ഫോണ് വിളിച്ച് പുറത്തിറക്കി യുവാവിനെ വെട്ടിക്കൊന്ന സംഭവം: രണ്ടുപേര് പിടിയില്
Synopsis
കീഴില്ലത്തിലെ പെട്രോള് പമ്പില് വാഹനം പാര്ക്ക് ചെയ്യുന്നതിനെച്ചൊല്ലി കഴിഞ്ഞ ദിവസം തര്ക്കം നടന്നിരുന്നു. ഇതിനെത്തുടര്ന്നുള്ള പ്രശ്നങ്ങളാണ് കൊലയിലേക്ക് നയിച്ചത്. കുറുപ്പംപടി സ്വദേശി അന്സില് സാജുവാണ് ഇന്നലെ രാത്രി കൊല്ലപ്പെട്ടത്.
കൊച്ചി: കുറുപ്പംപടിയില് യുവാവിനെ വെട്ടിക്കൊന്ന സംഭവത്തില് (Man stabbed to death) രണ്ട് പേര് പിടിയില്. പെരുമ്പാവൂര് സ്വദേശികളായ ബിജു, എല്വിന് എന്നിവരാണ് പിടിയിലായത്. വ്യക്തി വൈരാഗ്യമാണ് കൊലപാതകത്തിന് കാരണമെന്ന് പൊലീസ് വ്യക്തമാക്കി. കീഴില്ലത്തിലെ പെട്രോള് പമ്പില് വാഹനം പാര്ക്ക് ചെയ്യുന്നതിനെച്ചൊല്ലി കഴിഞ്ഞ ദിവസം തര്ക്കം നടന്നിരുന്നു. ഇതിനെത്തുടര്ന്നുള്ള പ്രശ്നങ്ങളാണ് കൊലയിലേക്ക് നയിച്ചത്. കുറുപ്പംപടി സ്വദേശി അന്സില് സാജുവാണ് ഇന്നലെ രാത്രി കൊല്ലപ്പെട്ടത്.
ബുധനാഴ്ച രാത്രി എട്ടുമണിയോടെ അന്സിലിന് ഒരു കോള് വന്നു. ഫോണില് സംസാരിക്കാനായി അന്സില് പുറത്തിറങ്ങി. രാത്രി ഒമ്പതരയോടെ വീടിന് സമീപത്തെ കനാല് ബണ്ട് റോഡില്വെച്ചാണ് അക്രമി സംഘം അന്സിലിനെ വെട്ടിയത്. കഴുത്തിന് വെട്ടേറ്റ അന്സിലിനെ പിതാവും സഹോദരനും പെരുമ്പാവൂരിലെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. കൊലപാതകം നടത്തിയ സംഘം തന്നെയാണ് അന്സിലിനെ വീട്ടില് നിന്ന് ഫോണില് വിളിച്ച് ഇറക്കിയതെന്നാണ് പൊലീസ് കരുതുന്നത്. റിയല് എസ്റ്റേറ്റ് ബിസിനസുകാരനാണ് അന്സില്.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam