മയക്കുമരുന്നുമായി യുവാവ് പിടിയിൽ: കൈയ്യിലുണ്ടായിരുന്നത് 28 ഗ്രാം എംഡിഎംഎ

പൊലീസിലെ ആന്റി നാർകോടിക് സ്ക്വാഡും ഷാഡോ പൊലീസും ചേർന്നാണ് പ്രതിയെ പിടികൂടിയത്

തിരുവനന്തപുരം: മാരക മയക്കുമരുന്നായ എംഡിഎംഎയുമായി യുവാവ് പിടിയിലായി. തിരുവനന്തപുരം ജില്ലയിലെ തിരുവല്ലം സ്വദേശിയായ അനൂപാണ് പിടിയിലായിരിക്കുന്നത്. ഇയാളുടെ പക്കൽ പിടിക്കപ്പെടുമ്പോൾ 28 ഗ്രാം എംഡിഎംഎ ഉണ്ടായിരുന്നു. ഇത് പൊലീസ് കസ്റ്റഡിയിലെടുത്തു. കേരള പൊലീസിലെ ആന്റി നാർകോടിക് സ്ക്വാഡും ഷാഡോ പൊലീസും ചേർന്നാണ് പ്രതിയെ പിടികൂടിയത്. ഇയാളുടെ അറസ്റ്റ് രേഖപ്പെടുത്തിയ ശേഷം കോടതിയിൽ ഹാജരാക്കും.