പ്രായപൂര്ത്തിയാകാത്ത സീരിയല് താരത്തെ സോഷ്യല്മീഡിയയില് അപകീര്ത്തിപ്പെടുത്തിയ യുവാവ് പിടിയില്
Synopsis
ഫേസ്ബുക്കില് നിന്നും ഇന്റര്നെറ്റ് സേവനദാതാക്കളില് നിന്നും വിവരങ്ങള് ശേഖരിച്ചാണ് പ്രതിയെ പിടികൂടിയത്. പൊലീസ് പിടികൂടാതിരിക്കാനായി മറ്റൊരാളുടെ വിലാസത്തിലുള്ള മൊബൈല് നമ്പറാണ് ഇയാള് ഇന്റെര്നെറ്റിനായി ഉപയോഗിച്ചിരുന്നത്. അതുകൊണ്ടു തന്നെ പ്രതിയെ തിരിച്ചറിയാനും വൈകി.
തൃശൂര്: പ്രായപൂര്ത്തിയാകാത്ത സീരിയല് താരത്തെ ഫേസ്ബുക്കിലൂടെ അപകീര്ത്തിപ്പെടുത്തിയ കേസില് പ്രതി ഇരിങ്ങാലക്കുട സൈബര് പൊലീസിന്റെ പിടിയില്. കൊല്ലം കണ്ണനെല്ലൂര് സ്വദേശി അല് അമീന് ആണ് പിടിയിലായത്. 2019 മുതല് ബാലതാരത്തിന്റെ പേരും ഫോട്ടോയും ഉപയോഗിച്ച് വ്യാജ ഫേസ്ബുക്ക് അക്കൗണ്ട് വഴി അശ്ലീല സന്ദേശങ്ങള് അല് അമീന് പ്രചരിപ്പിച്ചിരുന്നു.
സീരിയലുകളിലെ സ്ത്രീ കഥാപാത്രങ്ങളുടെ ചിത്രങ്ങളും ഇയാള് അശ്ലീലച്ചുവയില് പ്രചരിപ്പിച്ചു. സംഭവം ശ്രദ്ധയില്പ്പെട്ട സംസ്ഥാന ബാലവകാശ കമ്മീഷന് ഇക്കാര്യം ചൂണ്ടിക്കാട്ടി കേസ് എടുക്കാന് തിരുവനന്തപുരം സൈബര് പൊലീസിനോട് നിര്ദ്ദേശിക്കുകായിരുന്നു. തുടര്ന്ന് കേസ് ഇരിങ്ങാലക്കുട സൈബര് പൊലീസിന് കൈമാറി.
ഫേസ്ബുക്കില് നിന്നും ഇന്റര്നെറ്റ് സേവനദാതാക്കളില് നിന്നും വിവരങ്ങള് ശേഖരിച്ചാണ് പ്രതിയെ പിടികൂടിയത്. പൊലീസ് പിടികൂടാതിരിക്കാനായി മറ്റൊരാളുടെ വിലാസത്തിലുള്ള മൊബൈല് നമ്പറാണ് ഇയാള് ഇന്റെര്നെറ്റിനായി ഉപയോഗിച്ചിരുന്നത്. അതുകൊണ്ടു തന്നെ പ്രതിയെ തിരിച്ചറിയാനും വൈകി. ഇയാള് ഉപയോഗിച്ചിരുന്ന വ്യാജ ഫേസ്ബുക്ക് പേജ് പരിശോധിച്ചതില് നിന്നും മറ്റ് ധാരാളം വ്യാജ പ്രൊഫൈലുകളില് നിന്നും പേജില് ലൈക്കും കമന്റും രേഖപ്പെടുത്തിയതായി കണ്ടെത്തിയിട്ടുണ്ട്.
അശ്ലീല ചിത്രങ്ങള് ഷെയര് ചെയ്ത ആയിരത്തോളം പേരുടെ വിവരങ്ങളും പൊലീസ് ശേഖരിച്ചുകൊണ്ടിരിക്കുകയാണ്. ഇവരേയും കേസില് പ്രതിചേര്ക്കുമെന്ന് തൃശൂര് റൂറല് എസ്പി ജി. പൂങ്കുഴലി അറിയിച്ചു. കോടതിയില് ഹാജാരാക്കിയെ പ്രതിയെ റിമാന്റ് ചെയ്തു.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്ക് ഈ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam