'ബ്രില്യന്റ് ദുല്‍ഖര്‍', വരാനിരിക്കുന്നത് ബ്ലോക്‍ബസ്റ്റര്‍ ചിത്രം, ലക്കി ഭാസ്‍കര്‍ റിവ്യു പുറത്ത്

ലക്കി ഭാസ്‍കറിന്റെ ആദ്യ റിവ്യു.

മലയാളത്തിന്റെ ദുല്‍ഖര്‍ നായകനായി വരാനിരിക്കുന്ന ചിത്രമാണ് ലക്കി ഭാസ്‍കര്‍. 31ന് ആണ് ചിത്രത്തിന്റെ റിലീസ്. 30ന് ദുല്‍ഖര്‍ ചിത്രത്തിന്റെ പ്രീമിയര്‍ ഷോകള്‍ സംഘടിപ്പിക്കുന്നുണ്ട്. അതിനിടെ ദുല്‍ഖര്‍ ചിത്രത്തെ പ്രശംസിച്ച് രംഗത്ത് എത്തിയിരിക്കുകയാണ് സ്വപ്‍നാദത്ത്.

കല്‍ക്കി 2898 എഡി എന്ന സിനിമയുടെ നിര്‍മാതാവാണ് സ്വപ്‍നാദത്ത്. ദീപാവലി ബ്ലോക്ബസ്റ്റര്‍ വരാൻ തയ്യാറെടുക്കുകയാണ്. ദുല്‍ഖര്‍ പതിവു പോലെ ബ്രില്യന്റായിരിക്കുന്നു. മികച്ച ആഖ്യാനമാണ് സംവിധായകൻ വെങ്ക് അറ്റ്‍ലൂരിയുടേത്. പ്രൊഡക്ഷൻ ക്വാളിറ്റിയും ചിത്രത്തിന്റേത് മികച്ചതാണ്. മീനാക്ഷി ചൗധരിയും ചിത്രത്തില്‍ മികച്ചതായിരിക്കുന്നു. മികച്ച ഛായാഗ്രാഹണമാണ് ചിത്രത്തിന്റേത് എന്നും പറയുന്നു സ്വപ്‍നാദത്ത്. സംഗീതം അങ്ങനെ തന്നെ മികച്ചതായിരിക്കുന്നു. ചുരുക്കത്തില്‍ ഭാസ്‍കറിന്റെ ലോകം മികച്ചതാണെന്നും ചിത്രം കണ്ട സ്വപ്‍നാദത്ത് വ്യക്തമാക്കിയത് ശ്രദ്ധയാകര്‍ഷിക്കുകയാണ്.

വെങ്കി അറ്റ്ലൂരി തിരക്കഥ എഴുതി സംവിധാനം നിര്‍വഹിക്കുന്നത് ആണ് ലക്കി ഭാസ്‍കര്‍. മീനാക്ഷി ചൗധരിയാണ് നായികയായി എത്തുന്നത്. ചിത്രത്തിന്റെ നിര്‍മാണം സിതാര എന്റർടെയിൻമെന്റസിന്റെ ബാനറില്‍ ആണ്.  ശബരിയാണ് ദുല്‍ഖര്‍ ചിത്രത്തിന്റെ പിആര്‍ഒ.

കിംഗ് ഓഫ് കൊത്തയാണ് ദുല്‍ഖറിന്റേതായി ഒടുവില്‍ പ്രദര്‍ശനത്തനെത്തിയത്. ദുല്‍ഖറിന്റെ കിംഗ് ഓഫ് കൊത്ത സംവിധാനം ചെയ്‍തത് അഭിലാഷ് ജോഷിയാണ്. ഛായാഗ്രാഹണം നിര്‍വഹിച്ചത് നിമീഷ് രവിയാണ്. ജേക്സ്‌ ബിജോയ്‍യും ഷാൻ റഹ്‍മാനുമാണ് സംഗീതം ഒരുക്കിയത്. അഭിലാഷ് എൻ ചന്ദ്രനായിരുന്നു തിരക്കഥ. ദുല്‍ഖറിന്റെ കിംഗ് ഓഫ് കൊത്ത സിനിമയില്‍ പ്രസന്ന, ചെമ്പൻ വിനോദ്, ഗോകുൽ സുരേഷ്, വടചെന്നൈ ശരൺ, ഐശ്വര്യാ ലക്ഷ്‍മി, നൈല ഉഷ, ശാന്തി കൃഷ്‍ണ, അനിഖാ സുരേന്ദ്രൻ എന്നിവരും പ്രധാന വേഷങ്ങളിലെത്തിയിരുന്നു. സംഘട്ടനം രാജശേഖർ നിര്‍വഹിച്ച ദുല്‍ഖര്‍ ചിത്രത്തിന്റെ മേക്കപ്പ് റോണെക്സ് സേവ്യര്‍, പ്രൊഡക്ഷൻ ഡിസൈനർ നിമേഷ് താനൂർ, കൊറിയോഗ്രാഫി ഷെറീഫ്, വസ്ത്രാലങ്കാരം പ്രവീൺ വർമ, പ്രൊഡക്ഷൻ കൺട്രോളർ ദീപക് പരമേശ്വര്‍, സ്റ്റിൽ ഷുഹൈബ് എസ് ബി കെയുമായിരുന്നു.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക