അടൂര് ഗോപാലകൃഷ്ണന് ആശംസയും ആദരവും അറിയിച്ചിട്ടുള്ള പ്രത്യേക ഗ്രാഫിക്കൽ വീഡിയോ മമ്മൂട്ടി പുറത്തുവിട്ടു.
വിഖ്യാത സംവിധായകൻ അടൂർ ഗോപാലകൃഷ്ണന് ഇന്ന് എണ്പതാം ജന്മദിനം. മലയാള സിനിമയുടെ കീര്ത്തി ലോകത്തിനു മുന്നില് ഉയര്ത്തിപ്പിടിച്ച ചലച്ചിത്രകാരനാണ് അടൂര് ഗോപാലകൃഷ്ണൻ. താരങ്ങള് അടക്കമുള്ളവര് അടൂര് ഗോപാലകൃഷ്ണന് ആശംസകള് നേര്ന്നു. അടൂര് ഗോപാലകൃഷ്ണന് ആശംസയും ആദരവും അറിയിച്ചിട്ടുള്ള പ്രത്യേക ഗ്രാഫിക്കൽ വീഡിയോ നടൻ മമ്മൂട്ടി പുറത്തുവിട്ടു.
സ്നേഹപൂർവ്വം എന്ന പേരിൽ ഒരുക്കിയ ഗ്രാഫിക്കൽ വീഡിയോയിൽ അടൂർ ഗോപാലകൃഷ്ണൻ സംവിധാനം ചെയ്ത വിവിധ ചിത്രങ്ങളും അവയുടെ കാരിക്കേച്ചറുകളും പ്രത്യക്ഷപ്പെടുന്നുണ്ട്. ബീൻബാഗ് ക്രിയേറ്റീവ് മീഡിയയാണ് ഈ കലാസൃഷ്ടിക്ക് പിന്നിൽ. സുധീർ പി വൈ, കൃഷ്ണൻ ബാലകൃഷ്ണൻ എന്നിവരുടേതാണ് വീഡിയോയുടെ ആശയം. പി വി ഉണ്ണികൃഷ്ണനാണ് പശ്ചാത്തലസംഗീതം ഒരുക്കിയത്.
ഡ്രോയിംഗ് ആനിമേഷനും സുധീര് പി വൈയുടേതാണ്.
ദാദാ സാഹേബ് ഫാല്കെ പുരസ്കാരമടക്കം എണ്ണംപറഞ്ഞ ചലച്ചിത്ര അവാര്ഡുകള് അടൂര് ഗോപാലകൃഷ്ണനെ തേടിയെത്തിയിട്ടുണ്ട്.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona.