ബിബി ക്വീന്‍..; അനുമോളുടെ കൈപിടിച്ചുയര്‍ത്തി മോഹന്‍ലാല്‍, ഫസ്റ്റ് റണ്ണറപ്പായി അനീഷ്; ബിബി 7 ഗ്രാന്‍റ് ഫിനാലെ ആദ്യവസാനം വരെ

കഴിഞ്ഞ 100 ദിവസമായി മലയാള പ്രേക്ഷകരുടെ സ്വീകരണ മുറിയായി മാറിയ ബിഗ് ബോസ് മലയാളം സീസണ്‍ 7ന്‍റെ ലൈറ്റുകള്‍ അണഞ്ഞു. അനുമോള്‍ വിന്നറായതോടെ മലയാളം ബിഗ് ബോസ് ചരിത്രത്തിലെ രണ്ടാമത്തെ ലേഡി വിന്നറായിരിക്കുകയാണ് അവര്‍. ഷോ അവസാനിക്കാറായപ്പോള്‍ മോഹന്‍ലാല്‍ സീസണ്‍ 8 ഉണ്ടാകുമെന്നും അറിയിച്ചു. 

ബിഗ് ബോസ് മലയാളം സീസണ്‍ 7ല്‍ വിന്നറായി അനുമോള്‍. മലയാളം ബിഗ് ബോസ് ചരിത്രത്തിലെ രണ്ടാമത്തെ ലേഡി വിന്നറാണ് അനുമോള്‍. അനീഷ് ഫസ്റ്റ് റണ്ണറപ്പായി.

റീഗല്‍ ജ്വല്ലറിയുടെ ഡയമണ്ട് നെക്ലേസ് സ്വീകരിച്ച് ആര്യന്‍. 

ബിഗ് ബോസ് മലയാളം സീസണ്‍ 7ന്‍റെ അവസാന രണ്ട് മത്സരാര്‍ത്ഥികളായ അനുമോളേയും അനീഷിനെയും വേദിയിലേക്ക് കൊണ്ടു വരാനായി മോഹന്‍ലാല്‍ ഹൗസിനുള്ളിലേക്ക് പോയി. 

മൂന്നാമനായി ബിഗ് ബോസ് മലയാളം സീസണ്‍ 7 ഗ്രാന്‍റ് ഫിനാലേയില്‍ ഷാനവാസ് പുറത്തേക്ക്. 

38 ലക്ഷത്തിലധികം വോട്ടാണ് ഈ ആഴ്ച മാത്രം കിട്ടിയത്. കഴിഞ്ഞ വര്‍ഷത്തെക്കാള്‍ ഇരട്ടി വോട്ടാണ് ഈ സീസണില്‍ ലഭിച്ചതെന്ന് മോഹന്‍ലാല്‍ പറഞ്ഞു. 1.8 കോടിയാണ് ആകെ വോട്ട്

ബിഗ് ബോസില്‍ നിന്നും നെവിന്‍ പുറത്തേക്ക്. നാലാമനായാണ് നെവിന്‍ പുറത്തേക്ക് പോയിരിക്കുന്നത്. 

ബിഗ് ബോസിന്‍റെ ഭാഗമായി നിര്‍ത്തിവച്ചിരുന്ന സ്റ്റാര്‍ സിംഗര്‍ സീസണ്‍ 10 റീ ലോഡഡ് ചെയ്ത് മോഹന്‍ലാല്‍. കെഎസ് ചിത്രവും മത്സരാര്‍ത്ഥികളും ബിബി ഫിനാലെ വേദിയില്‍ എത്തിച്ചെത്തിയിരുന്നു. 

ഗ്രാന്‍റ് ഫിനാലെയിലെ ആദ്യ എവിക്ഷനിലൂടെ പുറത്തായിരിക്കുകയാണ് അക്ബര്‍ ഖാന്‍. 

ജഗദീഷിന്‍റെ നേതൃത്വത്തില്‍ നടന്ന സ്കിറ്റ് ഫിനാലെയുടെ മാറ്റ് കൂട്ടി. ബിഗ് ബോസ് ആയിരുന്നു വിഷയം. 

‘ഒരാഴ്ച കഴിഞ്ഞപ്പോഴാണ് ഇവിടെ അതിജീവിക്കാന്‍ പറ്റുമെന്ന് തോന്നിയത്. ഈ നിമിഷത്തില്‍ നില്‍ക്കുമ്പോള്‍ അഭിമാനം’.

'ഈ നിമിഷം ഞാന്‍ അഭിമാനത്തോടെ നില്‍ക്കുകയാണ്. ഫൈനല്‍ 5 എന്‍റെ ഒരു സ്വപ്നമാണ്. എല്ലാവരോടും നന്ദി പറയുന്നു".

"ഒരുപാട് സന്തോഷം. എനിക്ക് കിട്ടാവുന്നതില്‍ വച്ച് ഏറ്റവും വലിയ പ്ലാറ്റ് ഫോമാണിത്. ബിഗ് ബോസ് പ്ലാറ്റ്ഫോമില്‍ ആദ്യം തന്നെ കയറാന്‍ പറ്റുന്നത് മഹാ മഹാ ഭാഗ്യം. ബിഗ് ബോസിനോടും ലാലേട്ടനോടും സകലമാന ജനങ്ങളോടും നന്ദി മാത്രം".

ബിഗ് ബോസ് മലയാളം സീസണ്‍ 7ന്‍റെ ട്രോഫി അവതരിപ്പിച്ച് മോഹന്‍ലാല്‍. 

 ടോപ് 5 മത്സരാര്‍ത്ഥികളായ അനുമോൾ, അനീഷ്, ഷാനവാസ്, അക്ബർ, നെവിൻ എന്നിവര്‍ക്ക് വന്‍ വരവേല്‍പ്പ്. രസകരമായ ഡാന്‍സ് ചുവടുകളുമായാണ് ഇവര്‍ക്ക് ബിഗ് ബോസ് വരവേല്‍പ്പ് നല്‍കിയത്. 

'ഈ ഷോയുടെ ഇടയില്‍ ഞാന്‍ നിങ്ങള്‍ക്കൊരു വാക്ക് തന്നിരുന്നു. എന്താണെ'ന്ന് മോഹന്‍ലാല്‍ ചോദിക്കുമ്പോള്‍ വീട്ടിലേക്കെന്ന് വിളിച്ചതെന്ന് ആദിലയും നൂറയും പറയുന്നു. ‘തീര്‍ച്ചയായും നിങ്ങളെ എന്‍റെ വീട്ടിലേക്ക് വിളിക്കുന്നതായിരിക്കും’, എന്ന് മോഹന്‍ലാല്‍ വാക്കും നല്‍കി. 

മിഡ് വീക്ക് എവിക്ഷനിലൂടെ എവിക്ട് ആയ ആദിലയേയും നൂറയേയും മോഹന്‍ലാല്‍ വേദിയിലേക്ക് വിളിച്ചു. പൂമ്പാറ്റകളില്‍ നിന്നും പുലിക്കുട്ടികളായ രണ്ടുപേരാണ് ഇവരെന്നാണ് പ്രേക്ഷകര്‍ പറയുന്നതെന്ന് മോഹന്‍ലാല്‍ പറഞ്ഞു. ഇത്രയും ദിവസം നില്‍ക്കാനായത് പ്രേക്ഷകരുടെ പിന്തുണ കൊണ്ടാണെന്നും ഇത്രയും ദിവസം നില്‍ക്കാനാകുമെന്ന് പ്രതീക്ഷിച്ചില്ലെന്നും ഇരുവരും പറഞ്ഞു. പിന്നാലെ ഇവരുടെ ബിഗ് ബോസ് ജീവിതം സ്ക്രീന്‍ ചെയ്തു. 

ഗംഭീര നൃത്തത്തോടൊപ്പം ആയിരുന്നു മോഹന്‍ലാലിന്‍റെ എന്‍ട്രി. പിന്നാലെ എവിക്ട് ആയി പോയ മുന്‍ മത്സരാര്‍ത്ഥികളും  ഫിനാലെ വേദിയിലെത്തി.

ബിഗ് ബോസ് മലയാളം സീസണ്‍ 7ന് ആവേശോജ്ജ്വല തുടക്കം. ജോബ് കുര്യനും സംഘവും അവതരിപ്പിക്കുന്ന ഗാനത്തോടെ ആണ് ഗ്രാന്‍റ് ഫിനാലെ ആരംഭിച്ചിരിക്കുന്നത്. പിന്നാലെ കലാകാരന്മാര്‍ അവതരിപ്പിച്ച നൃത്ത വിസ്മയവും. 

ബിഗ് ബോസ് മലയാളം സീസണ്‍ 7 മത്സരാര്‍ത്ഥിക്ക് 50 ലക്ഷം രൂപയാണ് സമ്മാനമായി ലഭിക്കുക. എന്നാല്‍ മണി വീക്കില്‍  മത്സരാര്‍ത്ഥികള്‍ നേടിയ തുകകള്‍ വിന്നറുടെ തുകയില്‍ നിന്നുമാണ് നീക്കിവച്ചത്. അങ്ങനെ എങ്കില്‍ എത്ര രൂപയാകും വിന്നര്‍ക്ക് ലഭിക്കുക ? സസ്പെന്‍സ് ഉണ്ടാകുമോ ? 

ബിഗ് ബോസ് മലയാളം സീസണ്‍ 7ന്‍റെ ഗ്രാന്‍റ് ഫിനാലെ ഏഷ്യാനെറ്റ് ചാനലിനൊപ്പം ജിയോ ഹോര്‍ട് സ്റ്റാറിലൂടെയും പ്രേക്ഷകര്‍ക്ക് കാണാനാകും. 7 മണി മുതല്‍ സംപ്രേഷണം ആരംഭിക്കും. 

മൂന്ന് മാസത്തെ കാത്തിരിപ്പിന് ഒടുവില്‍ ബിഗ് ബോസ് മലയാളം സീസണ്‍ 7 വിന്നറെ ഇന്നറിയാം. അനുമോൾ, അനീഷ്, ഷാനവാസ്, അക്ബർ, നെവിൻ എന്നിവരാണ് ടോപ് 5 മത്സരാര്‍ത്ഥികള്‍.