കൂടത്തായി കൊലപാതക പരമ്പര; വിചാരണ നടപടികള് ഇന്ന് തുടങ്ങും
Synopsis
കേരളത്തെ നടുക്കിയ കൂടത്തായി കൊലപാതക പരമ്പര കേസില് പ്രാഥമിക വിചാരണ നടപടികള് കോഴിക്കോട് സെഷന്സ് കോടതിയില് ഇന്ന് തുടങ്ങും. സിലി വധക്കേസാണ് ആദ്യം പരിഗണിക്കുക.
കോഴിക്കോട്: കേരളത്തെ നടുക്കിയ കൂടത്തായി കൊലപാതക പരമ്പര കേസില് പ്രാഥമിക വിചാരണ നടപടികള് കോഴിക്കോട് സെഷന്സ് കോടതിയില് ഇന്ന് തുടങ്ങും. സിലി വധക്കേസാണ് ആദ്യം പരിഗണിക്കുക. പ്രാഥമിക വാദം കേട്ട ശേഷമാകും തുടര് വിചാരണ നടപടികള് എന്നു തുടങ്ങണമെന്ന് കോടതി തീരുമാനിക്കുക
കൂടത്തായി കോലപാതക പരമ്പരയിലെ മുഖ്യപ്രതി ജോളിയുടെ ഭര്ത്താവ് ഷാജു സഖറിയാസിന്റെ ആദ്യ ഭാര്യയായിരുന്ന സിലി 2016 ജനുവരി 11നാണു മരിച്ചത്. ക്യാപ്സൂളില് സയനൈഡ് നിറച്ചുനല്കി ജോളി ജോസഫ് ഇവരെ കൊലപ്പെടുത്തിയെന്നാണു കേസ്. ജോളിക്കു സയനൈഡ് എത്തിച്ചു നല്കിയ എംഎസ് മാത്യു, കെ പ്രജികുമാര് എന്നിവരാണു കൊലപാതക പരമ്പരക്കേസിലെ രണ്ടും മൂന്നും പ്രതികള്. കേസില് പ്രാഥമികവാദം കേട്ടശേഷം കോടതി തുടര്വിചാരണ നടപടികള് എന്നു തുടങ്ങണമെന്ന് തീരുമാനിക്കും. ഇപ്പോള് ജയിലിലുല്ള ജോളി ജോസഫിനെ കോടതിയില് ഹാജരാക്കിയേക്കും.
2019 ഒക്ടോബര് അഞ്ചിനാണ് ജോളിയെ പോലീസ് അറസ്റ്റു ചെയ്യുന്നത്. ജോളിയുടെ ആദ്യ ഭര്ത്താവ് റോയ്തോമസ്, റോയിയുടെ മാതാപിതാക്കളയായ പൊന്നാമറ്റം അന്നമ്മ, ടോം തോമസ്, അന്നമ്മയുടെ സഹോദരന് മാത്യു മഞ്ചാടിയില്, ജോളിയുടെ രണ്ടാം ഭര്ത്താവായ ഷാജുവിന്റെ ഭാര്യ സിലി, മകള് ആല്ഫൈന് എന്നിവരെ ഭക്ഷണത്തില് വിഷം കലര്ത്തിയും സയനൈഡ് നല്കിയും കൊലപ്പെടുത്തിയെന്നാണു കേസ്. ആറു കേസുകളിലും പൊലീസ് കുറ്റപത്രം സമര്പ്പിച്ചിരുന്നു. അഡ്വ. എന് കെ ഉണ്ണിക്കൃഷ്ണനാണ് ഈ കോലപാതകപരമ്പരയിലെ സ്പെഷ്യല് പ്രോസിക്യൂട്ടര്.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam