രജനികാന്തിന്റെ എക്കാലത്തേയും ഹിറ്റ് വീണ്ടും തിയറ്ററുകളിലേക്ക്, അപ്‍ഡേറ്റ് പുറത്ത്

തമിഴകത്തിന്റെ രജനികാന്തിന്റെ വമ്പൻ ഹിറ്റ് ചിത്രം വീണ്ടുമെത്തുന്നു.

രജനികാന്തിന്റെ എക്കാലത്തെയും ഒരു ഹിറ്റ് ചിത്രമാണ് ബാഷ. സുരേഷ് കൃഷ്‍ണയാണ് സംവിധാനം നിര്‍വഹിച്ചത്. ബാഷ റിലീസായിട്ട് ഇന്നലേയ്‍ക്ക് 30 വര്‍ഷം തികഞ്ഞിരിക്കുകയാണ്. ബാഷ വീണ്ടും തിയറ്ററുകളില്‍ എത്തുമെന്ന വാര്‍ത്തയും ആരാധകര്‍ക്കിടയില്‍ പുതുതായി ചര്‍ച്ചയായി മാറിയിരിക്കുകയാണ്.

ചിത്രം റീമാസ്റ്റര്‍ ചെയ്‍താകും എത്തുക. ഫോര്‍കെ ക്വാളിറ്റിയോടെ ഡോള്‍ബി അറ്റ്‍മോസിലാണ് ചിത്രം എത്തുക. റിലീസ് തിയ്യതി ഇതുവരെ പ്രഖ്യാപിച്ചിട്ടില്ല. നഗ്മയും പ്രധാന കഥാപാത്രമായ രജനികാന്ത് ചിത്രത്തില്‍ രഘുവരൻ, ജനഗരാജു, ദേവൻ, ശശികുമാര്‍, വിജയകുമാര്‍, ആനന്ദ്‍രാജ്, ചരണ്‍ രാജ്, കിട്ടി, സത്യപ്രിയ, യുവറാണി, അല്‍ഫോണ്‍സ, ഹേമലത, ദളപതി ദിനേശ് തുടങ്ങിയവരും ഉണ്ടായിരുന്നു.

തമിഴകത്തിന്റെ രജനികാന്തിന്റേതായി ഒടുവില്‍‌ വന്ന ചിത്രം വേട്ടയ്യൻ ആണ്. തമിഴ്‍നാട്ടില്‍ നിന്ന് വേട്ടയ്യൻ 200 കോടിയില്‍ അധികം നേടിയിരുന്നു എന്നാണ് റിപ്പോര്‍ട്ട്. കേരളത്തിലും മികച്ച കളക്ഷനാണ് ചിത്രം നേടിയതെന്ന് റിപ്പോര്‍ട്ടുണ്ടായിരുന്നു. കേരളത്തില്‍ നിന്ന് വേട്ടയ്യൻ 16.85 കോടി രൂപയാണ് ആകെ നേടിയതെന്നാണ് റിപ്പോര്‍ട്ട്.

യുഎ സര്‍ട്ടിഫിക്കറ്റാണ് വേട്ടയ്യന് ലഭിച്ചിരുന്നത്. സംവിധാനം ടി ജെ ജ്ഞാനവേല്‍. ഛായാഗ്രഹണം എസ് ആർ കതിർ. രജനികാന്തിനൊപ്പം ഫഹദ് ഫാസിലിനു പുറമേ ചിത്രത്തില്‍ മഞ്‍ജു വാര്യർ, അമിതാഭ് ബച്ചൻ, റാണ ദഗ്ഗുബാട്ടി, ശർവാനന്ദ്, ജിഷു സെൻഗുപ്‌ത, അഭിരാമി, രീതിക സിങ്, ദുഷാര വിജയൻ, രാമയ്യ സുബ്രമണ്യൻ, കിഷോർ, റെഡ്‌ഡിന് കിങ്‌സ്‌ലി, രോഹിണി, രവി മരിയ, റാവു രമേശ്, രാഘവ് ജൂയാൽ, രമേശ് തിലക്, ഷാജി ചെൻ, രക്ഷൻ, സിങ്കമ്പുലി, ജി എം സുന്ദർ, സാബുമോൻ അബ്‍ദുസമദ്, ഷബീർ കല്ലറക്കൽ എന്നീ താരങ്ങളും മറ്റ് പ്രധാന കഥാപാത്രങ്ങളായി ഉണ്ട്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക