അക്ഷയ് കുമാറിന്റെ വാതിലുകള് എല്ലാക്കാലത്തും തനിക്കുമുന്നില് തുറന്നിരുന്നുവെന്നും എന്നാല് അദ്ദേഹത്തെ സമീപിക്കാന് കഴിയുന്ന കഥകള് തന്റെ പക്കല് ഉണ്ടോയെന്ന സംശയം മൂലമാണ് പോയ പത്ത് വര്ഷം അദ്ദേഹത്തിനൊപ്പം സിനിമകള് സംഭവിക്കാതിരുന്നതെന്നും പ്രിയദര്ശന് പറഞ്ഞിരുന്നു.
ബോളിവുഡില് ഹിറ്റ് ചിത്രങ്ങള് ഒരുക്കിയ സംവിധായകന്-നടന് കൂട്ടുകെട്ടാണ് പ്രിയദര്ശനും(Akshay Kumar) അക്ഷയ് കുമാറും(Priyadarshan). ഹേര ഫേരിയും ഭൂല് ഭുലയ്യയും തുടങ്ങി ഇവരുടെ മിക്ക ചിത്രങ്ങളും ബോക്സ് ഓഫീസില് വലിയ വിജയങ്ങളായിരുന്നു. എന്നാല് 2010ല് പുറത്തെത്തിയ ഖട്ട മീഠയ്ക്കു ശേഷം ഇവരുടേതായി ചിത്രങ്ങളൊന്നും പുറത്തെത്തിയിരുന്നില്ല. പിന്നാലെ ഇരുവരും വീണ്ടും ഒന്നിക്കുന്നുവെന്ന വാർത്തകൾ 2020ൽ പുറത്തുവന്നിരുന്നു. ഇപ്പോഴിതാ ചിത്രത്തെ കുറിച്ചുള്ള പുതിയ അപ്ഡേറ്റുകളാണ് പുറത്തുവരുന്നത്.
അടുത്ത വർഷം സിനിമയുടെ ചിത്രീകരണം ആരംഭിക്കുമെന്ന് പിങ്ക് വില്ല റിപ്പോർട്ട് ചെയ്യുന്നത്. സിനിമയുടെ തിരക്കഥ പുരോഗമിക്കുകയാണ് എന്നും കൊവിഡ് മൂലമാണ് ഇത്രയും വൈകുന്നതെന്നും പ്രിയദർശൻ പറഞ്ഞു. അതേസമയം, ഹംഗാമ 2'വാണ് പ്രിയദര്ശന്റെതായി ഒടുവിൽ റിലീസ് ചെയ്ത ഹിന്ദി ചിത്രം. മലയാള ചിത്രം മിന്നാരത്തിന്റെ റീമേക്കായ സിനിമ ഡിസ്നി പ്ലസ് ഹോട്ട്സ്റ്റാറിലൂടെയാണ് റിലീസ് ചെയ്തത്.
അക്ഷയ് കുമാറിന്റെ വാതിലുകള് എല്ലാക്കാലത്തും തനിക്കുമുന്നില് തുറന്നിരുന്നുവെന്നും എന്നാല് അദ്ദേഹത്തെ സമീപിക്കാന് കഴിയുന്ന കഥകള് തന്റെ പക്കല് ഉണ്ടോയെന്ന സംശയം മൂലമാണ് പോയ പത്ത് വര്ഷം അദ്ദേഹത്തിനൊപ്പം സിനിമകള് സംഭവിക്കാതിരുന്നതെന്നും പ്രിയദര്ശന് പറഞ്ഞിരുന്നു. "അദ്ദേഹം പഴയ ആള് തന്നെയാണ്. മികച്ച സിനിമയകള്ക്കായി അന്വേഷണം നടത്തിക്കൊണ്ടേയിരിക്കുന്ന ഒരാള്", പ്രിയദര്ശന് പറഞ്ഞു. അതേസമയം നാല് പ്രമുഖ സംവിധായകര് ഒന്നിക്കുന്ന ഹിന്ദി ചലച്ചിത്ര സമുച്ചയമായ ഫോര്ബിഡന് ലവില് പ്രിയദര്ശന് ഒരു ചിത്രം ഒരുക്കിയിട്ടുണ്ട്. ഒടിടി പ്ലാറ്റ്ഫോം ആയ സീ5ന്റെ ഒറിജിനല് പ്രൊഡക്ഷന് ആയ സിനിമയിലെ പ്രിയദര്ശന് സംവിധാനം ചെയ്ത ചിത്രത്തിന്റെ പേര് അനാമിക എന്നാണ്. ചിത്രം ഇതിനകം സ്ട്രീമിംഗ് ആരംഭിച്ചിട്ടുണ്ട്. പ്രദീപ് സര്ക്കാര്, അനിരുദ്ധ റോയ് ചൗധരി, മഹേഷ് മഞ്ജ്രേക്കര് എന്നിവരാണ് ഫോര്ബിഡന് ലവില് സഹകരിച്ചിരിക്കുന്ന മറ്റ് മൂന്ന് സംവിധായകര്.
സൂര്യയും സുധ കൊങ്കരയും വീണ്ടും ഒന്നിക്കുന്നു; ഇത്തവണയും ബയോപിക്
'സൂരറൈ പോട്ര്' എന്ന സൂപ്പർ ഹിറ്റ് ചിത്രത്തിന് ശേഷം സൂര്യയും(Suriya) സംവിധായിക സുധ കൊങ്കരയും(Sudha Kongara) വീണ്ടും ഒന്നിക്കുന്നു. ഇക്കുറിയും മറ്റൊരു ബയോപിക്കിനായാണ് ഇരുവരും ഒന്നിക്കുന്നതെന്നാണ് റിപ്പോർട്ടുകൾ. ഒരു തമിഴ് മാധ്യമത്തിന് നൽകിയ അഭിമുഖത്തിൽ സുധ കൊങ്കര തന്നെയാണ് ഇക്കാര്യം അറിയിച്ചത്.
ആരെക്കുറിച്ചായിരിക്കും ചിത്രം സംസാരിക്കുക എന്ന് സുധ കൊങ്കര വ്യക്തമാക്കിയിട്ടില്ല. നിലവിൽ സൂര്യ കരാർ ഒപ്പിട്ടിരിക്കുന്ന സിനിമകൾക്ക് ശേഷമായിരിക്കും ചിത്രം ആരംഭിക്കുക. സുധ കൊങ്കര ഇപ്പോൾ ‘സുരറൈ പോട്ര്’ ന്റെ ഹിന്ദി പതിപ്പിന്റെ അണിയറയിലാണ്. അക്ഷയ് കുമാർ നായകനാകുന്ന ചിത്രം സൂര്യയുടെ 2ഡി എന്റർടെയ്ൻമെൻറ്സും വിക്രം മൽഹോത്രയും ചേർന്നാണ് നിർമ്മിക്കുന്നത്.
കൊവിഡ് പശ്ചാത്തലത്തില് ഡയറക്ട് ഒടിടി റിലീസ് ആയെത്തിയ വലിയ പ്രേക്ഷകപ്രീതി നേടിയ തമിഴ് ചിത്രമാണ് 'സൂരറൈ പോട്ര്'. സൂര്യയെ നായകനാക്കി സുധ കൊങ്കര സംവിധാനം ചെയ്ത ചിത്രം ആമസോണ് പ്രൈമില് സ്ട്രീമിംഗ് ആരംഭിച്ച ദിവസം തന്നെ സോഷ്യല് മീഡിയയില് സജീവ ചര്ച്ചാവിഷയമായിരുന്നു. അപർണ ബാലമുരളിയായിരുന്നു നായികയായി എത്തിയത്.