന്കാട്ടില് മുഹമ്മദ് ഇര്ഫാന്(22), കൈതപ്പൊയില് പുഴങ്കുന്നുമ്മല് സുബീര് (23) എന്നിവരെയാണ് സബ് ഇന്സ്പെക്ടര് കെ എസ് ജിതേഷിന്റെ നേതൃത്വത്തിലുള്ള പൊലീസ് സംഘം അറസ്റ്റ് ചെയ്തത്.
രണ്ട് കാറുകളിലായി കടത്തുകയായിരുന്ന നാലുകിലോ കഞ്ചാവാണ് പൊലീസ് പിടിച്ചെടുത്തത്. വയനാട്ടില് വിതരണം ചെയ്യാനാണ് കഞ്ചാവ് എത്തിച്ചതെന്ന് പൊലീസ് പറഞ്ഞു. സിവില് പൊലീസ് ഓഫീസര്മാരായ കെ.കെ. വിപിന്, രാകേഷ് കൃഷ്ണ, ഷാജഹാന് എന്നിവരടങ്ങിയ സംഘമാണ് കഞ്ചാവ് പിടികൂടിയത്. പ്രതികളെ കോടതിയില് ഹാജരാക്കും.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam