സുൽത്താൻ ബത്തേരിയിൽ കടുത്ത പോരാട്ടം, നേരിയ മുൻതൂക്കം യുഡിഎഫിന്

2016-ൽ 11,198 വോട്ടുകളുടെ ഭൂരിപക്ഷത്തിനാണ് ഐ.സി.ബാലകൃഷ്ണൻ സിപിഎമ്മിൻ്റെ രു​ഗ്മിണി സുബ്രഹ്മണ്യനെ പരാജയപ്പെടുത്തി ഇവിടെ നിന്നും ജയിച്ചു കയറിയത്

സുൽത്താൻ ബത്തേരിയിൽ നടക്കുന്നത് ഇഞ്ചോടിഞ്ച് പോരാട്ടമെന്ന് ഏഷ്യാനെറ്റ് പോസ്റ്റ് പോൾ സർവേ പ്രവചിക്കുന്നു. എങ്കിലും കടുത്ത മത്സരത്തിൽ നേരിയ മുൻതൂക്കം കോൺ​ഗ്രസിലെ ഐ.സി.ബാലകൃഷ്ണനാണെന്നും സ‍‍ർവേ പ്രവചിക്കുന്നു. 

കോൺ​ഗ്രസിൽ നിന്നും വന്ന എം.എസ്.വിശ്വനാഥനാണ് എൽഡിഎഫിൻ്റെ സുൽത്താൻ ബത്തേരിയിലെ സ്ഥാനാ‍‍ർത്ഥി. എൻഡിഎയിൽ സികെ ജാനുവിൻ്റെ പാ‍ർട്ടിക്കാണ് സീറ്റ്. എന്നാൽ ബിജെപിയുടെ താമര ചിഹ്നത്തിലാണ് സികെ ജാനു ഇവിടെ ജനവിധി തേടുന്നത്. സിറ്റിം​ഗ് എംഎൽഎ, ഡിസിസി അധ്യക്ഷൻ എന്നീ നിലകളിലുള്ള പ്രവർത്തനമാണ് ഐ.സി.ബാലകൃഷ്ണന് കടുത്ത മത്സരത്തിനിടയിലും സുൽത്താൻ ബത്തേരിയിൽ മുൻതൂക്കം നൽകുന്നത്. 

2016-ൽ 11,198 വോട്ടുകളുടെ ഭൂരിപക്ഷത്തിനാണ് ഐ.സി.ബാലകൃഷ്ണൻ സിപിഎമ്മിൻ്റെ രു​ഗ്മിണി സുബ്രഹ്മണ്യനെ പരാജയപ്പെടുത്തി ഇവിടെ നിന്നും ജയിച്ചു കയറിയത്. രാഹുൽ ​ഗാന്ധിയുടെ ലോക്സഭാ മണ്ഡലത്തിൽ ഉൾപ്പെട്ട മണ്ഡലം എന്ന നിലയിൽ സുൽത്താൻ ബത്തേരിയിൽ വിജയിച്ചു കയറേണ്ടത് ഐസി ബാലകൃഷ്ണന് അഭിമാനപ്രശ്നം കൂടിയാണ്.