ദുബായ്യില് സ്കൈ ഡൈവിംഗ് നടത്തി നസ്രിയ, ചിത്രങ്ങള്
Synopsis
നസ്രിയ പങ്കുവെച്ച ഫോട്ടോകള് ശ്രദ്ധയാകര്ഷിക്കുന്നു.
മലയാളത്തിന്റെ പ്രിയപ്പെട്ട താരങ്ങളില് ഒരാളാണ് നസ്രിയ. സാമൂഹ്യ മാധ്യമങ്ങളില് സജീവ സാന്നിദ്ധ്യവുമാണ് നസ്രിയ. നസ്രിയ പങ്കുവയ്ക്കുന്ന ഫോട്ടോകള് ഓണ്ലൈനില് തരംഗമാകാറുണ്ട്. നസ്രിയ ഏറ്റവും ഒടുവില് പങ്കുവെച്ച സ്കൈ ഡൈവിംഗിന്റെ ഫോട്ടോകളും ശ്രദ്ധ നേടുകയാണ്.
ദുബായിലേയ്ക്ക് വിമാനത്തില് നിന്ന് ചാടിയിറങ്ങിയെന്നാണ് നസ്രിയ എഴുതിയിരിക്കുന്നത്. അക്ഷരാര്ഥത്തില് സ്വപ്നം യാഥാര്ഥ്യമായി എന്നും നസ്രിയ എഴുതിയിരിക്കുന്നു. നസ്രിയയുടേതായി ഏറ്റവും ഒടുവില് പ്രദര്ശനത്തിന് എത്തിയ ചിത്രം തെലുങ്കിലായിരുന്നു. 'അണ്ടേ സുന്ദരാനികി' എന്ന ചിത്രമായിരുന്നു നസ്രിയയുടേതായി പ്രദര്ശനത്തിന് എത്തിയത്. വിവേക അത്രയയാണ് ചിത്രം സംവിധാനം ചെയ്തത്. ജൂൺ 10ന് ആയിരുന്നു തിയറ്ററില് റിലീസ് ചെയ്തത്. നാനിയായിരുന്നു നായകൻ.
നവീൻ യെര്നേനിയും രവി ശങ്കറുമാണ് ചിത്രം നിര്മിച്ചത്. മൈത്രി മൂവി മേക്കേഴ്സിന്റെ ബാനറിലാണ് ചിത്രത്തിന്റെ നിര്മാണം. വിവേക് സാഗറാണ് ചിത്രത്തിന്റെ സംഗീത സംവിധാനം നിര്വഹിച്ചത്. രവി തേജ ഗിരിജാല ചിത്രസംയോജനം നിര്വഹിച്ചു. 'ലീല തോമസ്' എന്ന കഥാപാത്രത്തെയാണ് നസ്രിയ 'അണ്ടേ സുന്ദരാനികി'യില് അവതരിപ്പിച്ചത്. നികേത് ബൊമ്മിറെഡ്ഡിയാണ് ചിത്രത്തിന്റെ ഛായാഗ്രാഹണം നിര്വഹിച്ചത്. തെന്നിന്ത്യയുടെ പ്രിയപ്പെട്ട താരങ്ങളില് ഒരാളായ നദിയ മൊയ്തു, ഹര്ഷ വര്ദ്ധൻ, രാഹുല് രാമകൃഷ്ണ, സുഹാസ്, അളഗം പെരുമാള്, ശ്രീകാന്ത് അയങ്കാര് തുടങ്ങി ഒട്ടേറെ താരങ്ങള് ചിത്രത്തില് അഭിനയിച്ചു.
നസ്രിയ നേരത്തെ തമിഴ് ചിത്രത്തില് അഭിനയിച്ചിട്ടുണ്ട്. അറ്റ്ലി സംവിധാനം ചെയ്ത ചിത്രമായ 'രാജാ റാണി'യിലെ നസ്രിയയുടെ വേഷം ശ്രദ്ധേയമായിരുന്നു. ആര്യയാണ് 'രാജാ റാണി' ചിത്രത്തിൽ മറ്റൊരു പ്രധാന കഥാപാത്രത്തെ അവതരിപ്പിച്ചത്. 'ട്രാന്സ്' ആണ് മലയാളത്തില് നസ്രിയ അഭിനയിച്ച അവസാന ചിത്രം. അന്വര് റഷീദ് സംവിധാനം ചെയ്ത ചിത്രമായ 'ട്രാന്സിൽ' ഫഹദായിരുന്നു നായകനായി എത്തിയത്.
Read More: ആകാംക്ഷയുയര്ത്തി പൃഥ്വിരാജിന്റെ 'ഖലിഫ', ചിത്രീകരണം മാര്ച്ചില് തുടങ്ങും