'തെറ്റുകള് തിരുത്തിയിട്ടുണ്ട്', പുതിയ ചിത്രത്തെ കുറിച്ച് ആമിര്
Synopsis
സിത്താരെ സമീൻ പാറിനെ കുറിച്ച് പറയുന്നു ആമിര്.
ആമിര് നായകനായി പ്രദര്ശനത്തിന് വന്ന ചിത്രം ലാല് സിംഗ് ഛദ്ധ പരാജയപ്പെട്ടിരുന്നു. ലാല് സിംഗ് ഛദ്ധ സിനിമയിലെ തന്റെ പ്രകടനം മോശമായിരുന്നുവെന്ന് നടൻ ആമിര് ഖാനും സമ്മതിക്കുകയാണ്. അതുകൊണ്ടാണ് ജനങ്ങള്ക്ക് ഇഷ്ടമാകാതിരുന്നത്. സിത്താരെ സമീൻ പാറില് താൻ തെറ്റുകള് തിരുത്തിയിട്ടുണ്ട് എന്നും ഒരു മികച്ച ചിത്രമായിരിക്കും എന്നും ആമിര് വ്യക്തമാക്കുന്നു.
ടോം ഹാങ്ക്സിന്റെ 'ഫോറസ്റ്റ് ഗംപ്' സിനിമയുടെ ഹിന്ദി റീമേക്കാണ് 'ലാല് സിംഗ് ഛദ്ധ'. 1994ല് പ്രദര്ശനത്തിന് എത്തിയ ഹോളിവുഡ് ചിത്രം വൻ ഹിറ്റായിരുന്നു. കരീന കപൂര് നായികയാകുന്ന ചിത്രത്തിന്റെ സംവിധാനം അദ്വൈത് ചന്ദ്രനായിരുന്നു. ലാല് സിംഗ് ഛദ്ദയുടെ സംഗീത സംവിധാനം പ്രിതമായിരുന്നു. ആമിര് ഖാൻ തന്നെയാണ് ചിത്രം നിര്മിച്ചിരിക്കുന്നത്. ഛായാഗ്രാഹണം നിര്വഹിച്ചിരിക്കുന്നത് സത്യജിത്ത് പാണ്ഡെയാണ്. പല പ്രായങ്ങളിലുള്ള കഥാപാത്രമായി ചിത്രത്തില് ആമിറെത്തിയിരുന്നു.
ആമിര് ഖാൻ നായകനായി ഇനി വരാനിരിക്കുന്ന ചിത്രം സിത്താരെ സമീൻ പര് ആണ്. താരെ സമീൻ പറിന്റെ രണ്ടാം ഭാഗമായിരിക്കും സിത്താരെ സമീൻ പര് എന്ന് റിപ്പോര്ട്ടുകളുണ്ടായിരുന്നു. എന്തായാലും ആമിര് ഖാന്റെ പുതിയ ചിത്രം പ്രതിപാദിക്കുന്നത് ഡൗണ് സിൻഡ്രോം എന്ന രോഗാവസ്ഥയാണ് എന്നാണ് റിപ്പോര്ട്ട്. താരെ സമീൻ പറില് നായകനായ താരം ദര്ശീല് സഫാരി ആമിര് ഖാൻ ചിത്രത്തില് പ്രതീക്ഷ പ്രകടിപ്പിച്ചതും ചര്ച്ചയായിരുന്നു.
സിത്താരെ സമീൻ പര് മനോഹരമായ സിനിമയായിരിക്കും എന്ന് ദര്ശീല് സഫാരി വ്യക്തമാക്കി. അതാണ് ആമിര് സാറിന്റെ വാക്കാണെന്നും പറഞ്ഞു ദര്ശീല് സഫാരി. പ്രതീക്ഷയേറെയുള്ള സിത്താരെ സമീൻ പാര് സിനിമയുടെ ചിത്രീകരണം പൂര്ത്തിയായിരിക്കുകയാണ്. താരെ സമീൻ പർ കഥയും സംവിധാനവും ആമിര് ഖാനായിരുന്നു. ആമിര് ഖാനായിരുന്നു നിര്മാണവും. എന്നാല് സിത്താരെ സമീൻ പര് സംവിധാനം ചെയ്യുന്നത് ആര് എസ് പ്രസന്നയാണ്. സിത്താരെ സമീൻ പര് എന്ന ചിത്രം ക്രിസ്മസ് റിലീസായി എത്തുമെന്നാണ് റിപ്പോര്ട്ട്.
Read More: നടൻ ബിജിലി രമേശ് അന്തരിച്ചു, സിനിമയില് തിളങ്ങിയത് കോമഡി വേഷങ്ങളില്
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക