കോട്ടക്കലിൽ രണ്ടിടങ്ങളിൽ വൻ ലഹരിവേട്ട; 136 ഗ്രാം എംഡിഎംഎയുമായി രണ്ട് പേർ അറസ്റ്റിൽ
Synopsis
136 ഗ്രാം എംഡിഎംഎയുമായി രണ്ടുപേര് അറസ്റ്റില്. വേങ്ങര സ്വദേശികളായ അരുണ്, റഫീഖ് എന്നിവരെ കോട്ടക്കൽ പൊലീസ് അറസ്റ്റ് ചെയ്തു.
മലപ്പുറം: കോട്ടക്കലിൽ രണ്ടിടങ്ങളിലായി വൻ എംഡിഎംഎ വേട്ട. 136 ഗ്രാം എംഡിഎംഎയുമായി രണ്ടുപേര് അറസ്റ്റില്. വേങ്ങര സ്വദേശികളായ അരുണ്, റഫീഖ് എന്നിവരെ കോട്ടക്കൽ പൊലീസ് അറസ്റ്റ് ചെയ്തു. ചെനക്കലിലെ പെട്രോള് പമ്പിന് സമീപം വച്ചാണ് വില്പനയ്ക്കായി സൂക്ഷിച്ച 22 ഗ്രാം എംഡിഎംഎയുമായി അരുണിനെ പൊലീസ് അറസ്റ്റ് ചെയ്തത്. 2022-ല് 780 ഗ്രാം എംഡിഎംഎ പിടികൂടിയ കേസില് ജാമ്യത്തിലിറങ്ങിയതിനു പിന്നാലെയാണ് അരുണ് വീണ്ടും മയക്കുമരുന്നുമായി പിടിയിലായത്. ലഹരി വില്പ്പനയിലൂടെ ലഭിച്ച 9,000 രൂപയും എംഡിഎംഎ വില്പനയ്ക്കായി ഉപയോഗിച്ച ആഡംബര ബൈക്കും കണ്ടെടുത്തു. കോട്ടക്കല് രാജാസ് സ്കൂള് റോഡില് തോക്കാംപാറയില് വിദ്യാര്ത്ഥികള്ക്കും യുവാക്കള്ക്കും എംഡിഎംഎ വില്പ്പന നടത്തുകയായിരുന്ന റഫീഖില് നിന്ന് 104.1 ഗ്രാം എംഡിഎംഎ പിടികൂടി.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam