അജയ് ദേവ്ഗണ് ചിത്രം 'ഭോലാ'യുടെ റിവ്യുവുമായി നടി കാജോള്
Synopsis
തമിഴകത്തെ ഹിറ്റ് ചിത്രം 'കൈതി'യുടെ ഹിന്ദി റീമേക്കാണ് 'ഭോലാ'.
തമിഴകത്തെ ഹിറ്റ് ചിത്രം 'കൈതി' ഹിന്ദിയിലേക്ക് എത്തിയിരിക്കുകയാണ്. ലോകേഷ് കനകരാജിന്റെ സംവിധാനത്തിലുള്ള ഹിറ്റ് ചിത്രം 'കൈതി' ഹിന്ദിയിലേക്ക് എത്തിയപ്പോള് അജയ് ദേവ്ഗണ് ആണ് നായകൻ'. അജയ് ദേവ്ഗണ് തന്നെയാണ് ചിത്രം സംവിധാനം ചെയ്തിരിക്കുന്നത്. അജയ് ദേവ്ഗണിന്റെ 'ഭോലാ' എന്ന ചിത്രം നിര്ബന്ധമായും കണ്ടിരിക്കേണ്ട ഒന്നാണെന്നും ഉടനീളം താൻ കയ്യടിക്കുകയായിരുന്നുവെന്നും നടി കാജോള് പറഞ്ഞു.
അജയ് ദേവ്ഗണ് സംവിധാനം ചെയ്യുന്ന നാലാമത്തെ ചിത്രമായ 'ഭോലാ'യുടെ പ്രത്യേക പ്രദര്ശനം കഴിഞ്ഞ ദിവസം കണ്ടതിന് ശേഷമായിരുന്നു കാജല് സാമൂഹ്യ മാധ്യമത്തിലൂടെ തന്റെ അഭിപ്രായം അറിയിച്ചത്. 'യു മേം ഓര് ഹം', 'ശിവായ്', 'റണ്വേ 34' എന്നിവയാണ് അജയ് ദേവ്ഗണ് സംവിധാനം നിര്വ്വഹിച്ച മറ്റു ചിത്രങ്ങള്. അസീം ബജാജാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. അമലാ പോളിന്റെ ബോളിവുഡ് അരങ്ങേറ്റത്തില് തബുവും ഒരു പ്രധാന കഥാപാത്രത്തെ അവതരിപ്പിക്കുന്നു.
ടി സീരിസ്, റിലയൻസ് എന്റർടെയ്ൻമെന്റ്, ഡ്രീം വാരിയേഴ്സ് പിക്ചേഴ്സ് എന്നിവർ ചേർന്നാണ് നിർമാണം. 'ഭോലാ'യ്ക്ക് രാജ്യത്തെ തിയറ്ററുകളില് മികച്ച തരത്തിലുള്ള പ്രതികരണമാണ് ലഭിക്കുന്നത് എന്നാണ് റിപ്പോര്ട്ട് . 3 ഡിയിലാണ് ചിത്രം ഒരുങ്ങിയിരിക്കുന്നന്നത്. അജയ് ദേവ്ഗണിനറെ സംവിധാനത്തിലുള്ള പുതിയ ചിത്രവും വൻ വിജയമാകും എന്ന പ്രതീക്ഷയിലാണ് ആരാധകര്.
'ദൃശ്യം 2'വാണ് അജയ് ദേവ്ഗണ് നായകനായി ഇതിനു മുമ്പ് പ്രദര്ശനത്തിന് എത്തിയത്. ജീത്തു ജോസഫിന്റെ മോഹന്ലാല് ചിത്രം 'ദൃശ്യം 2'ന്റെ ഒഫിഷ്യല് റീമേക്ക് ആണിത്. ചിത്രം മികച്ച പ്രതികരണമാണ് തിയറ്ററുകളില് നിന്ന് നേടുന്നത്. അഭിഷേക് പതകാണ് ചിത്രം സംവിധാനം ചെയ്തത്. ഭൂഷൻ കുമാര്, കുമാര് മംഗത് പതക്, അഭിഷേക് പതക്, കൃഷ്ണൻ കുമാര് എന്നിവര് ചേര്ന്നാണ് ചിത്രം നിര്മിച്ചത്. താബു, അക്ഷയ് ഖന്ന, ശ്രിയ ശരണ്, ഇഷിദ ദത്ത, മൃണാള് ജാധവ്, രജത് കപൂര്, സൗരഭ് തുടങ്ങി ഒട്ടേറെ താരങ്ങള് ചിത്രത്തില് അഭിനയിച്ചു. 'ദൃശ്യം' ആദ്യ ഭാഗത്തിന്റെ റീമേക്കിലും അജയ് ദേവ്ഗണ് തന്നെയായിരുന്നു നായകൻ.
Read More: പ്രഭാസിന്റെ 'ആദിപുരുഷി'ന്റെ പുതിയ പോസ്റ്റര് പുറത്ത്, റിലീസിനായി കാത്തിരിപ്പ്