വെറും 8 മിനിറ്റ്, ആ നടൻ വാങ്ങിയത് 35 കോടി ! പക്ഷേ 50 സെക്കന്‍റിന് 5 കോടി വാങ്ങിയ നയൻതാര തന്നെ കിം​ഗ് !

1230 കോടിയാണ് ആ പടത്തിന്‍റെ ഫൈനല്‍ കളക്ഷന്‍. 

സിനിമാ താരങ്ങളുടെ പ്രതിഫലം അറിയാൻ പ്രേക്ഷകർക്ക് എപ്പോഴും കൗതുകം ഏറെയാണ്. പ്രത്യേകിച്ച് സൂപ്പർ താരങ്ങളുടേത്. ഓരോ സിനിമയ്ക്കും വ്യത്യസ്ത പ്രതിഫലമാകും ഇവർ ഈടാക്കുന്നത്. സ്റ്റാർഡം അനുസരിച്ചും പ്രതിഫലത്തിൽ വലിയ മാറ്റങ്ങൾ വരാറുണ്ട്. ഈ അവസരത്തിൽ 2022ൽ റിലീസ് ചെയ്ത ബ്ലോക് ബസ്റ്റർ സിനിമയ്ക്ക് വേണ്ടി ഒരു നടൻ വാങ്ങിയ പ്രതിഫല കണക്ക് പ്രേക്ഷകരെ ഒന്നാകെ ഞെട്ടിച്ചിരിക്കുകയാണ്.

2022ൽ രാജമൗലിയുടെ സംവിധാനത്തിൽ റിലീസ് ചെയ്ത ആർആർആർ ആണ് ആ ചിത്രം. രാം ചരണും ജൂനിയർ എൻടിആറും പ്രധാന വേഷത്തിലെത്തിയ ചിത്രത്തിൽ നിരവധി മുൻനിര താരങ്ങൾ അണിനിരന്നിരുന്നു. അതിലൊരാളാണ് ബോളിവുഡ് താരം അജയ് ദേവ്​ഗൺ. വെങ്കിട്ടരാമ രാജു എന്ന കഥാപാത്രത്തെയാണ് അജയ് ദേവ്​ഗൺ സിനിമയിൽ അവതരിപ്പിച്ചത്. അതും അതിഥി വേഷം. 8 മിനിറ്റ് മാത്രമായിരുന്നു അദ്ദേഹം സ്ക്രീനിൽ ഉണ്ടായിരുന്നത്.

വെറും 8 മിനിറ്റിന് വേണ്ടി 35 കോടി രൂപയാണ് പ്രതിഫലമായി അജയ് ദേവ്​ഗൺ വാങ്ങിയതെന്ന് ടൈംസ് ഓഫ് ഇന്ത്യ അടക്കമുള്ള ദേശീയ മാധ്യമങ്ങൾ റിപ്പോർട്ട് ചെയ്യുന്നു. ഇതോടെ മിനിറ്റിന് ഏറ്റവും കൂടുതൽ പ്രതിഫലം വാങ്ങിക്കുന്ന ഇന്ത്യൻ സിനിമാ താരം എന്ന ഖ്യാതിയും അജയ് ​ദേവ്​ഗണിന് സ്വന്തമാണ്. അതേസമയം, 50 സെക്കന്റിന് 5 കോടി രൂപ വാങ്ങുന്ന നയൻതാരയാണ് പ്രതിഫലത്തിൽ മുന്നിലുള്ള നടി. ഒരു പരസ്യത്തിന് വേണ്ടിയാണ് ഇത്രയും തുക നയൻതാര കൈപ്പറ്റിയതെന്നാണ് റിപ്പോർട്ടുകൾ.

1230 കോടിയാണ് ആർആർആറിന്റെ ആകെ ബോക്സ് ഓഫീസ് കളക്ഷൻ. ഇന്ത്യ നെറ്റ് 782.2 കോടിയും ഇന്ത്യ ​ഗ്രോസ് 915.85 കോടിയുമാണ്. ഓവർസീസിൽ നിന്നും 314.15 കോടി രൂപയാണ് ആർആർആർ നേടിയതെന്നും ട്രാക്കിം​ഗ് സൈറ്റായ സാക്നിൽക് റിപ്പോർട്ട് ചെയ്യുന്നു. റെയ്ഡ് 2 ആണ് അജയ് ദേവ്​ഗണിന്റേതായി തിയറ്ററുകളിൽ ഒടുവിൽ എത്തിയ ചിത്രം. സിനിമ 200 കോടി ക്ലബ്ബിൽ ഇടം നേടിയിരുന്നു.