ഭാര്യയെ സ്വന്തമാക്കാനായി സുഹൃത്തിനെ തല്ലിക്കൊന്ന് റെയില്വേ ട്രാക്കില് ഉപേക്ഷിച്ചു
Synopsis
റെയില്വേ ട്രാക്കില് അജ്ഞാത മൃതദേഹം കണ്ടെന്ന് പ്രതി തന്നെയാണ് പൊലീസില് വിവരം അറിയിച്ചത്.
ദില്ലി: ദില്ലിയില് സുഹൃത്തിനെ ക്രൂരമായി മര്ദ്ദിച്ച് കൊലപ്പെടുത്തിയ ശേഷം മൃതദേഹം റെയില്വേ ട്രാക്കില് ഉപേക്ഷിച്ച പ്രതി അറസ്റ്റില്. കൊലപാതക കുറ്റത്തിന് ഗുല്കേഷ് എന്നയാളെ പൊലീസ് അറസ്റ്റ് ചെയ്തു. സുഹൃത്തിന്റെ ഭാര്യയെ വിവാഹം കഴിക്കാനാണ് പ്രതി ഇയാളെ കൊലപ്പെടുത്തിയത്.
ജൂൺ 24 നും 25 നും ഇടയിലായിരുന്നു കൊലപാതകം നടന്നത്. ഗുല്കേഷ് വിളിച്ചതനുസരിച്ച് എത്തിയതായിരുന്നു സുഹൃത്ത് ദല്ബിര്. ദല്ബിറിനെ റെയില്വേ പാളത്തിന് സമീപത്തേക്ക് കൂട്ടക്കൊണ്ടുപോയ ഗുല്കേഷ് ഇയാളെ ഇഷ്ടിക കൊണ്ട് തലക്കടിച്ച് അബോധാവസ്ഥയിലാക്കി. ശേഷം ഇയാളുടെ ശരീരം റെയില്വേ ട്രാക്കില് ഉപേക്ഷിക്കുകയായിരുന്നു. റെയില്വേ ട്രാക്കില് അജ്ഞാത മൃതദേഹം കണ്ടെന്ന് പ്രതി തന്നെയാണ് പൊലീസില് വിവരം അറിയിച്ചത്.
പൊലീസെത്തി നടത്തിയ അന്വേഷണത്തിലാണ് പ്രതി ഗുല്കേഷാണെന്ന് തിരിച്ചറിഞ്ഞത്. ദല്ബിറിന്റെ ഭാര്യയെ വിവാഹം കഴിക്കാനാണ് താന് കൃത്യം ചെയ്തതെന്ന് ഇയാള് പൊലീസിനോട് വെളിപ്പെടുത്തി. ദല്ബിറിന്റെ ഭാര്യയ്ക്ക് കൊലപാതകത്തില് എന്തെങ്കിലും പങ്കുണ്ടോ എന്ന് അന്വേഷിക്കുകയാണെന്ന് പൊലീസ് പറഞ്ഞു.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam